الموضوع: بيرسونا ام نيو النترا

المشاركة الأصلية كتبت بواسطة khpopo

يعنى ايه اعتماديه ؟؟؟
يعنى لما اعمل فيها ايه !!!..العربيه مش ممكن تقع منى او تقف صح وده عادى جدااا لان زى ما انت شايف العربيه معايا من 2006 وعلى فكره انا فضلتها على الصنى اليابانى والله مش المصرى لنه كان لسه منزلش
يعنى ايه خامات رديئه ؟؟؟
الخامات مش بعيده عن العربيات الحاليه يعنى لو رجعنا الى بلاستيك الابواب فى الالنترا زى البروتون بالضبط لكن انا هاوضحلك نظرا للتجارب الكثيره الى مريت بيها الخامات الى مش عاجباك ده فى الشمس مش بتتاثر زى الطرى الى بالى بالك تمام والسبراى بينظف كل حاجه وبتبقى كلها متشابه ونفس اللمعه :f_eyeb1[1]:
على فكره الو مره اعرف ان بيرسونا بتتاجر وده كويس لان كده اصحاب المكاتب بيطمنوا ليها وده خبر كويس :s_thum1[1]:
وكون العربيه تجيب معاك فى طريق المطار -صلاح سالم 190 ك وده اسمه ايه غير ثبات وامان عالى :b4_048:
وانت طيب ورمضان كريم

ربنا يوفق

بصراحه انا مستغرب ازاى حضرتك مش عارف يعنى ايه اعتماديه بس مش مشكله انا هشرحلك اعتماديه يعنى خامات هتعيش معايا على الاقل 10 سنين من غير اى مشاكل مش 3 سنين مش هيبقى مقياس وياريت بلاش ندخل النيسان فى الكلام ده عشان النيسان يابانى وتوكيل محترم ولو هنتكلم على نيسان صنى شوف اى عربيه نيسان صنى موديل 98 هتلاقيها وقفه على حيلها ومفيش فيها اى مشاكل ده انا بكلمك فى موديل 98 ولحد دلوقتى بشوف نيسان موديل 98 فى التوكيل بتعمل الصيانات الدوريه
ومش عارف ايه المشكله فى طريق المطار الناس مش مصدقه ليه يعنى وياريت الى مش مصدق يجرب
وهنرجع تانى لعقدة الخواجه ماله التقفيل المصرى ال بى ام بتتقفل فى مصر والمرسيدس بتتقفل فى مصر يعنى معنى كده ان التقفيل المصرى مميز والحمد لله عمرى ما قابلت مشكله مع النيسان لان حتى لو قابلت مشكله التوكيل هيحلها بدون مشاكل

المشاركة الأصلية كتبت بواسطة tutankhamoun

السلام عليكم
أنا شايف ان الموضوع خرج عن سياقه ...

على فكرة كلامك عن التقفيل المصري و عن تميزه ..... أنا موافقك فيه أن التقفيل المصري كويس جدا و أغلب الناس اللي بتشكك في التقفيل المصري هي مجرد أوهام أكتر منها حقائق .
و مش معنى كدا أن كل الشركات المصرية 100 % ....... لاءة فيه شركات سيئة و لكن الناس بتعمم و تخلط الحابل بالنابل بدون الفصل بين الكويس و الوحش .

بالنسبة لموضوع البيرسونا و الخامات .
بُص يا سيدي حضرتك قلت رأيك ....... و قلت برضه أن الحكم لازم يكون بعد فترة زمنية كبيرة .....
يعني برضه أنت كمان حُكمك مش مظبوط لأنه لم ينطبق عليه الشرط اللي أنت وضعته بنفسك .

أحنا بنتكلم عن خبرة مع العربية
الأستاذ خالد خبرته مع العربية 3 سنوات
و العبد لله سنتين .......... يعني برضه مش مدة صغيرة و مش مدة كبيرة قوي .

أنا مرحتش للتوكيل إلا علشان أغير زيت و صيانات عادية فقط لا غير .

يعني العربية بقالها سنتين معايا و عاملة دلوقتي 25 ألف كم ..... و الحمد لله تعالى كل اللي أتغير فيها على مدار السنتين
الزيت + فلاتر الزيت + بوجيهات مرة واحدة + فلتر بنزين مرة واحدة .

و أغلب الملاك نفس القصة و نفس الموضوع .

و عايز أوضح نقطة تانية
أصحاب العربيات الياباني ..... بيقولوا نفس كلامك على الإلنترا ............ أنها مش معمرة و خاماتها سيئة و الكلام الأستهلاكي بدون أي تجارب مع أي عربية هيونداي .

و أنا قلت رأيي في العربية في مداخلة سابقة ..... و قلته برضه عن تجربة ( العربية مع عمي )

عموما برضه للتذكرة .
الخامات بتاعة البيرسونا اللي حضرتك عممت و قلت سيئة
تعالى نتكلم عليها :

الخامات الخاصة بالصالون ........ و دي أنا أديها 6 - 10 ....... و أغلب العربيات اللي في السعر ده ... خامتهم متقاربة .
خامات العربية أجمالا
صاج ...... صاجها أحسن من صاج الالنترا ........ يبقى فين الخامات السيئة في النقطة دي ؟
مكونات العربية ( الشركات المغذية )
فتيس صناعة ميتسوبيشي .
نظام فرامل من إنتاج بوش ألماني ..
كباس تكييف سندن ياباني .
ضفيرة الكهرباء بوش .ألماني
كاسيت سي دي أم بي ثري بلاوبونكت ألماني .

أدي أمثلة لبعض الخامات اللي راكبة في العربية .

مش معنى أن الصالون مش عاجب حضرتك تقوم تعمم و تقول أن خامات العربية سيئة ....
كلمة سيئة بصراحة أنا شايفها لا تنطبق على حالتنا هنا .

أنا ممكن أقول عليها عادية مفيهاش أي تميز غير التابلوه الجميل .
و قارن بين خامات الصالون في البروتون .... و الدايهاتسو سيريون ...... و الصني ......... الياريس .......

أنا شايف أن الفرق بين البروتون و السيريون لصالح البروتون بمراحل ..... بلاستيك السيريون بجد ناشف جدا و رقيق .
و البروتون و الصني المصري ...... فروق مش كبيرة و يعتبروا متساويين .
الياريس و البروتون ....... أنا شايف أن البروتون أحلى في التصميم ...... و الخامات متساوية .


أما عن المميزات اللي حضرتك قلت عليها في الإلنترا .... أعتقد أن كلنا متفقين عليها .
بدون تقليل من مميزات البيرسونا .

شكرا جدا على الرد المحترم
وحضرتك انا كنت بتكلم فى نقطه محدده لكن فى ناس كانو بيتكلمو فى حاجه تانيه خالص وهما الى خرجو الموضوع عن سياقه
وكمان انا قلت على البيرسونا عربيه كويسه لكن يعيبها الخامات وكان قصدى الخامات الداخليه عشان الصاج اكيد مش هدخل فى عمود عشان اشوفه كويس ولا لا انا كان كل كلامى على الخامات الداخليه فى الطابلوه والابواب رغم الطابلوه شكله جامد جدا وبالنسبه للاعتماديه انا بتكلم ان 3 سنين مش مقياس وعلى الاقل 10 سنين ولو هنتكلم على ال 3 سنين الاسبيرانزا موجوده وزى الفل ولو حضرتك لاحظت انا فى اول رد ليا فى الموضوع كنت بتكلم ان المقارنه بين البيرسونا واى عربيه اخرى تبقى فى نفس الفئه السعريه وانا متأكد ان البيرسونا احسن من الفيرنا واالافيو والنيو اكسنت من غير تجربه ليهم

ومن اول رد ليا كنت عايز حد يكلمنى بنفس رد حضرتك مش اى كلام وخلاص

وشكرا

المشاركة الأصلية كتبت بواسطة khpopo

ليه هو انا موضحتش انها بروتون عربيه اعتماديه مش ذنبى انك مافهمتنيش
طيب مافى ويرا من بروتون بتعمل صيانه معانا فى التوكيل موديل 99 يعنى مفرقتش وتلاقى العربيه حته واحده مش اتنين وبنشوفها كلنا فى الشارع :pointi~2[2]:
طريق المطار الدائرى براحتك ...بس انا لسه النهارده مجنن نيو النترا زينون وفاميه وعجل وكل الى فى بالك على الدائرى والله على ماقول شهيد ... واهى احدث منى برضه ولسه مشوفناش الاعتماديه منها
يعني عاوز تفهمنى ان مشاكل المصرى زى المستورده ده كلام مفهموش
التوكيل عندنا برضه بيحل كل حاجه وده واضح من مشاركات الاخوه :f_eyeb1[1]:
ربنا يوفق

يا برنس صباح الفل وجنن ان شاالله تجنن بورش وربنا يسترها معاك ومعانا كلنا بس الحمد لله انك فهمت يعنى ايه كلمة اعتماديه

البرسونا اجمل طبعا