حد معاه موبايل samsung omina i900

**eng/muhamad** · 03-09-2009 09:44 AM

[gdwl][/gdwl][gdwl]يا جماعه انا بفكر اشترى الموبايل ده ياريت لو حد معاه الجهاز يقول رايه
و اكتر حاجه عاوز اعرفها
عيوب الجهاز
الجهاز عليه ويندوز فهل الويندوز ده بيقع بسهوله و لا لأ
و لو حصل حاجه للجهاز لاقدر الله هل مراكز الصيانه هنا فى مصر محترمه و لا ايه النظام[/gdwl]

**itsonlyme** · 03-09-2009 04:03 PM

واحد صاحبي اشتراه بناء على توصية مني. امكانياته حلوة جداً بس هو لم يعجبه وكان متضايق منه جداً وفي الآخر باعة. أكتر حاجة كانت مضايقاه هو كون الموبايل مفوش لوحة أرقام ولا زراير خاصة بخفض الصوت و تغيير التراك. يعني باختصار، كون الموبايل كله تاتش.

لو أنت متعود على التاتش سكرين ح يعجبك الموبايل.

بالنسبة لويندوز موبايل، نظام التشغيل ده ممكن يضاف اليه واجهات مختلفة. ده غير الكثير من البرامج.

أنا شخصيا لو جبت موبايل تاتش هيبقى عليه نظام تشغيل Android و ح يكون فيه لوحة مفاتيح (للحروف مش بس الأرقام).

**eng/muhamad** · 03-09-2009 05:48 PM

شكرا لرد حضرتك و ياريت يكون فى رد من حد يمتلك الجهاز فعلا

**tutankhamoun** · 03-09-2009 05:55 PM

التليفون معايا
و هو ظريف ....... و أمكانياته كتيرة قوي .
عيبه الوحيد أنه مفيهوش زراير للأحرف .
بس فيه زرار لتخفيض و رفع الصوت و هو في جنب الهاتف .
و فيه زرار تاني صغير بيشتغل زي الفأرة بتاعة الكمبيوتر .

و لكن لو أنت مهم بالنسبة لك ...... موضوع زراير الأحرف ...... يبقى تبعد عنه .
هو مفيهوش أي عيوب تانية ...... و بطاريته ممتازة لو مشغتلش الأنترنت wifi .........
ممكن تقعد معاك على الأقل 3 أيام و دي مدة ممتازة لجهاز كمبيوتر تليفون كفي .
شوفوه مع حد الأول قبل ما تشتريه لأنه مش رخيص .

إنما الجهاز مليان إمكانيات .................. و برضه أنا في رأيي لو كان فيه نظام شغيل تاني غير الويندوز كان هايكون أحسن لأني بكره الويندوز جدا .

**speed demon666** · 03-09-2009 06:13 PM

باشا اتوكل على الله و اشتريه , انا لولا ان حصلتلي ظروف انا كنت اشتريته , وبردو انا زي الأخ itsonlyme أقنعت واحد صاحبي بالتليفون و جابو و مبسوط منه أخر انبساط ولحد ديلوقتي مفيش أي مشكله حصلت منه و انا استعملته و جربته منه بصراحه جبااااار

و موضوع الويندوز ده يبوظ لو انت لعبت فيه من غير خبرة زيه زي أي موبايل مش شرط انه يكون ويندوز

اتوكل و اشتريه و لو تعرف كمان انك تجيب I8000 OMNIAII تبقى زي الفل

**HAMZAWY** · 03-09-2009 06:51 PM

بص لو انت عايز ويندوز موبايل خليك فى HTC احسن فى موديلات كتير وحتلاقيلها Support كتير على الانترنت
لكن لو انت عايز Touch screen بس هات سامسونج بس مش اومنيا فى موديلات كتيرة دلوقتى وهايلة وسريعة لان الامونيا مش سريع اوى

**HAMZAWY** · 03-09-2009 07:15 PM

المشاركة الأصلية كتبت بواسطة itsonlyme

أنا شخصيا لو جبت موبايل تاتش هيبقى عليه نظام تشغيل Android و ح يكون فيه لوحة مفاتيح (للحروف مش بس الأرقام).

الــ Android نازل مصر خلاص الشهر الحالى بس من غير لوحة مفاتيح

**eng/muhamad** · 03-09-2009 08:51 PM

انا شوفت الاومينا و عاجبنى اوى
بس اللى مش عاجبنى فيه الويندوز
انا عايز موبايل بالمواصفات دى لو حد يقدر يساعدنى اكون مشكوووووووور جدا
كاميرا جيده لا تقل عن 5 ميجا بكسل
تاتش سكرين كاااامل
wifi
gps
دى اهم مميزات عندى لو فى حد يعرف جهاز كده ياريت يساعدنى

**mido01050** · 03-09-2009 09:46 PM

أنا زيك محتار برضه في اختيار موبايل بس عجبني ال 5800 النوكيا من امكانياته على النت بس مقدرش افيدك أو أنصحك بيه
يريت حد من الناس اللي جربته يقلنا ال 5800 ده اخباره ايه و موضوع ان كل حاجه تاتش على الشاشة ده معمر و لا هيبوظ الشاشة بسرعه ؟
لو قدامي n95 و 5800 أشتري ميين فيهم ؟

**tutankhamoun** · 03-09-2009 10:26 PM

المشاركة الأصلية كتبت بواسطة eng/muhamad

انا شوفت الاومينا و عاجبنى اوى
بس اللى مش عاجبنى فيه الويندوز
انا عايز موبايل بالمواصفات دى لو حد يقدر يساعدنى اكون مشكوووووووور جدا
كاميرا جيده لا تقل عن 5 ميجا بكسل
تاتش سكرين كاااامل
wifi
gps
دى اهم مميزات عندى لو فى حد يعرف جهاز كده ياريت يساعدنى

أتكل على الله و هات الأمنية أدام عاجبك ( على فكرة أسمه أمنية ....... مش أومينا !! )

التليفون فيه كل المواصفات اللي أنت عايزها ....
في الأول هاتلاقيه صعب في الأستخدام علشان مفيش زراير و كله باللمس .....
بس بعد كام يوم هاتتتعود عليه و هايبقى عادي خالص .
كمان موضوع الويندوز البطئ .......... أنا بعمل اعادة تشغيل كل يومين و التليفون بيرجع يشتغل تاني زي الصاروخ
يعني كل لما تحس أنه بطئ أعمل اعادة تشغيل ..... مش بتكمل أكتر من دقيقة .
ممكن تعملها كل يوم مرة .

بمناسبة الأسم :
ناس كتيرة متعرفش أن التليفون تم تسميته على الكلمة العربية " أمنية " من التمني ....
اذن التليفون يا جماعة أسمه سامسونج أمنية .

المشاركة الأصلية كتبت بواسطة mido01050

أنا زيك محتار برضه في اختيار موبايل بس عجبني ال 5800 النوكيا من امكانياته على النت بس مقدرش افيدك أو أنصحك بيه
يريت حد من الناس اللي جربته يقلنا ال 5800 ده اخباره ايه و موضوع ان كل حاجه تاتش على الشاشة ده معمر و لا هيبوظ الشاشة بسرعه ؟
لو قدامي n95 و 5800 أشتري ميين فيهم ؟

مفيش أصلا مقارنة بين النوكيا 5800 و الأمنية .
فرق شاسع لصالح السامسونج الأمنية .
في الكامير ............ و في خاصية اللمس ..........
طبعا n95 أحسن ..............
بس لو بتدور على تليفون متوسط ..... و فيه خاصية اللمس ....... ال 5800 هايقضي الغرض ........
بس لما تقارنه 95 ............ هايخسر أدامه في الكاميرا ....... و الخواص الأخرى .

هو تليفون كويس ....... أو جيد ...... مش أكتر من كدا .

الموضوع: حد معاه موبايل samsung omina i900

LinkBack

أدوات الموضوع

عرض

حد معاه موبايل samsung omina i900 - انشر الموضوع فى :

-

-

-

-

-

-

-

المواضيع المتشابهه

حد هنا معاه Samsung galaxy ace

Samsung omnia i900 8GB for sale

بالاسكدريه للبيع او البدل باعلى samsung omnia i900

Samsung Omnia i900 for Sale

حد معاه samsung jet ?!

الكلمات الدلالية لهذا الموضوع

المفضلات

المفضلات

ضوابط المشاركة