الموضوع: كل ما يخص مازدا 323 موديل 82 (اعطال.قطع غيار.كماليات)

المشاركة الأصلية كتبت بواسطة fathyalazhary

شوية اسئلة بقة عشان لسة جديد و عاوز اظبط العربية

1- اعرف منين فلتر الهواء -- الزيت -- البنزين محتاج يغير ؟؟
فلتر الهوا لو فكيت العمه الزرقا اللى فوق الكربراتير هتلاقى فلت الهوا بص عليه لو لقيته متوسخ جامد وضايع يبقى يتغير ب20ج
فلتر الزيت والزيت لازم تغيرهم لو لسه شارى العربيه علشان اللى قبلك مستحيل يكون كان لسه مغيرهم وهتلاقى الزيت لونه اسود داكن وخفيف لو مسكته بأيدك عامل زى الميه
فلتر البزين نفس القصه هتلاقيه مسود كده من كتر الوساخه اللى فيه ب5ج

2- فية حاجة من دول ممكن اغيرة بنفسى و ازاى ؟؟
فلتر الهوا وفلتر البنزين
3- اعرف منين الكربداتير محتاج ينظف ؟؟
من مشى العربيه لو لقيتها بتقطع
4- ازاى انظفة بنفسى (( يا سلام بقة لو فية صور :) ))
مش هتعرف لازم ميكانيكى
5- سنتر لوك تركيبو بيكلف كام ؟؟
مش اكتر من 50ج اعرف كهربائى ممتاز لو حابب وماعتقدش انه ممكن ياخد ال30ج حته
6- وش نظافة بتكلف كام ؟؟
من 300ج الى 1200ج بدون سمكره
7- نور العربية العالى ضعيف ,, دة العادى و لا فية مشكلة ؟؟
خلى الكهرابئى يشوفلك اللمبات ممكن تكون هيا اللى ضعيفه او الكتاوت بتودع

بس كدة :)

بس كده
لو لسه شارى العربيه جديد يبقى لازم تغير
فلتر (هوا وزيت وبنزين)
بوجيهات وسير دينامو وابلاتين وكوندنسر
تغيير ويت
وتشيك على زيت الفيتيس مهم جدا
وظبط زوايا

حد يعرف اجيب من اين غطا الماتور بتاع الزيت
علشان اللى عندى يسرب زيت وبيغرقلى وش الماتور من فوق
او لو حد عنده فكره انى اظبطه

بص يا مادو المشكله دى مالهاش دعوه بغطا الماتور انت هتغير جوان بتاع التاكيهات وتغير جوان تانى بس مش فاكر اسمه الميكانيكى ال هيظبط ده ده لو قصدك على غطا الموتور الى بنحط منه الزيت وبالنسبه لمزجانجى لو عاوز الحليه النيكل الى على الازاز الى قدام فى واحد صاحبى عنده طقم زياده كامل الاربعه ممكن يبيعه بسعر رخيص وكل عام وانتم بخير

ايون انا اقصد الغطا الاسود اللى بنحط منه الزيت
اما جوان غطا التاكيهات جديد ومحطوطله سليكون وقشطه اللى قالى على غطا الزيت هو اللى محتاج يتغير وكمان الزيت جاى من ناحيته فوق مش من عند جوان التاكيهات
فلو حد يعرف اشتريه من اين ياريت يقولى

المشاركة الأصلية كتبت بواسطة mazagngi2010

مستر العوضى
الحاجات اللى كنت بتسال انا جيبتها منين فى موضوع قطع الغيار
بجيبها من الحرمين فى الزقازيق (هو غالى سيكا )
ده رقمه
0552303936

جزيل الشكر لك يا زعيم

طيب يا مادوا فلتر البنزين فين ؟
و زيت الفتيس دة لية مقياس زى زيت الموتور و فين ؟؟

العربية عندي بتبطل لما تسخن
مجرد ما اشيل رجلي من علي البنزين تبطل .. ياتري ايه العمل؟؟

المشاركة الأصلية كتبت بواسطة fathyalazhary

طيب يا مادوا فلتر البنزين فين ؟
و زيت الفتيس دة لية مقياس زى زيت الموتور و فين ؟؟

فلتر البنزين اول ماتفتح الكبود هتلاقيه فى وشك جنب الاسبراتير حاجه بلاستيك كده صغيره واصل بين خرطوم جاى من تحت العربيه من التانك وموصل لطلمبه البنزين
فك المسمارين اللى حوالين الخرطوم وركب الجديد وقرط على المسامير تانى سهله
زيت الفتيس مالوش مقياس لازم تروح محطه او عند بتاع زيوت وقولى اكشفلى عليه او زوده
هو بيتزود لحد الاخر من اين بقه يتزود البيبه بتاعته هتلاقيها واخده من سلك السرعه الى جسم العربيه هيفك الصاموله الصغيره ويرفعها ويزود ويركب تانى

المشاركة الأصلية كتبت بواسطة emad6610

العربية عندي بتبطل لما تسخن
مجرد ما اشيل رجلي من علي البنزين تبطل .. ياتري ايه العمل؟؟

ياريت توضح بتسخن لاى درجه
لان عوامل ان العربيه تبطل كتيره اوى