تغير طقم كاوتش اللانوس S

مساء الخير يا شباب

ممكن أعرف بعد كام كيلو المفروض طقم الكاوتش يتغير؟ وإيه أحسن كاوتش للانوس وسعره كام ويا ريت منين ؟
معلش طلبات كتيرة ... طماع :-)

العربية زيرو 2006 وعاملة 40000 كيلو

احسن نوع طبعا بريدجيستون وسعره تقربيا الاربعه 1280 الله اعلم
والتغير كل 60 الف او 50 الف حسب استهلاكك للعربيه سواء سفر او داخل المدينه

يفضل تغيير الاربع فرد كل 40000 او 6 سنوات ايهما اقرب

MMamdouh

اقتباس:

---

المشاركة الأصلية كتبت بواسطة badblood

احسن نوع طبعا بريدجيستون وسعره تقربيا الاربعه 1280 الله اعلم
والتغير كل 60 الف او 50 الف حسب استهلاكك للعربيه سواء سفر او داخل المدينه

---

الف شكر بس تعرف حد كويس أجيبهم من عنده والا مش فارق أجيبهم من أى حته؟[/quote]

اقتباس:

---

المشاركة الأصلية كتبت بواسطة MMamdouh

يفضل تغيير الاربع فرد كل 40000 او 6 سنوات ايهما اقرب

MMamdouh

---

شكراُ على الرد و انا عديت 40000 فى أقل من سنتين !! :?

اقتباس:

---

المشاركة الأصلية كتبت بواسطة badblood

احسن نوع طبعا بريدجيستون وسعره تقربيا الاربعه 1280 الله اعلم
والتغير كل 60 الف او 50 الف حسب استهلاكك للعربيه سواء سفر او داخل المدينه

---

أنا لسه سائل على البريدجستون عند الروماني اللي في شارع جسر السويس الفردة 260 جنيه وأنت وشطرتك (بيتهيألي ممكن تنزل معاه كمان لما تاخد الاربع فرد)
وفيه البريللي الأسباني الفردة 270 جنيه الفردة
وفيه البريللي البرازيلي 215 جنيه الفردة
وعنده أنواع ثانية كثير روح واسأل .. وبصراحة دي أقل أسعار أنا اتحصلت عليها لما كنت عاوز أغير الكاوتش .. ودي نمرة تليفونهم 24949496 .. وربنا يوفقك

انا لسه جايب من عند الروماني فردتين نوع اسمه (Silver Stone) الفرده ب 200 جنيه اللي عجبني فيه انه صناعة ماليزي ... عرض على اني اخد البريللي البرازيلي ب 205 جنيه للفردة وانا فضلت السيلفر ستون لأنه ماليزي وعلى ما بأسمع ان الكاوتش بتاع جنوب شرق اسيا افضل من البرازيلي ...

على فكرة برده لما كنت بسأله فضل يرشح لي البريللي البرازيلي ويأكد عليه مش عارف ليه .. بيتهيألي كده أنها راكده عنده ومش ماشية علشان كده بيأكد عليها .. الواحد لازم يفكر قبل ما يشتري وكويس أنك فضلت نوع ثاني يا أستاذ شريف .. وأنا طبعاً كنت حاسس فعلاً أن الواحد ممكن ينزل معاه وهو بيشتري علشان كده ابتدى معايه بسعر 215 جنيه للبريللي البرازيلي.

محدش ياخد كلام بتوع الكاوتش ثقة و تاكيد لانهم عايزين يبيعوا و خلاص

انا كنت عند الرومانى بجيب كاوتش لعربيتى و عرض عليا فردة كدة غريبة و انا عادتا بعمل انى عبيط مبفهمش اى حاجة عشان اشوف اللى بيبعلى بيحاول يشتغلنى ولا راجل عندة ضمير

المهم قولترة الفردة دى شكلها وحش كدة و زى ما تكون نقشة قديمة فا قاللى لا دى النقشة دى استاذة... دى فيها مجرة للميه و مجرة للزيت :| :| :| :| ... طبعا سالتة اذا كان فيه مجرة للشاى و السكر بس طلع مفيش فى الموديل دة :mrgreen:

القصد ان بتوع الكاوتش ممكن يقولوا اى بتنجان عشان تشترى فا متبعش ودنك لحد... افهم كويس المنتج اللى بتشترية و نوعيتة و صناعتة و ماركتة و قرر بنفسك

انا شخصيا جربت الكومهو و الهانكوك و البريللى و اخيرا الجى تى... كلهم كويسين على سعرهم و اهم حاجة تشترى المقاس الصح و الفردة متكنش تاريخ انتاج قديم

MMamdouh

اقتباس:

---

كلهم كويسين على سعرهم و اهم حاجة تشترى المقاس الصح و الفردة متكنش تاريخ انتاج قديم

---

+100

الف شكر ليكم يا جماعة.

إن شاء الله وانا داخل أشترى هقولهم نايل موتورز عشان يعرفوا هما بيكلموا ميييين :-) :shock:

اقتباس:

---

انا شخصيا جربت الكومهو و الهانكوك و البريللى و اخيرا الجى تى... كلهم كويسين على سعرهم و اهم حاجة تشترى المقاس الصح و الفردة متكنش تاريخ انتاج قديم

MMamdouh

---

يعنى رأيك أقصى تاريخ إنتاج ممكن يكون أد إيه ؟ 6 شهور مثلا؟

حنعتبر انك حتعمل ال 40 الف فى 4 سنين يبقى ممكن لحد سنة او ازيد شوية

MMamdouh

السلام عليكم
يا ريت ياجماعه لو حد إشترى كاوتش خلال شهر يناير أو فبراير , يقول أسعاره إيه و خاصة لمقاس 13/70/175T , علشان أنا ناوى أشترى خلال الأسبوع ده و محتار بين البريدجستون و الكومهو و البريللى
جزاكم الله كل خير

اقتباس:

---

المهم قولترة الفردة دى شكلها وحش كدة و زى ما تكون نقشة قديمة فا قاللى لا دى النقشة دى استاذة... دى فيها مجرة للميه و مجرة للزيت :| :| :| :| ... طبعا سالتة اذا كان فيه مجرة للشاى و السكر بس طلع مفيش فى الموديل دة :mrgreen:

---

:k48::k48::k48::k48::k48: ميه و زيت , طيب مافيش بنزين :k48::k48:

اقتباس:

---

الكومهو و الهانكوك و البريللى و اخيرا الجى تى... كلهم كويسين على سعرهم و اهم حاجة تشترى المقاس الصح و الفردة متكنش تاريخ انتاج قديم

---

خلاصة الكلام.

اقتباس:

---

السلام عليكم
يا ريت ياجماعه لو حد إشترى كاوتش خلال شهر يناير أو فبراير , يقول أسعاره إيه و خاصة لمقاس 13/70/175T , علشان أنا ناوى أشترى خلال الأسبوع ده و محتار بين البريدجستون و الكومهو و البريللى
جزاكم الله كل خير

---

وعليكم السلام ورحمة الله وبركاته.
انا كنت شاري ال كومهو 13/175/70 من شهر تقريبآ. كان عامل 210 بس ده بعد الواجب. وتاريخ الصنع طبعآ كان 2008

بص الموقع دة فى اسعار كتير ينفعك فى المقارنة والمواصفات وفهم الارقام بس طبعا اسعارهم مغالى فية شوية
استخدمه للقرار واشترى من برة
http://www.egytyres.com/
وابقى قولنا جبت اية وبكام عشان انزل اشترى انا كمان

ودة برنامج تحفة تحسب بية مقاس العجل والجنط لو ناوى تغير كله
http://www.miata.net/garage/tirecalc.html

لاحظ انه هيقلك هيغير قد اية فى سرعة العربية بس طبعا على حساب العزم وأسال الخبراء احسن قبل متقرر