كنت عايز اعرف ايه اثر ان فردة كاوتش يكون نقشتها مختلفة عن نقشة باقى الاطارات لكن نفس المقاس
عرض للطباعة
كنت عايز اعرف ايه اثر ان فردة كاوتش يكون نقشتها مختلفة عن نقشة باقى الاطارات لكن نفس المقاس
لو تقصد ان كل نوع او موديل من الاطارات ليسه رسم مختلفه عن التانيه يبقى اقولك ده عشان كل موديل بيتصنع بيبقى ليه امكانيات ومواصفات خاصه
كل اطار بيتصنع برسمه وكل رسمه ليها خصائص ومواصفات فيهم اللى بيزود قوه ااحتكاك بالارض عند الفرمله وفيهم اللى بيقلل درجه الحراره المحيطه بالكاوتش وفيهم اللى بيثبت العربيه على الملف
زيهم زى طنبوره الفرامل العاديه والمخرمه
العاديه بتفرمل والمخرمه بتفرمل لكن المخرمه والمنقوشه الاخرام والنقوشات اللى فيها بتساعد على تحسين القدره الفرمليه بانها بتبعد الرايش الناتج من احتكاك التيل بالطنبوره وبتزود كميه الهواء اللى داخله للطنبوه واللى بتساعد على التبريد السريع وقت الاحتكاك الشديد بين التيل والطنبوره
نفس الكلام زى اسطوانات الدبرياج العاديه والرياضيه
الرياضيه برضه فيها الكلام ده فبتقلل الفقد اللى بيحصل وقت تغير السرعه ومابتتاكلش بسرعه غير مميزات تانيه كتير
لكن لو تقصد حاجه تانيه وضحلى اكتر تقصد ايه
طب يا ريت صور للنقشات والفرق بينهم
فعلا أختلاف النقشات بيؤثر بالسلب علي أداء السيارة خاصة في الملفات , و ده كان حصل معايا كنت مركب في الاطارين الخلفيين نوعين مختلفين من الاطارات و مختلفين في النقشة كنت بأحس أن العربية في الملفات بتحدف من ورا و لما ركبت نوعين متماثلين أختفت المشكلة دي
دى بعض انواع الاطارات اللى اعرفها
ده ميشيلان Pilot XGT H4
http://img169.imageshack.us/img169/9...h4large0ed.jpg
الاطار ده مريح و بيتميز بكفاءه عاليه على الطرق السريعه والسواقه المعتدله
دايما الافضل فى السفر والطرق الطويله
عيوبه انه بيقلل من ثبات العربيه على السرعات العاليه
يشبهه اطار يوكوهاما Silent وبرضه نفس المميزات
لكن اليوكوهاما فى الموديل ده اشد من الميشيلان
وفى يوكوهاما avid
وده شكله
نفس المميزات وبرضه افضل من ميشيلان
http://www.tirerack.com/images/tires...ring_ci2_l.jpg
ودى موديل تانى منه
Yokohama Avid H4 V4s
http://www.reviewparts.com/prodimage...%20V4s2185.jpg
وفى موديلات كتير برضه
تابعوا الرد اجاى ان شاء الله هعرض انواع كتير والريتنج بتاعها
الف شكر للجميع وكمان ايفو الف شكر وبالراحة عليا لاتوه منك
:C_laugh[1]::C_laugh[1]:
الموضوع ان عايز اجيب فردة كاوتش بدل الاستبن لانه نازل مقاس صغير عن الكاوتش الاصلى
دورت فى السوق على نفس الماركة والنقشة
مالقتش غير نقشة تانية لكن نفس الماركة والمقاس
كدة يبقى ليه اثر سيء زى ما قلتم ولا ايه
وهل فيه مشكلة لو اتحط قدام فى اى وقت
لانه هيكون استبن وممكن ادخله فى عملية التدوير اللى بتتعمل كل 10000 كم
بص هو طبعا هيأثر بس التأثير مش هيبقى باين قوى انت ممكن تجيب حاجه قريبه من نفس المقاس والنقشه ومش هتأثر جامد لكن لو عايز تخليك فى المضمون المضمون قولى نوع الكاوتش اللى عندك وموديله ومقاساته
واحاول ادورلك على واحد زيه او ليه نفس الشكل والتأثير
ياجماعه اللى عايز يعرف اكتر عن موديلات الاطارات والنقشات ومميزات وعيوب كل نوع من الاطارات يتفضل هنا انواع الاطارات ومميزاتها
hankook
optimo k406
165/60/r14
اللى فى السوق optimo k715
ده معناه اختلاف النقشة
انا سالت عند التوكيل والموزعين المعتمدين
مفيش 406
ده اللى عندك
http://www.pneutesty.sk/hankook/opti...ptimo-k406.jpg
وده ال optimo k715
http://avitech.com.ua/pics/Hankook/Optimo%20K%20715.jpg
وطبعا ال k715 اشد بكتير من ال k604 ومواصفاته اعلى كمان منه
نصيحه منى
واضح ان الكاوتشات بتاعتك فابريكه مش عارف انت عديت اول 10000 ولا لا بس شوف انت هتغير الكاوتشات امتى وحاول تجيب ال 5 فرد k 715 لانه اعلى كفاءه ومتوافر اكتر من الـ k406
لو مستعجل ولسه بدرى على تغيير الاطارات وقفلت معاك انك تجيب الـ k406 سيبنى يومين اشوفلك كام واحد اسألهم لو يعرفوا يجيبوهولك ولو ماعرفوش هاته استيراد او شوف المستوردين يخلصهولك
بس بهدله وقصه طويله ووحش الاستبن الصغير ده لو لاقدر الله حصل حاجه فى عجله فى العربيه هتبقى ماشى متكتف بالاستبن الصغير
لو فارقه معاك قوى نصيحه هات طقم جديد ومنتشر