الموضوع: كل ما يخص مازدا 323 موديل 82 (اعطال.قطع غيار.كماليات)

محدش يعرف يا جماعه لو حبيت اعمل ضفيره كامله للعربيه تقريبا هتكلفنى كام اصل انا سألت عند كهربائى و قالى من 1200ل1500 حسب الشفل اللى عندك بس انا مش عارف كده كتير ولا ايه؟

المشاركة الأصلية كتبت بواسطة mazda3231984

رحت امون امبارح ملقتش غير بنزين 92 وكان التانك قرب يفضي المهم مونت 92 وانطلقت لاحظن ان السحب بقي افضل بكتييييييير وصوت الموتور ناعم جدا بصراحة بنزين 80 دي بهدلة للموتور ولكل حاجه.

بنزين 80 يا راجل يا قاسي هههههههههه

انا مشوفتش حد بيحط 80 غير وبيشتكي من السحب والتنتيش والكلام ده كله
انا حظي ان من ساعه ما اشتريت العربية من اربع شهور تقريبا وانا بحطلها 92 وحطيت 90 مرتين لاني مش بلاقيه اصلا
وكمان لان صاحبه العربية معوداها من ساعه ما جابتها زيرو على بنزين 90
ورغم كده والبنزين في الغالب بيبقي مخلوط ب 80 او اي عك وبيزيد اوي الموضوع ده في ازمة البنزين الى خلاص الواحد اتعود عليها
انا كل فترة بحطلها اوكتاب بوستر او اي منظف دورة بنزين محترم
ويسلام بقي لو افول شويه 90 وشويه 95 العربية بتبقي طايرة من السعاده

المشاركة الأصلية كتبت بواسطة mazagngi2010

اهلا بالرجال
عارفين ان الراديتير عندى مخروم وبينقط وبزودها كل مشوار وحالته بالبلى
العربيه فى الطوالى بتكون تمام لكن فى الزحمه بتسخن والمؤشر بيوصل للنص وبتبطل
سالت على الراديتير
اللى يقولى اماراتى واللى يقولى خليجى والمانى ب 470 واسعار غريبه وانا مبقتش اصدق الهجص ده (المانيا ايه اللى تصنع راديتير)
نزلت على الزقازيقى مشهور اوى عندنا فى الزقازيق (تحس ان كلمه زقازيقى للراديتير عامله زى فول وفلافل)
كام ياحج
قاللى راديتير مصرى البستانى 3 ماسوره(صف) مش زى ال2 اللى كان عندى مواصفات المانى (اى هجص) ب 320 وهقفش منك القديم
للامانه فيه ناس بتشكر فى الراديتير ده وناس بتلعنه
ولاقيت الوش اللى كان راكب عندى انضف واتقل من اللى عنده فركبهم عليه
وقاللى غطا الراديتير اللى عندك كابس على الفتحه ومش بتاعه وخدت منه غطا تايوانى مواصفات يابانى (اى كلام بيتقال) بس شكله جامد بصراحه واوطى من التركى اللى كنت حاطه



الورقه اللى كانت ملزوقه على كارتونه الراديتير


القديم 2 صف الله يرحمه


الجديد بس الصور مهزوزه





لسه مجربتوش فى زحمه بس مبدئيا شغال والاداء مظبوط لحد دلوقتى

مبروك يا مزجانجي على الردياتير وان شاء الله يطلع كويس والاداء يظبط معاك
بس ليا سؤال هل الردياتير كقطعه يستاهل السعر ده ولا ده استغلال وخلاص لاني بصراحه مش شايف فيه حاجه تستاهل الاسعار دي
انا كان الردياتير عندي عايز ينضف لان دايما كان بيعمل عجينه كده والميه كانت بتتلون بلون الصدا

روحت غسلته في محطه شل وصلو الردياتير على جهاز وحط مادة كده على الميه الى في الجهاز وشويه جوا الردياتير غسلته ب 30 جنيه لان بصراحه مرضتش اضحي واروح لبتاع ردياتيرات يفكه وينضفه ويقعد يلعب فيه ويا عالم هيبوظ ايه في الليله دي او ممكن يخرم الردياتير نفسه لان في الغالب مفيش حاجه بتتفك وبترجع زي ما كانت
انا ليا سؤال تاني
انا معنديش قربه ميه متوصله للردياتير كل الموجود خرطوم فايظ بيسرب الزياده في الارض هل ده فيه مشكله ولا عادي ان كمان حطيت ميه خضرا بعد ما غسلته في البنزينة بس العربية في سفر او اي مشوار مش بتسخن اوي يعني الحرارة بترتفع بصورة طبيعيه العادي يعني

المشاركة الأصلية كتبت بواسطة mazda3231984

بس انا بلاحظ ان بنزين 92 بيتحرق بسرعة عكس بنزين 80 بيطول شوية يعني عربيتي بتعمل 200 كيلو في صفيحة بنزين 80 وبتحمل حوالي 170 كيلو في صفيحة بنزين 92 ايه رايك في الموضوع ده.

بصراحه مش هقدر افيدك لاني مجربتش امشي ببنزين 80 قبل كده
بس عن تجربة على طريق مصر اسكندريه الصحرواي من ساعه ما اطلع من الجيزة من الميدان وافول لحد ما اوصل اسكندرية التانك بيكون جاب النص او عداه بسنة بسيطه يعني لو حسبت التانك 40 لتر وبتاع عربيتي 40 لتر بالظبط مينفعش افوله للزور او الكلام ده لان فيه خرطوم فايظ اي زياده بينزل في الارض
فبكده التانك بيعمل حوال من 350 الى 400 كيلو بالكتيراوي ده لو طريق سفر ومفيش مشاكل لكن جوا البلد مجربتش احسب بصراحه
وسافرت العين السخنه رايح وجاي برده نص التانك

ماله ال80 ماشى زى الفل وهتتعود عليه وعلى فكره كل ال92 اللى موجود مخلوط ب80
بس ال80 ده بقى عامل زى الدهب مش موجود الا كل فين وفين وبالطابور عشان تعرف بس ان عليه اقبال
ههههههههههههههه
ماهو ب90 قرش
مش 185

فعلا يا جماعه العربيه معايا مشيه بنزين 80 علطول خساره بيني وبينكم نحطلها 92