الموضوع: كل ما يخص مازدا 323 موديل 82 (اعطال.قطع غيار.كماليات)

[QUOTE=mazagngi2010;3874459356]

المشاركة الأصلية كتبت بواسطة mado83

لو هتفكر فى حوار النوبيرا ده ياريت تجرب عربيتى الاول وتجرب قعدتها لان 1 صاحبى قالى ايه ده ياعم هى نشفت كده ليه ومبقتش مريحه زى الاول
هى فى الاول كانت كنبه اصلا
============
mazda3231984
بصراحه معرفش ايه ظروف الاسعار بس لو كويسه بتلاقيها مطلوبه بغباء
وربنا يستر على المكنه والحق اخلص منها طالما فيها الرمق
==========
hurgada
بصراحه الاسبراتير الالكترونى راحه بال من الابلاتين والكوندنسر

طيب ياريت اجربها ياابوالمزاجات

المشاركة الأصلية كتبت بواسطة hurgada

على فكره يا باشا انا اعرف سروجى من الاخر وهو غاوى شغل فى العربيه دى وبيعمل صالونات مالهاش حل وشغل من الاخر بس هو حراق اوى انا بشد عنده الصالون كله تنجيد وكسوه جلد طبيعى اللون البيج وكسوه للقوايم الفيبر الى قدام وللجزء الامامى الى فى الطابلوه والسقف والجزء بتاع السماعات وهياخد 1250
وحوار الشنطه دى هقولك تعمل ايه بس اوعى تستصعب الى هقولهولك انت هتجيب متر وتقيس المسافه من فرده الشاسيه للفرد التانيه وتجيب حته ابلاكاش من النجار وقله يقصهالك المقاس ده فى العرض الى حضرتك عاوزه وتروح بيها للسروجى يكيهالك موكيت وتخليه يركبهالك بمسماريين بورمه فى الشنطه الحوالر ده كبيره 30 جنيه تكلفه وشغل ساعه زمن

شكرا لاهتمامك
بس انا مش عايز اعمل الكراسي لانها بحالتها فبريقه بالكسوه بتاعتها بس محطوط عليها كسوة قماش ما عدا كرسي السواق فيه قطع في الكسوه الفبريقه بتاعته بس حالتهم كويسه جدا ومفهمش مشاكل ولا بشتكي منهم الا انهم قصيرين شويه ومش بيريحو الضهر وموضوع القوالب مش بحبذه اوى ولو هعمل حاجه في الكراسي يبقي هغيرهم لكراسي ريكارو احسن واريح دماغي

فياريت تقولي عنوان الراجل ده او رقم تليفونه عشان اعرف هيشد الصالون من غير الكراسي بكام
اما بالنسبه للشنطه حضرتك انت كده يا دوب حاطط ابلكاشه ومش مقفله كل الشنطه المفروض التقفيل بتاعها عبارة عن اربع قطع
قطعتين في الجنب ودول الى واخدين المنحنى بتاع دوران العجل وقطعتين في النص جايين من ورا الكنبه لاخر الشنطه واخر قطعه منفصله وليها مفصلات عشان تقدر تفتحتها وتطلع الاستبن يعني الحوار مش سهل محتاج لوح كونتر مش ابلكاش عشان يستحمل ويعييش

وحاجه تانيه مش كل المواتير بتتقبل موضوع الموبينه الالكتروني والاسبراتير الالكتروني ده ..بالظبط زي البنزين حسب ما العربية متعوده المهم انك تراعي الماتور وانا افضل حاجته الاستوك يعني موبينه عاديه حالتها كويسه وكل حاجه بيتعملها صيانه مظبوطه سواء فلاتر او بوجيهات وان شاء الله العربية هتمشي معاك تمام وده الى بعمله مع عربيتي

واحلى تشجيع للمازدوية

والله يا عم مزجانجى السمكرى شغال على مهله لان العربيه مليانه بارومه وماشى معاها واحده واحده وخليته يعمل الرفارف سهرنا انا وهو ودقينا الرفارف وقصينا الحتت الى تحت الدايبه وعملنا حتت جديده وعملت حوار جامد فصلت الشنب الى قدام والكساحه الى تحت الاكصدام لان الشنب ده بيبعوه ب 350 مستعمل ومليان معجون ونقرودهنت ورا الرفارف بلاك علشان المرمات الى عملناها للبارومه على فكره الكساحه بتتباع مع الصدر كله بالف وربعمايه جنيه ومش نضيف اوى عادى بس الحمد لله ان البارومه فى اماكن مش حساسه بس ياريت من الكل ياخد باله من البارومه علشان يلحقها من الاول ولو اى حد احتاج سمكرى الشاب الى معايا ده الله يباركله وماشاء الله عليه فك العربيه كلها وحلينا الصالون والماتور وعمل العتب ودق البيبان والرفارف وعمل البارومه الى فى الشنطه والرفارف والحوض والصدر وفصل كساحه وشنب وحاجات كتير بصراحه بالف وميه جنيه بس هو عشم فى 200 تانى بعد مكشفنا العربيه لان لاقينا حاجات تان بصراحه كتير على فكره العربيه كلها اتحرقت على الصاج وربنا يوفق الجميع

من خلال تجربتى مع العربيه دى عاوز اسيب التوضيح ده لانى تقريبا كده كل حاجه مرت عليا فيها وانا حا بب العربيه وحابب انى ابحث دايما على انها تكون فى افضل حالاتها ___خصوصا ان عربيتى كل حاجه فيها فابريكه والتجديد الى بعمله فيها حاليا خلانى اكتشف قد ايه ان العربيه دى صانعها مديلها حقها وزياده انا كان ممكن اجيب شاهين بالفلوس الى هصرفها او هونداى اكسيل بس والله وللامانه العربيه دى افضل بس فى حاله انها تكون مظبوطه تمام

المهم علشان مطولش عليكم
1- حط زيت التعاون اللبنى (sf)
2-حط بنزين 92 وغير الفلتر كل 6 تفويلات
3-هاتلها بوبينه تكرير بنزين الكترونى واسبراتير عادى ومتخليش حد يخدعك ويقولك هات اسبراتير الكترونى
4-لو العربيه بتنتش منك كتير وبتبطل وده من اشهر مشاكلها والحل بسيط اولا البوبينه الالكترونى وغير وش الاسبراتير وشوف سلوك البوجيهات ليكون فيها مشكله ولو فيها مشكله هات اليابانى ومتجيبش سلك هلس علشان ميزعلكش بعد كده وبعد كده تطلع على بتاع الكربتيرات وياريت يكون حد بتاع كربتيرات متخصص علشان الميكانيكى هيقلبهولك حصاله وخلى بتاع الكربتيرات يظبطهولك ويظبط الجوانات ويغير البيكات وهياخد منك 60 جنيه وساعتين شغل وبعد ميخلص تكون محضر حضرتك اربع بوجيهات جداد وابلاتين وكوندنسر وتخليه يركبهملك بتاع الكربتيرات وبعد ميخلص انسى لمده لاتقل عن سنه انها تبطل منك لان كده السرفيس بتاعها كله مظبوط إن شاء الله كده يطلق عليها اعتماديه فعلا طبعا الحل ده ممكن يكلفك كالاتى
85 بوبينه يابانى
15 وش اسبراتير تايلاندى
35 بوجيهات njk سن طويل
25 ابلاتين وكوندنسير
20 سلك بوجيهات جديد
60 تنضيف كربراتير
طيب بعدمتعمل الكلام ده كله مش هتحتاج ميكانيكى قبل سنه بدل مكل شويه تقف عنده لا اخلص وحل حلول جذريه
بس الكلام ده طبعا فى حاله ان الماتور سليم لانه لو مش سليم هيقرفك اوى
بكره هكملكم باقى التجارب مع كل اجزاء العربيه المحترمه اوى مازدا 323 موديل 82

انا زهقت من موضوع بلى العجل ده
من 20 يوم مغير بلى العجله اليمين قدام وغيرت الشمعدان كمان (اللى بيبات فيه البلى ) علشان قشطه قالى انه هو السبب فى بوظان البلى ولكن النهارده برضو سمعت صوت نحره شكلها كده هتودع تانى مش عارف اعمل ايه اغير العربيه واخلص

بص يا مادو مشكله البلى مش من الشمعدان غالبا هتكون من الكوبلن وانصح حضرتك انك فى الامور دى تروح لعفشجى متخصص ويكون كويس وعنده ضمير وفاهم وانصحك انك لو مشكله كوبلن معوج او حاجه تخلى بتاع الكبالن هو الى يكشفلك عليها وهقولك ايه علاقه الكوبلن بالموضوع لان البلى لما بيدور بالتالى بيخلى الكوبلن بيدور ولو فى مشكله فى الكوبلن هيتاثر بيها البلى والله اعلم ولو حضرتك عاوز عفشجى محترم فى منطقه فيصل كلمنى على الخاص وانا هقولك واجى معاك كمان لو حبيت

المشاركة الأصلية كتبت بواسطة hurgada

بص يا مادو مشكله البلى مش من الشمعدان غالبا هتكون من الكوبلن وانصح حضرتك انك فى الامور دى تروح لعفشجى متخصص ويكون كويس وعنده ضمير وفاهم وانصحك انك لو مشكله كوبلن معوج او حاجه تخلى بتاع الكبالن هو الى يكشفلك عليها وهقولك ايه علاقه الكوبلن بالموضوع لان البلى لما بيدور بالتالى بيخلى الكوبلن بيدور ولو فى مشكله فى الكوبلن هيتاثر بيها البلى والله اعلم ولو حضرتك عاوز عفشجى محترم فى منطقه فيصل كلمنى على الخاص وانا هقولك واجى معاك كمان لو حبيت

على فكره الكبالن عندى جديده بقالها شهرين بالظبط ممكن تكون من ساعت لما ركبت وهيا بتاكل البلى

ممكن يا مادو الى ركبلك الكبالن ركبها غلط وممكن انت ركبت الخارجى والداخلى عاوز صيانه الكلام ده عاوز واحد بتاع كبالن متخصص كبالن هيظبطلك الكلام اما بالنسبه لل 400 ده سعر الدفيره استيراد و700 لو الكهربائى هيعملهالك وده كان سوال واحد من المنتدى كان ساله ومحدش جاوبه

بقولك يا مادو انا هحتاج الشماسات دى