ميكانيكى فى فيصل او الهرم

**semam** · 02-09-2009 01:11 PM

يا ريت يا جماعة اللى يعرف ميكانيكى كويس ويكون اتعامل معاة قبل كدة فى فيصل او الهرم يدلنى علية

لان العربية بتعمل معايا حاجات غريبة وعايز اروح لميكانيكى كويس ومحترم واتعامل معاة بس يكون عن تجربة

ويقولى على اللى فى العربية بصراحة لان فية ميكانيكى قالى ان الماتور عايز شمبر لانة لقة البوجية بيعرق زيت وكنا

غيرناة قبل كدة

وكمان انا حاسس ان العربية بتسحب بنزين كتير

**smsmxxxxxx** · 02-09-2009 06:41 PM

انتا عربيتك بيتلز على ما اعتقد

بص انا رحت لميكانيكي فى فيصل بيشتغل فى توكيل فولكس عملت سرفيس

هما اتنين اخوات بس باين عليهم شاطرين لانى لقيت عندهم عربيات غالية اوى فولكس
وكمان بيتلز
بس خللي بالك ممكن يشتغلك جامد لو لقاك جديد على البيتلز
انتا روحله شوف رايه فى مشكلتك
الميكانيكي اسمه اكرامي واخوه اسمه حسين
مكانه
شارع فيصل عند محطة حسن محمد
هتلاقي سوبر ماركت خير زمان
ادخل فى الشارع اللى بعده على طول وانتا ماشي فى اتجاه اول فيصل
امشي الشارع ده للاخر هتلاقيه سد و متفرع يمين وشمال
هتحود يمين
واول ما هتحود هتلاقي الورشة
مواعيده
طول الاسبوع من اول 4 العصر
ماعدا الجمعة والسبت من 9 صباحا

ملحوظة
لو محتاجنى اجى معاك اوريلك السكة انا تحت امرك
بس انا لسة جديد على البيتلز فمش هفيدك في التعامل معاه

------------------
محمد سالم

**semam** · 02-09-2009 08:24 PM

شكرا يا اخ محمد بس انا عايز ميكانيكى ميضحكش عليا وانا فعلا جديد وخبرتى قليلة او تكاد تكون معدومة فى العربية دى

علشان كدة كنت عايز اعرف مكان ميكانيكى يكون قريب منى ومش نصاب ودة اهم حاجة

مشكور مرة اخرى على ردك

**ahit** · 02-09-2009 08:52 PM

السلام عليكم ورحمة الله وبركاته
الميكانيكى الأمين أهم من قربه فى المكان
و ربنا يوفقك فى ميكانيكى كويس فى الهرم أو فيصل

الدكتور أحمد رشدى زميلنا فى المنتدى كان عمل عمرة للبيتل عند ميكانيكى فى الهرم تقريباً , إن شاء الله هاكلمه و آخد رقم تليفون الميكانيكى منه فى أقرب وقت ممكن.

**smsmxxxxxx** · 02-09-2009 11:59 PM

هما كلهم كدة بيضحكوا على الجديد بالزات
علشان كدة اى حاجة بأسأل اخواتنا هنا الاول

بالنسبة لموضوعك جرب روحله وشوف رأيه الاول من غير ما تقول حاجة عن اللى قلهولك الميكانيكي التانى

وياريت يا اخ احمد تجبلنا عناوين ميكانيكية كويسين في فيصل
لحسن الناس الكويسة اللي بتتعملوا معاها بعيد اوى علينا
-------------------
محمد سالم

**mo7ei** · 11-10-2009 01:12 AM

فى ميكانيكى كويس جدا و امين واهم حاجة انو بيفهم مش كفتجى وعندة الجاهز بتاع التوكيل بيصلح بية العربيات الحديثة الميكانيكى اسمة رامى هو جنب مدرسة النيل فى اول الهرم