ادخل وشوف أسعارالسيارات المستعملة في السعودية - علشان تتحسر وتموت من الغيظ

**ashraf229** · 05-09-2009 11:55 AM

اصلا عمري م شفت حد هنا في السعودية و من قبلها الامارات اللي تعتبر جنة السيارات في العالم

بيسأل العربية دي كام سي سي !!! لما تروح التوكيل بتلاقي الأسئلة هي دي الستة سلندر ولا التمانية؟؟ لكن كام سي سي و الهبل ده ما بيفرقش...ومفيش حاجة اسمها راشة و يلف معاك باللمبة لو لقى خربشة يقول دي راشة.....

انا لما كنت بأبيع عربيتي كرولا mmt عاملة 3000كلم بعد 3شهور استعمال بس الراجل قعد ساعة يلف حواليها و كل شوية يقولي دي راشة لغاية ما زهقت منه و قلتله والله مش مرشوشه ولا مخبوطه و كفاية حركات استفزاز علشان السعر ينزل و فعلا بعد ساعتين فحص قاللي هأخدها على مية قلته والله دي لو مسروقه وصلها ل 105 ألف بالعافية و سيبته و مشيت

لما تنزل الحراج (سوق السيارات) تشوف العجب و أسعار أقل من دي بكتير

صاحبي كان هيجيب فورد فوكاس 2000 سي سي تقريبا 2007 ب 13 ألف بس كانت متبهدلة شوية من جوه

و شفت ياريس 2007 نضيفة اتباعت ب 20 ألف

و نيواكسنت 2008 خلصت برضه بحوالي 21000 تقريبا

ده غير العربيات أم ألفين و تلات تلاف و دول كتير جدا

عمار يا مصر................

**as01241** · 05-09-2009 12:20 PM

يا جماعة في فروق في حاجات كتير , مستوى الدخل , ومستوى المعيشة , وموضوع الجمارك وعلى فكرة موضوع الجمارك ده بسبب إنها دولة بتعتمد على النفط كدخل رئيسي , وعشان كده مش محتاجة تفرض جمارك على المواطنين وكمان سعر البنزين رخيص لنفس السبب وعشان كده العربيات اللي السي سي فيها عالى 2000 و3000 رخيصة وكده, بس خلينا نقول لو مافيش نفط (والنفط ده مش إختراع ولا ينم عن عبقرية دا إنت تحفر الأرض تطلع فلوس يعني) لكن لو مش موجود الوضع هيبقى إزاي ؟؟؟؟؟؟؟؟؟؟؟؟؟؟

**Samah AbdAllah** · 05-09-2009 02:48 PM

ماهم لو يشيلوا الجمارك والضرايب والدمغات والحاجات الكتير اوى دى اللى مش عارفين عاملينها لمصلحة مين بالظبط
كنا بقينا زيهم واحسن

**Mohamed.Raafat** · 05-09-2009 07:05 PM

لا مجال للمقارنة إطلاقا

الحمد لله على اللى احنا فيه

وكلاء السيارات عندنا مش حارمينا من حاجة

صيانة و بنلاقي
قطع غيار و رخيصة موووت

ضحك على الدقون علني و عيني عينك
نصب على العملاء .. و ماله .. محدش فاهم حاجة
كل اللى انت تهواه.................... في مصر بلدنا أكيد تلقاه
سرقة و نصب و فهلوة............. و لو فيه حاجة تانية اكيد الحكومة مش ناسياه

ربنا يخليك لينا يا ر.......

**Mosmafa** · 05-09-2009 11:42 PM

لو حد درس تجارة هيعرف اد ايه احنا بيتنصب علينا
مثلا ضريبة المبيعات بتتحسب على سعر العربية بعد الجمارك و رسم الوراد والاضافات والاوبشنات
والحوارات
يعني لو العربية تمنها 60000 ضريبتها هتبقى 6000
لا بيحسبها بعد ما يضيف كل حاجة وتوصل العربية 120000 وتبقى 12000
المفاجأة ان التاجر او الوكيل بيسدد 2% من الضريبة تشجيعا ليه
والغلبان اللي زيي وزيي اي حد بيدفع ال 10% كاملة
ارحمونا بضرايبكو و خلوها عالسلع الاستفزازية و ابعدوها عن السلع الاساسية
والله العربية حاجة استراتيجية لاي عيلة ((( لان خدماتها طويلة الاجل للعيلة )))
وطبقو قانون لكل اسرة عربية بدون جمارك عشان الدنيا تمشي من غير ما الواحد يكره بلده و نفسه والدنيا باللي فيها
اشمعنى بورسعيد؟؟؟؟؟؟؟؟؟؟ مش هقول الخليج وامريكا
اشمعنى بورسعيد؟؟؟؟؟؟؟؟
والله العظيم انا لما رحت هناك اتلوحت من كمية النضافة في العربيات و قلة الميكروباصات والقرف بتاع القاهرة

**Lord_Fouad** · 06-09-2009 11:14 AM

المشاركة الأصلية كتبت بواسطة BASKOTA

ماهم لو يشيلوا الجمارك والضرايب والدمغات والحاجات الكتير اوى دى اللى مش عارفين عاملينها لمصلحة مين بالظبط

كنا بقينا زيهم واحسن

فعلا احنا بيتنصب علينا من حكومتنا و دة شيء معروف و مفروغ منه و الكل عارفه ...

بس مين قال ان دول الخليج احسن مننا عشان عربياتهم احسن ..

هذا ليس مقياس ابدا .. و هل معنى ذلك ان الامارات متقدمة اكثر من اليابان او كوريا او حتى تركيا لمجرد ان عندهم عربيات نضيفة شوية ؟؟؟

طبعا الاجابة كلنا عارفينها ..

في احدى اللقاءات التليفزيونية مع د/ زويل سألوه عن رأيه في إقدام بعض دول الخليج على شراء مفاعلات نووية .. رد و قال مش مهم اني اشتري .. دي مش شطارة مني .. لكن المهم اني اقدر اصون اللي اشتريته عشان مانضحكش الاجانب علينا .. اظن الراجل اجابته واضحة جدااااااااا

**mahmoudbadr** · 06-09-2009 01:07 PM

المشاركة الأصلية كتبت بواسطة mosmafa

يا اخ يا فاضل ياللي بتورينا الاسعار التعبانة دي
انت ناسي الفرق بينا وبينهم و اد ايه مرتباتهم ضعيفة وغلبناين
لدرجة ان البنزين ال 95 هناك ااقل من جنيه للتر
انا مش معاك دول الخليج دول غلابة معندهمش فلوس فحكومتهم مخلية مفيش جمارك عشان
يقدرو يحسو بطعم الكرامة والنضافة زيهم زي المصريين المفتريين اللي من افتراهم لسه بيصنعو ال28 والنيفا

11111111111111111111+

**tofy_urban** · 06-09-2009 01:30 PM

هو انتوا بتتكلموا عن ايه ,,, ريحوا دماغكم

**mokhtar** · 07-09-2009 12:14 AM

المشاركة الأصلية كتبت بواسطة mosmafa

انا ساعدني ربنا سبحانه وتعالى
ورحت هناك كتير
ااقل حاجة اقدر اوصف بيها السوق الخليجي
انه سوق مرفه لاقصى درجة العربية بيتحدد سعرها من تلات حاجات
موديلها و الاوبشنز اللي فيها و عاملة كام كيلو
ولا دواخل ولا راشة ولا الحورات العجيبة بتاعتنا دي

وبعدين الخلايجة ابتدو مطرح ما احنا انتهينا
يعني مصلا تيجي تلاقي الفئات النضيفة في مصر
اللي بيركبها الناس اصحاب المرتبات العالية
كرولا لانسر الحاجات دي
والغلابة يركبو 28 والكلام ده
تيجي هناك تلاقي الكرولا واللانسر يركبها الهنود المصريين ااقل فئة مرتبات هناك
لكن السعوديين اهل البلد لو تيوتا يبتدو بكامري بحوالي 80000مصري هنا بحوال 3000000
لو ميتسوبيشي يبقى جالانت لو هوندا يبقى اكورد وهكذا
فالفئة العادية في مصر هي ااقل فئة هناك
والعربيات الالف سي سي هناك اقسم بالله اتعملت عشان الدليفري هناك
ومستحيل سعودي يركب حاجة ااقل من 1800 سي سي والا تبقى فضيحة

ياباشا ده كمان الكامرى والاكورد والالتيما والسوناتا وغيرهم دى الفئه المتوسطه بيركبها الطبقه المتوسطه انما فيه وحوش وحاجات تانيه غريبه منتشره جدا هناك زى الجمس اليوكون والشيفروليه الكابريس والفورد الكراون فكتوريا والميركيورى واللكزس والانفينتى واللنكولن والعربيات الاوروبى اللى مانعرفهاش زى الرينج روفر والجاجوار والقائمه طويله ....... اه منك يا بلد

-

الموضوع: ادخل وشوف أسعارالسيارات المستعملة في السعودية - علشان تتحسر وتموت من الغيظ

LinkBack

أدوات الموضوع

عرض

-

-

-

-

المواضيع المتشابهه

ادخل وشوف الماروتي بتعمل ايه

ادخل وشوف كرورلا 2010

نوبيرا 2001 ادخل وشوف

هل انت بتصلى صح؟؟؟ ادخل وشوف

الكلمات الدلالية لهذا الموضوع

المفضلات

المفضلات

ضوابط المشاركة