المشاركة الأصلية كتبت بواسطة mohamedgamalali
الحمد لله سوقتها امبارح وكانت لطيفه بعض الشيء
ولكن النهارده عندى الملاحظات دى وانا باسخنها وبعد ما سختنها
-العربيه راكنه من امبارح بالليل لحد المغرب تحت البيت، جيت اسخن وأدور قعدت 3 او 4 مرات عشان تدور، وكانت تلقط وتبطل لوحدها، وبعد ما دارت معايا فى المره الرابعه كبست بنزين شويه وسخنتها ومبطلتش تانى
عادى فى البرد ده عربيتى بتدور معايا من المره السادسه وباقى اليوم من اول تكه المهم تديها حقها فى التسخين الصبح
-العربيه بعد ما سخنت وكله تمام سبتها ع السلانسيه، وبقيت الاحظ صوتها وحركتها، لاقيت صوت الماتور كويس وتمام الحمد لله، ولكن جسم العربيه بيتهز هزه بسيطه كده، هل ده طبيعى؟
مفهمتش قصدك بصراحه عموما بص على قواعد الموتور لو عايزه تتربط
-بطلت خلاص وهقفل العربيه، فتحت الكبوت، لاقيت الماتور عليه زيت من فوق، بصيت يمين شمال، لاقيت خرطومين لونهم اسود داخلين ع الماتور، واحد ثابت فى مكانه والتانى مهزوز، هل ممكن يكون ده سبب تعريق الزيت ع وش الماتور.
الزيت المعرق ده قديم ولا جديد وفوق المسامير ولا لا؟ وبيزيد ولا بيقف
بعد مابغسل الموتور بيعرق خفيف ده وبعدها مابيعرقش فاتعودت على كده
-بصيت ع الشبكه كده من قدام، لاقيت ع الاكصدام من تحت كلمه مازدا كده، شويه مياه ع الاكصدام، وخصوصا العربيه كانت متربه من الجو ده، فكان باين المياه دى ع الاكصدام!!
بعد ماتبطلها شوف الغطا بتاع الراديتير ممكن يكون بيسرب او فيه خرم فى الراديتير (عندك قربه ميه ولا لا؟؟)
-قفلت العربيه وداخل العماره، لاقيت البواب بيقولى العربيه دى بتطلع دخان من ورا، قلتله لونه أسود، قالى أه! قلتله اول ما دورت بس ولا بتطلع ع طول، قالى اول ما دورت.
متقلقش من الدخنه السودا ظبط الكهربا والكاربرتير عند اى ميكانيكى بيفهم
أى تعليق من الناس الخبره!؟
"موَسوِس"