و الله يا اخواننا يعز عليا اكتب الكلام ده ...
بس و الله اللي شجعني اولا خوفي حد يحصل له اللي حصل معايا
و كمان هاني بايو لانه طلب مني اني اكتب علشان اوعي الناس كلها بالموضوع

المهم
انا معايا ماتريكس 2007 و ماشاء الله العربيةكويسة و كله تمام
بعد عذاب صيانة الالف في قليوب
و ال5000 في ابورواش
قريت موضوع كاتبه بايو عن كارتك و قلت خير
و فعلا لما عملت عندهم صيانة ال10000 كان كل شيئ على ما يرام
و كل ما احتاجهم في حاجة صغيرة فعلا بيكونو ادها و المهم اني مبقعدش كتير

من فترة كده حصلت لي حادثة
طبقت الاكصدام و عملت نغزة في الكبوت
انا مأمن اساسا عند كونتاكت
رحت قالولي نعملهالك في الهياكل قليوب
سألت قالولي بيتاخرو جدا في التسليم بس شغلهم ممتاز
قلتلهم لا اعملها في كارتك
فوجئت بكل الناس هناك يقولولي اوعى
اقولهم ليه يقولولي بلاش ده سمعتهم زفت في السمكرة و الدوكو
المهم طلبت م بهاء و حكيت له
قاللي سيبك منهم و انا هعملهالك تحفة و تحدي
قلت خير
برغم انهم قالولي لو اي حته احنا ندفع .. لو كارتك ادفع انت الاول و بعدين نحاسبك
قلت مش مشكلة
وديت العربية
نسيت اقولكم ان مهندس التامين قال الكبوت يتغير.. و الاكصدامين يتسمكرو و نرش الاكصدامين
يعني العربية لسة فابريكة
و خصوصا ان كبوت جديد من علبته
اسبوع و استلمها قلت مش مشكلة
سافرت كام يوم شغل كده رجعت سالت قالولي كمان يومين
المهم رحت استلم
و لقيت الكارثة:و هي
اولا الباشوات خابطين العربية من قدام و من ورا.. قدام جنب شمال و ورا باب الشنطة .. و و اضح ان ساعتها كان الاكصدامين لسة ماركبوش
وطبعا انا معايا محضر الاستلام مفيهوش الكلام ده
ثانيا الرش لون مفارق و افتح من لوني
ثالثا الكبوت الجديد فيه تنية من الحرف
رابعا الاكصدام مبقع بقع غريبة في اللون
خامسا بقى كل ده مرشوش رش زبالة و مسيل و حالته تقرف
و الفاتورة 2600 جنيه
طبعا جالي حالة ياس من حياتي و قعدت ازعق و جالي مدير المركز و قالي و لا يهمك نصلحهالك و نرشهالك و عنينا
يا سلام كده العربية باظت انا كنت ناوي اخرج العربية مرشوشة اكصدامين بس و كده
دلوقتي اكصدامين و كبوت هيترد و رفرف شمال و باب الشنطة يعني العربية باظت

لحد هنا ده ممكن يحصل برغم خسارتي و لازم اتقبله و امري لله

الكارثة اللي اكبر
العربية قالولي تيجي تستلمها بعد اسبوع كمان
قلت ماشي
الظريف بقى لما جيت استلمها
الكبوت لسة في تنية
رشو طرفين الابواب الامامية علشان يدارو فرق اللون
الاكصدام لسة مبقع
و الجديد
حد مسنفر البربريز الامامي الظاهر كان بيطلع بوية
و الازاز باظ
السبحة الكريستال اللي في المراية اتسرقت
العتب متجرح
كان معايا والدي
قاللي بص هما واضح انهم عكاكين و كمان بيضايقوك علشان انت اتسببت في خصومات للناس بتوع الورشة
و قاللي هتستلم المرة الجاية هتلاقي حاجات تانية
و مش هنخلص و الازاز تغيره عند اي حد مانت في التأمين
بالمناسبة برضو الناس مظبطين مهندس التامين و الراجل استلم على الحالة دي
و كلمت كونتاكت ... قالولي ماحنا قولنالك
هات العربية و نغيرلك الازاز و امشي بيها شوية و لو حصل حلجة نرشهالك بقى بنضافة
اماكارتك فلما اعترضت و ثرت قالولي ماشي نعملهالك تاني
بس بعد 10 ايام تكون البوية نشفت علشان نعرف نسحقها
اما الازاز فانكروه
و العتب كمان رغم انه مش مثبت في محضر الاستلام
و السبحة المهندس بتاع الورشة وائل قاللي اكيد حد من العيال علقها
كده ببساطة
و مشيت و مرجعتلهمش
ملحوظة
محضر الاستلام معايا ممكن اعمله سكان
و صور العربية بعد الخبطة و بعد الاستلام
و الوصولات و كله للي يحب يتاكد
بس انا حاليا في السعودية شهر كده
و مازلت عند رأيي انهم ممتازين في الصيانات السريعة
حبيت بس اشكيلكو و احكيلكو همي
و اسف للاطالة