ايوه العنوان كده احسن
ايوه العنوان كده احسن
انا ليا واحد صحبى كان بيشتغل فى المصرية كانت العربية الى بيحصلها حاجة كان بياخدها يصلحها وتتباع على انها زيرو ودا دليل على قمة الظلم والضلالة والسرقة
واحد صنايعى شغال فى تركيب فرش للسيارات بيحلفلى بالله واحد صاحبه شارى عربيه على الزيرو من معرض بتاع واحد صاحبه ومشى بيها فتره ولما جه عشان يركبله فرش العربيه لقاها راشه من جوه تخيلوا بقى هول الصدمه !!
مفيش غير اننا نقول حسبنا الله ونعم الوكيل
فعلا لازم تكون عينك فى راسك وانت بتستلم حتى ولو زيرو وحتى لو عليها اللزق الابيض
المصرية بتبيع خليجي بالمناسبة.
دي بقت مسخرة من التجار والله , مش عارف بس جهاز حماية المستهلك ده شغتله ايه.. المفروض يحمي المستهلك بشكل ما قبل ما يشتري مش بعد ما المصيبة تحصل
طبعا الطارق انضف ميت مارة من المصرية الزفت دى وناس كتير استلمت
عربيات كتير من عندوا ومفيش مشاكل اهم حاجة لازم تتبع تعليمات الاستلام
يعنى تلف حوالين العربية لو فيه خبطة او ختش وتشيك على كل الاوبشنز اللى فى العربية
وعداد الكيلو متر ميكونش عامل رقم كبير يعنى بالكتير اوى 60 كيلو مثلا لكن بالنسبة
للراجل بتاع السيراتو دة انا فى رأى ان هو الغلطان رايح شركة زى الزفت وكمان
مستلمش عدل وفلة العربية حته حته وكمان خليجى من غير ضمان طب ازاى .
والصراحة احسن حاجة الواحد يحجز فى التوكيل بجد راحة بال مهما كانت نوع العربية :w6266d
والف شكر لصاحب الموضوع على التنبيه من الشركة الزفتية دى :beatdeadhorse5:
وكل سنة وانتم طيبين ورمضان كريم
بمناسبة الشاى , اخويا لما اشترى سيفيا من 10 سنين من المصرية, بتاع المبيعات خد ساعتها باكو مقفول و مرضيش ينزل عن كده عشان ده مش ليه لوحده , ده عشان (يراضى الرجالة)
يبدو إن صاحبنا صاحب المشكلة لأنه صحفي قدر يوصل صوته
وواضح إنه هاياخد حقه
بس هي مسألة وقت
شوفوا كدة الخبر ده من جريدة اليوم السابع
اقتباس:
صحفى بجريدة الدستور يتهم شركة سيارات بالنصب عليه
تعرض صحفى بجريدة الدستور إلى واقعة غش تجارى من قبل إحدى شركات السيارات، والتى قامت ببيع سيارة مستعملة له، على أنها جديدة، وذلك بعد اكتشافه أن عداد السيارة تخطى ألف كيلو، ولكن الشركة قامت بإعادته للصفر وبيع السيارة على أنها جديدة.
تقدم "أحمد.ر.ص" (24 عاما) صحفى بجريدة الدستور، إلى قسم شرطة البساتين، وقام بتحرير المحضر رقم 15974، يتهم فيه شركة السيارات بالنصب عليه، وذلك بعد شرائه سيارة ماركة كيا "سيراتو"، موديل 2009، واستلامها من فرع المعادى، واكتشف بعدها على أن السيارة مستعملة وأن العداد تخطى الـ1000 كيلو.
وأضاف أحمد فى بلاغه على أنه اشترى السيارة بتاريخ 20 أغسطس الماضى، وعندما اكتشف وجود رعشة بالكاوتش الخلفى للسيارة، وأبلغ التوكيل بها، طلبوا منه أن يفحص السيارة بالتوكيل، وكانت المفاجأة هى أنه اكتشف، تأكل الكاوتش الخلفى للسيارة، وأن عداد السيارة تخطى الـ 1000 كيلو، وأن شركة السيارات قامت بإعادة العداد للصفر من جديد، وهو ما دفعه إلى التقدم بالبلاغ، من أجل إثبات واقعة الغش التجارى التى تعرض له، وجار العرض على النيابة التى تولت التحقيق فى الواقعة.