استشارة كهربية

**A.samy** · 01-09-2009 11:30 PM

السلام عليكم
وانا عند الكهربائى لقيتة بيقولى النور بتاع ( المرشيدير ) الابيض اللى موجود فى الفنوس الخلفى مش شغال وبعدين لقيتة بيقولى هى مكنتة بياظة ولا اية الحقيقة انا معرفتش ارد علية عشان انا اول مرة اخد بالى من الموضوع دة واول مرة اعرف ان فية مكنة للنور الخلفى بتشتغل لما العربية ترجع للخلف قلت خلاص شوفها
كشف عليها وبعدين قالى هى المكنة شغالة يبقى اكيد العيب مش فى المكنة كدة العيب فى كارت الكنترول قولتلة خلاص اعملة قالى انا مبشتغلش فية وانصحك متخليش حد يلعبلك فية وامشى بيها كدة العيب دة مش هيآثر معاك فى حاجة الحقيقة انا مش فاهم حاجة من اللى قالها وهل كلامة كدة صح ولا اشوف كهربائى تانى .

**samirayad** · 02-09-2009 01:01 AM

اللى أعرفه أن مفيش علاقه بين وحدة التحكم عندنا
ومفتاح تكملة الدايره الكهربيه اللى على دواسة الفرامل
وأكيد يقصد من مكنة النور
المفتاح ده اللى على الدواسه
أما موضوع الكنترول والفرامل ده بيكون مع العربيات اللى فيها نظام
فرامل مانعه للأنغلاق وده مش عندنا
فشوف كده فيوز لمبات الفرامل اللى فى علبة الفيوزات الصغيره
أو أكشف على اللمبات نفسها
طالما هو أطمن أن مفتاح لمبات الفرامل شغال
ومش عارف أنت تقصد أن لمبة النص هى اللى مش بتنور مع الفرامل
ولا لمبات الفرامل كلها

**Hany A Fattah** · 02-09-2009 02:46 AM

المشاركة الأصلية كتبت بواسطة astsaae

السلام عليكم
وانا عند الكهربائى لقيتة بيقولى النور بتاع ( المرشيدير ) الابيض اللى موجود فى الفنوس الخلفى مش شغال.

استاذ سمير هو يقصد نور المرشيدير

المشاركة الأصلية كتبت بواسطة astsaae

وبعدين لقيتة بيقولى هى مكنتة بياظة ولا اية الحقيقة انا معرفتش ارد علية عشان انا اول مرة اخد بالى من الموضوع دة واول مرة اعرف ان فية مكنة للنور الخلفى بتشتغل لما العربية ترجع للخلف قلت خلاص شوفها .

فعلا فيه جزء على الفيتيس يوصل الكهربا مع النور الخلفى فى حاله الرجوع للخلف

المشاركة الأصلية كتبت بواسطة samirayad

اللى أعرفه أن مفيش علاقه بين وحدة التحكم عندنا .

صح

المشاركة الأصلية كتبت بواسطة samirayad

ومش عارف أنت تقصد أن لمبة النص هى اللى مش بتنور مع الفرامل
ولا لمبات الفرامل كلها

الرد فوق

اولا خلى كهربائى يراجع الفيوزات
ويراجع السلك الواصل بين الفتيس والفانوس الخلفى

**samirayad** · 02-09-2009 03:03 AM

استاذ سمير هو يقصد نور المرشيدير

سورى مأخدتش بالى فعلا
وموضوع مكنة النور ده اللى لخفنى فعلا
وأفتكرت القصه تبع نور الفرامل
يالله حصل خير
هههههههههه

**samirayad** · 02-09-2009 03:18 AM

فعلا فيه جزء على الفيتيس يوصل الكهربا مع النور الخلفى فى حاله الرجوع للخلف

وفيه فعلا مفتاح كهرباء على الفتيس
من بره فى أتجاه الردياتير ( قصاد فيشة حساس السرعه )
بياخد أشاره فى حالة وضع عصاية الفتيس على الوضع reverse
بتلقط الأنوار البيضاء بتاعة المارشدير
والمفتاح ده واخد كهرباء من فيوز فى علبة الفيوزات الصغيره بالصالون
فيوز أحمر ( 10 أمبير ) ممكن يكون الفيوز ده مهزوز أو عاوز يتغير
أو مشكلة توصيل بين كابلات مفتاح المارشدير واللمبات
أو الدوايات مش مظبوطه أو لمبات محروقه مثلا