بصراحه عندك حق في كل كلمه كتبتها
انا طول عمري اقول الافلام الرعب دي عباره عن ناس غبيه او بتستغبى
عرض للطباعة
بصراحه عندك حق في كل كلمه كتبتها
انا طول عمري اقول الافلام الرعب دي عباره عن ناس غبيه او بتستغبى
افلام الرعب بتخاطب الغرائز فى المقام الاول فبيقولو انها بتخللى اللى يتفرج عليها يتلذذ بتعذيب نفسه لانه داخل عشان يخاف و طبعا لازم تلاقى فيها مشاهد خارجه لان زى ما قولت هو بيعتمد على مخاطبة الغرائز فهنا فكرة الفيلم مش هى الاساس المؤثرات و الخدع و الموسيقى و الاخراج عوامل اهم
انا بحب جدا فيلم sleepy hollow و مبقتش اتفرج على افلام الرعب
اما عن الاسلوب و اللى انا شايف انه غرضك الاساسى فى الموضوع فهو لذيذ او جيد لكنك كررت كتير حكاية "انهم اغبياء" و ده كان مش لذيذ كان ممكن تخلى اللى بيقرا هو اللى يقرر ده
ان شاء الله المواضيع القادمة احسن كتير
ربنا يكرمكم يا جماعة على كلماتكم ... شكرا جزيلا لكم
والله أنا كنت كاتبه من غلبي ... معلش على تكرار الكلمة وشكرا ليك
أنا شوفته كله والحمد لله الإنجليزي بتاعي كويس وبقدر أفهم لو المترجم هس ولا حاجة ... يمكن المسلسل أبتدى يتحسن بعد الموسم الثاني ... بس المط والهبل والحاجات الغير مفهومة في الأحداث بجد قمة في الإستفزاز ومملة جدا
بالمناسبة ناس كتير أوي قالوا نفس كلامك ونقضوني بنفس كلماتك على الفيس بوك ... وناس برضه أيدتني ... دول ياراجل بيتريقوا على المسلسل ده على يوتيوب ... كانوا جايبين يعني كأن المخرج وكاتب السيناريو قاعد قبل ميعاد عرض الحلقة بيكتب السيناريو بخمس دقايق وقاعد يفتكس أي حاجة والسلام
طبعا المسلسل في نظري لا يرقى لمستوى بريزون بريك مثلا ... بالله عليك مش كنت بتتغاظ منهم لما كان كل واحد يشوفلوا حاجة ولله في الله مايقولش عليها بدون أي سبب ... بالمناسبة ناس كتير أوي أوي أوي بطلت تتفرج على المسلسل ده بعد نص الموسم الثاني والفلاش باك إللي واكل تلات تربع الحلقة !
على العموم أشكرك شكرا جزيلا على ردك وإهتمامك ونقدك !
طيب انت بتقول انك شوفتة كلة , و شكلك كمان شوفت الجزء التانى ....
يعنى اتفرجت على 60 حلقة و كل حلقة ساعة الا ربع ...
طيب ممكن اعرف اية اللى جبرك انك تتفرج على مسلسل كلة اغبياء زى ما انت بتقول ...
مش شايف انها غريبة شوية انك تتابع مسلسل كلة اغبياء على كلامك .....
لو كان عندك راى حقيقى فى المسلسل كنت اتناقشة معاك فية انما انك ترمى كلمة كدة وخلاص و تصفة بانة مجموعة من الاغبياء دة مش نقد للاسف .
و هى فى النهاية مسئلة ازواق , انما فى ناس كتير وانا منهم عجبهم المسلسل جدا , و انا مشوفتش اغبياء فى المسلسل للاسف , كلها نمازج حقيقية فى الحياة بنقابلها كل يوم .
و لو كنت انا وجدت اى غباء زى ما بتقول كنت ببساطة حاتفرج على حاجة تانية , انما الحقيقة المسلسل شدنى جدا , وفكرة جديدة جدا , وانت كدة بتشوة المسلسل بشكل كبير و بتسطحة جدا بوصفك دة .
أولا أشكرك على كتابتك الممتعة و الساخرة.
بس موضوع مسلسل لوست، اسمحلي اختلف معاك نهائياً.
المسلسل شيق ومثير للغاية واحداثه وشخصياته متشابكة بشكل عجيب. لدرجة ان له موسوعة ضخمة خاصة به. لو شاهدت المواسم الخمسة يمكنك أن تمضي ساعات في تصفح الموسوعة و سوف تكتشف علاقات بين احداث و شخصيات لا يمكن ان تتخيل انها مترابطة. وفي بعض الأحيان تكتشف تفاصيل صغيرة متصلة رغم انها متباعدة زمنيا في العرض (ما بين الموسم الثاني و الخامس مثلا) لدرجة أنه من المستحيل ان تدركها إلا لو شاهدت المسلسل كاملاً أكثر من مرة أو قرأت الموسوعة. ده دليل على ان كتابة المسلسل لا تتم هباءً و أن المسلسل لا يتم كتابته "على الماشي".
كُتّاب المسلسل استثمروا كمان في الشخصيات و اثروها بحيث انك تعايشت وتعاطفت معها.
أنا شخصيا متابع المسلسل من خمس سنين (من ساعة أول حلقة منه ما عرضت في أمريكا في سبتمبر 2004) و أشعر ان الشخصيات الرئيسية هي أصدقاء لي و أكاد ابكي في بعض المواقف.
المسلسل رومانسي و تشويقي و حركي (أكشن يعني) في نفس الوقت.
بعدين بريسون بريك لا يقارن بلوست.
بريسون بريك صحيح مثير و رتمه سريع ولكنه ساذج للغاية. الراجل بيهرب من السجون زي ما أطفال المدارس بيهربوا من المدرسة. اعترف انه مشوق وأني شاهدته كله لكني شاهدته وأنا مدرك انه ساذج. يغفر له كون احداثه سريعة وكون ان في كل حلقة في مصيبة بتحصل وفي آخر الحلقة المصيبة بتتحل وهكذا.
المسلسل دا خنقنىىىىىىىىىى انا فضلت اشوفه 3 سيزون لما حسيت اني غبىىىىىى لاني فضلت اشوف حاجه بالمنظر ده !!! ده ممكن من اول 4 حلقات المسلسل ينتهىىىىاقتباس:
مسلسل لوست
lost
يحكي عن مجموعة شيقة من الأغبياء والحمقى الذي كان من حسن حظ العالم أن تخلص منهم في جزيرة نائية
يجعلك هذا المسلسل في أسعد لحظاتك عندما يقتل شيء ما أحدهم ... لا تأبه ماذا قتلهم ... أو لماذا قتلهم .... أو كيف قتلهم... ولكنهم ماتوا وحسب ... ماتوا والشئ الوحيد الذي قد يجعلك تبكي حزنا أن هذا الشئ لم يقتل جميع الحمقى في هذا المسلسل ... قد يجعلك هذا المسلسل تصرخ بطريقة هستيرية قائلا " موتوووووووووووووووووووووو ووووووووووووا جمييييييييييعا يا أغبيااااااااااااااااااااا ااااااااااااااااء "
إحقاقا للحق ... هناك رجل ذكي في المسلسل ... إنه ليس ذكيا .... إنه رجل عادي فقط ... ولكن الأغبياء والحمقى من حوله يجعلك تشعر أنه عبقري ... ومن حسن حظي أنا وسوء حظهم هم أنه رجل شرير ... فيما بعد ستكتشف أنه مجنون !
إن هذا المسلسل من الممكن أن ينتهي في خمسة حلقات فقط ... إن إجتمع جميع الأبطال في قعدة عرب .... وقاموا جميعا بالتوقف عن الغباء لمدة ثلاث دقائق فقط لا غير !
جامد جدا
شكرا جزيلا لآرائكم
بص والله زي ما أنت قلت إنها أزواق ... وأنا إتفرجت على المسلسل كله حتى بالأمارة هما رجعوا الجزيرة تاني :36_1_1[1]:
هو أنا إتفرجت عليه الصراحة بنظام اللقطات والتقديم لما كنت بزهق ... يعني كل شوية كدة أقوم معدي حتة فيها تضيع وقت وكلام فارغ .... بس أنا مش عايز أقولك والله إني من أكتر الناس إللي كنت مبهور بيه ومعجب جدا بالفكرة ... بس إللي خنقني السيناريو والمط في الأحداث الغير آدمي !
على العموم الموضوع ده مش نقد يعني .... كنت متغاظ شوية من المسلسل فارحت قايل رأيي فيه بمنتهى البساطة ... أنا مش ناقد سينيمائي والله ...
أشكرك جزيلا على نقدك وأسلوبك المحترم
ده كان رأيي برضه ... رغم إني يعتبر إن المسلسل إتغير تماما بعد السيزون التاني ...
أنا للعلم بالشيء كنت بطلت المسلسل بعد الموسم الأول ... بعد كدة قلت أديله فرصة تانية مجددا !
شوف الفيديو ده ... بيتريق على إن كتاب لوست بيكتبو المشاهد ويهسسوا قبل التصوير بنص ساعة :C_laugh[1]::C_laugh[1]:
[youtube]http://www.youtube.com/watch?v=Yk6AyGnnltw[/youtube]
اسلوب رائع رائع
اسمح لي ابدي اعجابي بقلمك وتميزك واسلوبك الراقي
تقبل تحياتي
ربنا يخليك ياباشا ... شكرا على رفع المعنويات :Oc_sun1[1]:
ممكن تبقى تشوف الموضوع ده كمان : شرب أحمد كوبا من الماء
http://www.nilemotors.net/Nile/123063-a.html
أصل أيام الكلية كنت بحب أكتب ... وكنت كاتب حاجات كتير ... حاحاول أحط شوية كدة :prove: