الحمد لله على كل شئ دة نصيبى والحمد لله أنا راضى بيه ، ويمكن تكون فدت حاجة أكبر. مين عارف.
عرض للطباعة
الحمد لله على كل شئ دة نصيبى والحمد لله أنا راضى بيه ، ويمكن تكون فدت حاجة أكبر. مين عارف.
لا حول ولا قوه الا بالله ربنا يعوض عليك يا محمد انا لسه شايف الموضوع حالا
بس تصرفك سليم و اوعي تندم هو لو كان نازل يبجح معاك كان حقك تعمل اللي انت عاوزه لكن راجل كبير و محترم دا اللي بيلجم الواحد بجد.
ان شاء الله حترجع زي الاول و احسن
أكيد ربنا حيعوض عليك كل قرش حتدفعوا فى الأصلاح , عشان نيتك الجميلة دى :-) ...
و الله الواحد بيتعلم هنا معاكو حاجة جديدة كل يوم , و مش فى العربيات بس , فى الأخلاق كمان .... ;) ;)
علش ياباشا وطالما انت مسامح وزى ماقلت الراجل كان غصب عنه يبقى خلاص. انما بالنسبالى لو كان بياخد غرزه ولا حاجه كنت علمته الادب . فداك يا ريس معلش
اثرتوا اشجانى والله بموضوع مشروع البنوك بتاع اى تى سوفت . انا اصلى كنت هشتغل فى المشروع ده بس رحت شغل تانى. مع ان ما بين بيتى و اى تى سوفت دقيقتين. انا بشوف الشركه من البلكونه . الواحد كان راحه بدل البهدله من مدينه نصر للمهندسين رايح جاى كل يوم . يلا الحمد لله
انتا كنت في اي تي سوفت ؟اقتباس:
المشاركة الأصلية كتبت بواسطة Mostafa
من امتي و اسمك ايه و تيم اية ؟
الظاهر الحبايب هنا كتير
قدر الله و ما شاء فعل
هو كويس طبعا اللى انت عملته
بس هذا لا يمنع انه: من اتلف شيئا فعليه اصلاحه"
والله يا modux وابو سيف اللى انتوا عملوته دا عين العقل و ربنا حيباركلكم فى عربياتكم عشان نياتكم الخالصة دى
وربنا يباركلنا جميعا
لا يا محمد باشا انا كنت فى موبينيل وكنت جاى اى تى سوفت بس على التليكوم وبعد ما بقيت Accepted من ال HR وكله تمام قالولى بس تروح على المشروع بتاع البنوك ده بدل التليكوم عشان محتاجين فيه ناس كتير.بس انا مكنتش عايز اغير فاعتذرت. والحمد لله دلوقتى بخبط المشوار كل يوم رايح جاى من المهندسين لحد ما رجلى نشفت من كتر ما بدوس على الدبرياج وضهرى جاله اتب من كتر الفرمله وكله من اجل التليكوم. وكل يوم وانا نازل الصبح قبل ما اركب العربيه استعدادا لمشوار العذاب اليومى ابص على المنطقه الحره واقول (كان ماله مشروع البنوك بس يا عم مصطفى)
الحمد لله على سلامتك وربنا هيعوضك خيرا ان شاء الله عما فعلته
اللى انتا عملته هوه عين العقل :lol: :lol: و بعدين الراجل أد والدك و اعتذر و قاللك خد الرخصه و كده يعنى يبقى العفو عند المقدره زى ما حضرتك عملت انما لو كان فتح بقه و زعق و قل أدبه و قاللك و انا مالى ساعتها ممكن التصرف بتاعك يتغير 180 درجه :-? :-? و محدش هيقدر يلومك ساعتها