اه طبعاً ..اقتباس:
ممكن تلاقي رد فعل عكس ذلك ولا ايه رأيك !!!!!!!!!!
و دا اللي مخليني مش مهتم اني ابلغ عن حاجة في الطريق .. زي ماقلت.. مفيش ثقة
اه طبعاً ..اقتباس:
ممكن تلاقي رد فعل عكس ذلك ولا ايه رأيك !!!!!!!!!!
و دا اللي مخليني مش مهتم اني ابلغ عن حاجة في الطريق .. زي ماقلت.. مفيش ثقة
جازاكم الله خيرا على موقف حضرتك الإيجابى!
يا ريت كلنا فعلا نغير أى حاجة غلط نشوفها عشان يتصلح حالنا وربنا يكرمنا كده
يا باشا فيه طرق كتير لنقل السيارات الجديدة من مكان الى آخر .... ممكن يعلق عليها نمر تجارية .... ممكن ينقلها بشاحنة سيارات .....
وحتى في حالة انه نقلها بلدي كدة من غير نمر ... وان كان ده اكبر غلط ... المفروض انه يمشي بهدوء ويحافظ على الامانة اللي في ايده .... ده صاحب السيارة بيبقى راكب سيارته الجديدة وهاين علية ينزل يشيلها من ع الارض .... يقوم هو يسوق بالاستهتار ده ؟؟؟؟ يعني دي لو كانت بتاعته وهو اللي دافع فلوسها ... كان بهدلها بالشكل ده ؟؟؟
وافرض انه خبط واحد موته او عمل اي مصيبة ..... وهو من غير نمر كدة ....مين اللي ح يجيبه ... يبقى دم الناس وممتلكاتهم راحو هدر ؟؟؟؟
لآ يا باشا ... الكلام ده لو الامين مسكه في رادار او ما شابه ....
لكن بدون نمر ..... مش اقل من 200 جنيه عشان يسيبه ....لأنه لو مسكه العربية ح تتحجز في القسم وتتبهدل تماما لعدة ايام .... والامناء دول صقور .... وعارفين ياخدو كام في كل حاله
وبكدة يبقى السائق المتهور او المعرض اللي مشغله غرم مبلغ كويس و يحرم يعمل كدة ... حتي لو في جيب الامين .... برضة هو اللي دفع
أخجلتم تواضعنا يا فندم :shyy:
كل سنه وانت طيب يا حج أحمد
وأحييك على موقفك
أنا بقى حصل معايا عكس اللى حصل معاك بكلم الظابط قالى وانا مالى أصلو كان مش فاضى كا بيقفش من سواق ميكروباص
وطبعا رديت عليه قلتلو مالك أمال مال مين قالى الى تعرف تعملو اعملو
وساعتها مفيش داعى أقول انا عملت أيه مع الناس اللى كانو معطلين الشارع
والله العظيم 10/10 يا احمد (لو هوة ده فعلا اسمك :d) لان فعلا الناس دوول بيبقوا فاكرين انهم سايقين لعبة و مش هامهم اي حاجة لاصحاب العربيات ولا الناس اللي في الشارع ولا اي حاجة
و الله العظيم مرة كنت على الدائري من ناحية الهرم و كنت قرب سقارة كدة و ماسك تاني حارة شمال و الاقيلك في المراية عربيتين طايرين من ورايا انا كنت ماشي تقريبا 90 100 و دول طيران من جنبي و الاقيهملك سكودا اوكتافيا فانتازيا (الجديدة دي) ماشين مش اقل من 140 او 160 يا جدعان الموتووووووووووووووور حرام عليكم سيبكم من اي حاجة الموتور ده هيتبهدل
يا رب كلنا لما نشوف حاجة غلط نصلحها
حتى لو محدش عاقبهم كفاية انك عملت اللى عليك وبكرة ييجى يوم وكل واحد يعمل اللى عليه
تحياتى يا استاذ احمد وكل عام وحضرتك بخير
lالحقيقة موقف ايجابة منك ومحترمجدا ...
براااااافو
طب نفرض افتراض تانى.
لو رايح تستلم عربيتك من معرض واكتشفت ان العربية الى كانت طايرة جنبك دى هــــــى دى الى حتستلمها ؟؟ تعمل ايه ؟؟
انا شخصيا لن اتنازل عن تهزيء صاحب المعرض والسواق واسحب فلوسى ولو مرضيوش اكلملهم البوليس وحماية المستهلك واليونيسكو ومش حسكت خااااااااالص.
الغش و الخداع بقي في أن هناك بعض العربيات من موديلات معينة بأشوفها بأستمرار و انا جاي من السويس بيتم نقلها ماشية في قوافل يعني مسافة لاتقل عن 120 كم و الاغرب لما سألت قالولي انهم بيفصلوا فيشة عداد الكيلومتر علشان تفضل القراية زيرو أو مسافة التليين بالمصنع
بالظبط كده , ده الدرس اللي أتعلمته من العربيتين الزيرو اللي أستلمتهم و لاقيت فيهم مشاكل بعد كده في الشاسيه و المقصات نتيجة الخبط و الهبد أثناء نقلهم , لذا أنصح أي حد بيستلم عربية جديدة أنه يجربها و يرفعها كمان و يفحصها من تحت و ياريت لو يقدر يكشف علي الزوايا جوه التوكيل قبل مايستلم
طب و فرقت اية عن المستعمل بقى؟؟؟
؟؟؟
كدة ح يبقى منظر طبيعي ان تلاقي واحد رايح التوكيل او المعرض يستلم عربية زيرو ومعاه سمكري عشان يشوفها مرشوشة ولا لآ او مخبوطة من تحت :Zb_sor1[1]:
احييك على موقفك الايجابي
المفروض في نمر تجاريه بتتعلق علشان الانتقالات دي
انت راجل مية مية ربنا يكثر من امثالك
بارك الله فيك يا حاج أحمد وهذا ليس غريباً عليك
العربيات اللي بدون نمر أو البهوات الذين يستعرضون في بلادنا بنمر الجماهيرية العظمى أو دول الخليج ..الخ
بنشوف منهم أسوأ قيادة طبعاً ده لا مراء فيه
لكن اسمحولي أقول إننا بننظر لهذا العربيات على أنها طالما بدون نمر فمش هناخد حقنا لو عملت معانا حاجة
العكس أيضاً صحيح يا إخواني
لو حد فيكم طلع واحد على الرصيف ولا زنق عليه وطلع عينه ..
هو نفسه مش هايقدر يعمل أي حاجة لأن عربيته بدون نمر ..
تقبلوا خالص مودتي
أنا قطعاً لا أستحث الناس على هذا الفعل ..
لكن كلامي للتوضيح فقط ..
إن هؤلاء لا دية لهم وخسائرهم ستكون أكبر فيما لو لا قدر الله حصل أي حاجة
وطبعاً جوهر المشكلة إن رعونة هؤلاء السائقين بتخلي الناس توسع لهم وتديهم الفرصة لهذا الفعل ..
وهذا للتوضيح فقط
وتقبل خالص مودتي
شكرا يادكتور / أحمد علي سرعة ردك و هذا الحوار شرف كبير لي
طبعا أنا متفهم كلامك جدا و ساعات كتير بيكون نفسي أعمل كده خاصة لما يكون الطرف الاخر مخطئ (قادم في اتجاه عكسي مثلا) لكن ....
أرجع و أقول أننا هنا في مصر و ساعتها هأكون أنا الغلطان و المفتري و مش هاينوبني غير الخسارة (وقت و فلوس) , لكن صدقني كتير جدا بأمسك نفسي علي أخر لحظة أقربها أمبارح كنت ناوي أوقع صف موتوسيكلات ديلفري أحتل منتصف الشارع بس تراجعت في أخر لحظة و قولت لنفسي "رمضان كريم"
تقبل تحياتي
و كل عام و انت و المنتدي كله بخير
شكراً لك ولذوقك العالي
انت راجل زي الفل
+11111111111111111
ما هو احنا بقينا في زمن المعايير فيه مقلوبةاقتباس:
أنا قطعاً لا أستحث الناس على هذا الفعل ..
لكن كلامي للتوضيح فقط ..
إن هؤلاء لا دية لهم وخسائرهم ستكون أكبر فيما لو لا قدر الله حصل أي حاجة
وطبعاً جوهر المشكلة إن رعونة هؤلاء السائقين بتخلي الناس توسع لهم وتديهم الفرصة لهذا الفعل ..
وهذا للتوضيح فقط
وتقبل خالص مودتي
يعني المفروض فعلا اللي ماشي من غير نمر دا يعني لو ينفع يطلع يمشي بعربيته عالرصيف عشان المشاكل الل ممكن تحصل له !!!!! واطبعا العكس هو اللي بيحصل والناس الطبيعية هي اللي بتخاف واللي ماشي غلط هو اللي يبلطج - سبحان الله ولا حول ولا قوة الا بالله
موتسيكلات الدليفرى دى كمان بقت ظاهره زى الزفت
ابقى ماشى فى حالى والاقى اللى راح رامى نفسه
بالفسبه قدامى والمفروض عليا انى ادوس فرامل فاجئه
علشان البيه يعدى
والله هاجى فى مره واشيله بالعربيه واللى يجرى يجرى
مش هما عاملين فتوات زى الميكروباص
تحياتي علي ايجابيتك ي حاج احمد
ربنا يكتر من امثالك