السلام عليكم ورحمة الله وبركاتة
عملت الموضوع ده يا شباب على شان نناقش فية كل مشاكل المازدا 323 موديل 82 وكل الاعضاء يقولوا خبراتهم ومشاكلهم على شان الكل يستفيد منها
ويكون مرجع لكل مشاكلها خصوصاً ان اغلب المواضيع فى منتدى المازدا بيتكلم عن الموديلات الحديثة
وعن نفسى هحاول افيدكم بكل ما شوفتة فى العربية دى من عزاب لان العربية دى معايا من زمان ولو اى حد عنده استفسار بخصوصها ربنا يقدرنا جميعاً ونحلها مع بعض
وجزاكم الله خيرا
اية يا شباب فين ردود اصحاب المازدا323
يسعدني اني اكون اول واحد يشارك :)
لو حد عايز عنده 323 للبيع يقولي لو سمحتواااااااااااااا....
ويسعدنى انا كمان مشاركتك والف شكر
وان شاء الله تلاقى طلبك
والله يا جماعه الواحد مش عارف يقولكم اية الظاهر ان المازدا ال323 مو 82 انقرضت من السوق ومافيش حد بيرد عليا
انا عندى مازدا 323 مو 82 ياباشا وادىاللينك بتاعها لو عايز تتفرج على الصوراقتباس:
المشاركة الأصلية كتبت بواسطة miidoo1985
أتفضل هنا
منقردتش ولا حاجة يا جماعة أنا لسة شاري واحدة واليومين دول
http://www.nilemotors.net/Nile/94360...post3871981327
بس أنا مبسوط بجد عشان المبادرة اللي اطلقها الأستاذ mohamed777
أنا لسة بصراحة مختش على العربية ومقدرش افيد أي حد
وإن شاء الله هاصوارهالكم قريب بس لما اظبطها
ياريت تقرأ موضوعي يا أستاذ محمد وتقولي رأيك
الحمد لله رجعت الامل فى الموضوع من تانى لان الناس هنا مش بيردوا عليا
والف مبروك على العربية وربنا يباركلك فيها ويديك خرها
انا قراءة موضوعك ولو عاوز اى استفسار عن العربية فانا تحت امرك
ولو عاوز ميكانيكى متخصص فيها نبيل مازدا فى القلعة خلف دار المحفوظات انا ماتعملتش معاة قبل كده بس اغلب الاعضاء بيشكروا فية
وقطع غيارها متوفرة فى التوفيقية وفى كمان شركة اسمها شركة التوفيق دى فى السيدة زينب
اقتباس:
المشاركة الأصلية كتبت بواسطة mohamed777
الله يبارك فيك يا محمد باشا ... أنا نزلت النهاردة التوفيقية وجبتلها دواسات وقفل اللي دركسيون وحزام أمان جديد بس للاسف لقيت كل الحزمة صيني وده في حد ذاته مخليني قلقان
وجبت اسبراي للتابلوه وكمان wd 40 عشان أنا كنت محتاجه
وجبت شماشه ورا كده فاضلي استبن وطفاية حريق مالقيتهمش هناك ربنا يسهل واجيبهم قريب
وكمان لسة مغيرتش الكوالين مش لقيتها هناك
بالنسبة للميكانيكي اللي حضرتك بتقول عليه ده أنا سمعت عنه إنه في السيده عيشة صح ولا لأ ؟
بس ده بعيد عليَّ أنا في الهرم ياريت لو تعرف حد قريب تقولي
بص ياباشا انا النهادة كنت فى التوفيقية ولقيت واحد من الاخر بيجيب لبن العصفور فى العربية دى واسمة ( ابو زيزو ) وده مكانة فى شارع الاسعاف بعد التقاطع اللي فية بوابة نادى القضاة اسأل علية و والف من يدلك هو مشهور هناك
لو الحاجة مش عنده بيدورلك عليها بس غالباً عنده كل حاجة للمازدا وجديده وسعرة معقول اوى بس خلى بالك اغلب حاجاتة تيوانى
ومن ناحية مكان الميكانيكى فانا ماروحتش عنده قبل كده وعنوانة اللي قولتهولك من مشاركة احد الاعضاء فى المنتدى
هذا والله اعلم
كنت في التوفيقية برضه ... مش كنت تقول كنا اتقابلنا ... يلا حصل خيراقتباس:
المشاركة الأصلية كتبت بواسطة mohamed777
المهم كويس قوي إني عرفتلها أبوزيزو ده وإن شاء الله ها رحلو
على فكرة أنا روحت البنزينة النهاردة بعد الفطار وغسلت العربية كلها ماعدا الماتور
وقلت بالمرة أظبط زوايا عشان العربية بيتحدف شمال
المهم الراجل قال لي وياريته ماقالى
قال لي العربية عايزة بارات داخلي وخارجي ومساعدين كمان والعجلة اللي قدام شمال عايزة سنتي ونص قدام أو ورا مش فاكر بصراحة :majd(4):
وقال لي ممكن يعملي زارجينا بس أنا مرضتش إلى لما اشوفها عند عافشجي
قلتله دي قصتها كام
قال لي حوالي 500 جند :36_1_31:
قلتله شكرا وهابقى افوت عليكو بكرة .. سلامو عليكوو ...
وخط بعضي ومشيت
طيب هى العربية بتعمل معاك اية غير انها بتحدف شمال؟
وهل بعد ماظبط زوايا لسة بتحدف معاك؟
أنا لسة مظبطيش زاوية الراجل مرضيش يظبطهالىاقتباس:
المشاركة الأصلية كتبت بواسطة mohamed777
وأما بقى بتعمل معايا اييه فـأنا مش خبرة الصراحة وحتى لو فيها حاجة مش حاعرفها خالص بس الراجل قال لي هي بتتراجرج معاك وإنت عالمطب قلتله ااه
بس
هو الديركسيون لم بيترجرج فى المطبات تبقى احتمال تكون حشو الاسكترا او البارات
وشوف لو بتعمل صوت مع الرجرجة على المطبات؟
اقتباس:
المشاركة الأصلية كتبت بواسطة moatazbunny
اقتباس:
المشاركة الأصلية كتبت بواسطة mohamed777
استشير عفشجى كويس وشوف رأية
انا دخلت فى موال العفشة من حوالى 3 سنين غيرت ساعتها بارات وبيض وجلد تراب واربع مساعدين والبطاحات ونسيت المشاكل بتعاعتها من ساعتها والحمد لله
ما شاء اللهاقتباس:
المشاركة الأصلية كتبت بواسطة turbocharger
الصالون ولا أجمل من كدة - إيه يا عمنا الجمال دة
قوللنا يا باشا عملته فين وبكام
الله عليك وعلى موضوعكاقتباس:
المشاركة الأصلية كتبت بواسطة mohamed777
أنا معاك يا باشا ومستعد أساعد بأي حاجة
عربيتي مازدا 323 /83 ومعايا من 3 سنين
:w6266d...:satelite:اقتباس:
المشاركة الأصلية كتبت بواسطة agwaa
اهلاً بيك ياباشا واول استفسار منى ليك
انا لسة عامل عمرة والحمد لله كلة تمام والدخان الازرق اختفى تماما المشكلة بقى عندى فى نسب تغير السرعات بالنسبة لصوت الموتور زى ماهى قبل العمرة .... يعنى مثلا الاول اخرة 20 والتانى اخرة 40 والتالت80 والرابع بيجيب 100 او زياده عنها شوية بالعافية ويكون صوت الموتور عالى
الغريب فى الموضوع ان سحبها كويس يعنى من اقل لمسة بتجرى
انا فى العمرة غرت الاسطوانة بس ماغيرتش الديسك والكل فى النتدى واولهم المنهدس سمير عياد نصحونى بتغيير الديسك لانة غالباً هو السبب
حبيت اجيب طقم كامل بالمرة لقيتة غالى
انت بقى عربيتك بتعمل معاك اية فى الكلام ده ورأيك اية؟
أولا بالنسبة لميكانيكي القلعة أسمه عم نبيل وشهرته بلبل مازدا وده راجل محترم جدا واسعاره رخيصة جدا وبيشتغل في الميكانيكا والعفشة بس مشكلتي اني ساكن بعيد قوي عنه فمش قادر اروحله كل شوية ولكن بنصح الكل انه يتعامل معاه.
ثانيا : من عنده خبرة في العربية يقولي ليه البلاتين كل شوية بيلدع لأني زهقت ورحت لعم نبيل غيري الموبنة العادية وجابلي الكتروني وفعلا العربية بقى سحبها افضل بس برده البلتين لدع . يا جماعة ده بيلدع عندي كل اسبوع تقريبا:8954[1]: ولما كلمت عم نبيل تاني قالي ان البضاعة في السوق تعبانة:eee: فرجاءا من عنده فكرة او مر بنفس المشكلة يفيدني
لازم تغير الكوندنسر مع الابلتيناقتباس:
المشاركة الأصلية كتبت بواسطة lotfyonline
وبلاش تخلى الكونتكت مفتوح على الفاضى
بس اية حكاية الموبينة الالكتورنى دى اول مرة اسمع عنها ياريت تفسرهالى شوية
-شكرا جدا للرد .. الموبينة الالكتروني دي زي اللي بتركب في بعض العربيات الجديدة تمنها 65 جنيه وبصراحة ظبطت معايا العربية وفرقت في السحب وعلى فكرة اللي نصحني بيها الكهربائي اللي بيشتغل مع عم بلبل.
- انت متأكد من موضوع تغيير الكوندنسر لأن الميكانيكي عمرة ما قالي الكلام ده ومفيش علامات في العربية بتقول ان الكوندنسر تعبان .
على ما اعرف من الميكانيكى اللي بتعامل معاة ان الابلاتين يلدع من بوظان الكوندنسر او انك تسيب الكونتكت مفتوح.....والله اعلماقتباس:
المشاركة الأصلية كتبت بواسطة lotfyonline
بالنسبة للموبينة الالكترونى انت مركب ماركة اية عندك؟
استاذ محمد انا عندىمشكله كبيره وهى مسمار قفيز المقص الامامى فوت من الصاموله يعنى الصموله مش متسبته فى البدى وشلت الفرش تحت الدوسات عشان القى الصاموله لقيت المكان مقفول لو تعرف ازى اوصل للصاموله دى اكون شاكر جدا ليك وانا شاكر كده كده
انا عايز اتعلم افك الكاربراتير لوحدى واغسله لو ممكن فيديو
وعندى مشكلة فى مسمار المقص الامامى ال ماسك القفيز الصموله بتاعته فكت من اللحام ومش عارف اوصلها لو تعرف ازى اوصلها اكون شاكر
انا مش فاهم انت بتتكلم عن ايةاقتباس:
المشاركة الأصلية كتبت بواسطة emkh
وبالنسية للكربيراتير مانصحكش انك تفكة ولا حتى تخلى الميكانيكى يفكة
فى ورش متخصصة فى كده
وطول ما الكربيراتير شغال كويس ومن غير مشاكل يبقى تنظيفة بالاسبراى
الكربيراتير من اطول قطع السيارة عمراً ويعيش مادامت السيارة على قيد الحياة ما لم يفك
الحقيقة يا استاذ محمد انا مش فاكر النوع لأني رميت الكرتونة بتاعتها بس فاكر ان الكهربائي بعت الصبي بتاعه معايا علشان يجيبل نوع معين و لما شفته اتأكدت انه ياباني اصلي وعلى العموم هبص على العربية لما انزل يمكن الاقي نوعه باين .
بالنسبة لموضوع الكندنسر ليا سؤال : هل ممكن الكوندنسر يبقى تعبان ومايبانش على العربية حاجة زي انها تأخر في التدوير أو تنتش لأن ده مش ظاهر عندي فعمري ما شكيت في الكندنسر وعلى العموم أغيره وأجرب.
ياريت تعرفلى على شان اغير انا كمان البوبينة وياريت لو تقدر تصورهالى وهى راكبة فى العرببية اشوف شكلها اية لانى عمرى ما شوفت البوبينة الالكترونىاقتباس:
المشاركة الأصلية كتبت بواسطة lotfyonline
يبقى كتر الف خيرك
وبالنسبة للكوندنسر انا معرفش اية اعراض بوظانة بس اللي اعرفة انه بيخلى الابلتين يلدع باستمرار
والله اعلم
طيب مش ممكن تكون البوبينة الجديده هى اللي بتخلى الابلاتين يلدع؟
يمكن بتدخل كهرباء مختلف عن المصممة بية العربية؟
محمد بك عبدالرحمن
أولاً : مبروك عليك العمرة _ وعلى فكرة أنا كنت متابع عمرتك وأنا عملت طقم شنبر وكنت ناوي على عمرة وفتحت الموتور لكن الحمد لله ربنا ستر وغيرت إسطوانة وبلية دبرياج فقط أما الديسك فكان كويس والكلام ده كله كان متواكب مع عمرة سيادتك يعني مشوار التليين كان بالصدفة عندي مأمورية في طنطا يوم 22/6 الماضي .
ثانياً : Rang السرعات بتاعك في ألأول والتاني والتالت معقول جداً ( التالت عندي آخره 60 ولو سهيت عنه ل 70 أو 80 بحس إني بأضغط على الغيار ) أما الرابع عندك غير مقبول فأنا كنت في مشوار يوم الجمعة في طريق المطار وكنت بأجري على ال 130 والموتور موش عالي ولا حاجة
أما لو زي ما بتقول بيعلى صوت الموتور يبقى المشكلة في مجموعة الدبرياج ( أسطوانة _ ديسك _ بلية )
_ البلية ليس لها دور في السحب فهي وسيط بين التحميل وعدم التحميل على مجموعة التروس
_ الإسطوانة سيادتك بتقول إنك غيرتها
طيب الديسك مكشفتش عليه ليه وإنت فاكك الموتور
راجع على الديسك فقط وبلاش الطقم كله
وأرجوك طمني
جزاك الله خيراً على الرد
الميكانيكى شاف الديسك وقالى انه ممكن يشتغل وبلاش تغير الديسك
بس انا اكدت علية ان الديسك لو محتاج يتغير نغيرة لانه كان بيقولها وهو متردد شوية وقالى انه مش محتاج يتغير
بس انا عندى حاجة تانية وهو ان الاسطوانة ابقى لسة مغيرها ومتكملش اسبوع ويرجع الدبرياج ناشف واكن ماغيرتش الاسطوانه وبمشى بيها على كده مش عارف من اية؟
لأ البوبينة الألكتروني ليس لها ضرر وهي ممتازة وأنا مجربهااقتباس:
المشاركة الأصلية كتبت بواسطة mohamed777
فعلاً العيب عندك ممكن جداً يكون من الكوندنسر ولما يتلف لا يظهر عليه أي أعراض
على فكرة
كان عندي نفس المشكلة وصرفت كتير على الأبلاتين والكوندنسر
لدرجة إني آخر مرة غيرت الكوندنسر بواحد بيجو ( 50ميكروفاراد ) بدل الياباني ( 25 ميكروفاراد ) والميكروفاراد هو وحدة قياس الكوندنسر ( المكثف الكهربائي )
المهم ظهر أساس المشكلة في الكربراتير وبعد تنظيفه ظبطت العربية
فجرب تظبط الكربراتير
اقتباس:
المشاركة الأصلية كتبت بواسطة mohamed777
يبقى مجموعة الدبرياج ما شاء الله كويسة ( لأن الطبيعي في الصنايعي أنه يغير القطعة ولو شك فيها وهو في النهاية موش غرمان حاجة فطالما شك في حالة الديسك وبعدين قال إنه كويس يبقى على الأقل حالته معقولة )
جرب بقة تزيت الواير بتاع الدبرياج وكذلك دواسة الدبرياج وإن شاء الله هيكون الحل فيها
في نقطة تانية في حالة عربيتي مقارنة بحالة عربيك
بعد شبه العمرة إللي عملتها لها كنت متوقع إنها هتسحب معايا ولا العربيات رق كتيالزيرو لكن لم أجد فرق كتير عن الأول بل أقدر أجزم أنه ليس هناك فرق الهم إلا عدم الأكل في الزيت ( وهو إللي كان مشكلتي ولم تكن مشكلتي في الدخانة )
الكربرتير لا تفكه بنفسك إلا للضرورة ( أنا فكيته بنفسي وأخدته لبتاع الكربراتير في الوراق ودة لأن العربية ما كانتش عايزة تمشي _ تدور سلانسيه وأول ما أدوس بنزين تبطل )اقتباس:
المشاركة الأصلية كتبت بواسطة emkh
لكن ممكن تنظف الكربراتير بنفسك وبأقل مجهود
أدخل على اللينك ده ( مجهود رائع للأخ محمد محسن ) وأنا جربته وبصراحة طريقة ممتازة
http://www.nilemotors.net/Nile/65739-a.html
انا فعلا مش حاسس بفرق اوى بعد العمرة غير الدخن اللي كان موجوداقتباس:
المشاركة الأصلية كتبت بواسطة agwaa
بالنسبة للموبينة الاليكترونى اللي حضرتك مركبها ماركة اية؟ وتمنها كام؟
وحسيت بالفرق فى اية بالظبط؟
العضو lotfyonline قالى برضة عليها انه مركبها
انا نفسى احدث فى العربية دى بقدر الامكان على شان تعطى افضل اداء خصوصاً انه فى حاجات ماكنتش موجوده وقت تصنيعها زى البوبينة الحديثة مثلاً
السلام عليكم يا شباب وكل عام وانتم بخير
انا مشكلتى ان العربية بعد متعدى سرعة 80 احيانا وعلى حسب جودة الطريق القى العربية بتميل شمال ويمين من الخلف جامد يعنى مش بتننط لفوق وتحت زى فى حالة المساعد الخفيف لا ده شمال ويمين ومتروحش القى اذا هديت السرعة .
ولو فى العربية اربع افراد او وزن تقيل لاى شى العربية تبقى ثابتة جداً حتى لو عديت ال 100 رصصت العجل كله وعدت على تربيط العفشة والكاوتش كويس ومرة واحد بتاع زوايا القى ان جلب المقصات الخلفية عاوزة تتغير بس انا لا يوجد اى خبط عندى فى المطبات ولذلك مش متاكد .
ولذلك مش عارف هل المشكلة من الجلب ام المساعدين ام السوست ارجو اذا كان حد لاحظ الموضوع ده معاه يقولى عمل اية .
واشكركم
اتابع باهتمام
ممكن تكون جلباقتباس:
المشاركة الأصلية كتبت بواسطة uhlphp
هى مشكلة غريبة اول مرة اسمع عنها
غالباً حاجة بعيده عن المساعدين والسوست....والله اعلم
موضوع ممتاز
و متابع بإهتمام