السلام عليكم يا رجال المازدا , عيشوا معايا التجربة أنهاردة نزلت أجرب العربية اللي اشتريتها أول امبارح و حكيت لكم عليها
, المهم العربية دارت بعد رابع أو خامس مرة و بعد طلعت من غير ما أسخن علي طول
كنت رايح اغسلها و امون بنزين 92 المهم لقيت المحطة فيها ييجي 400 عربية عشان
بنزين 80 و السولار و ما عرفتش أدخل المحطة أغسل قلت يا واد ما علينا بعدين ,
و فجاة لقيت العربية ما بتسحبش إلا لو كاركت علي دواسة البنزين
تيجي العربية ساحبة ساحبة جامدة و طالعة علي الغيار زي الغول فشر البي إم
و شوية و تيجي فاصلة و مبطلة !!!!!!
المهم روحت لواحد صاحبي بيفهم في الميكانيكا قالي الكاربرتير بيعلق و ظبطهولي
و بعدين قالي أنا حاظبطلك التاكيهات علشان عالية و بعد ما فتح وش التاكيهات
قالي ده في مسمار اللي ماسك الشاكوش قصير ,
و بعد محاولات طويييييييييلة قالي نطلع علي الخراط نخرط الشاكوش و نجيب مسمار أطول
, المهم علشان ما أطولش عليكم بعد ما رجعنا و ركبنا الشاكوش و قفلنا وش التاكيهات تاني
لاقينا صوتهم عالي برضة قلتله فل كدة انهاردة و قلت في سري أوديها بقي لواحد ميكانيكي شاطر يظبطلي الدنيا و أنا جاي ماشي من عنده لقيت مفيش فرامل نهاااااائي خالص
و سامع صوت حكة كدة طالعة من ناحية الفردة الأمامي يمين ,
يا وااااااد مش مهم نبقي نروح للفراملجي يشوف الدنيا فيها ايه ,
و فجأة لقيت العربية بتبطل لوحدها أجي أدور ما تدروش نزلت أبص علي الكاربتير
ألاقيه مش واصله نقطة بنزين شكيت علي طول في طرمبة البنزين
قمت فاكك الخرطوم بتاعها لاقيتها شوية تجيب بنزين و شوية ما تجيبش
و السؤال هنا يا تري دي طرمبة بنزين و لا خرطوم التنك مسدود و لا ايييييييييه ؟؟
اه و علي فكرة أشتريت من الحي العاشر وش اشارة الفانوس الأمامي ب 10 جنيه
وسير الدينامو 975 الأيطالي ب 15 جنيه ,
طولت عليكم معلش لكن أنا مصمم أنقل أي تجربة خاصة بالعربية دي
و أي أسعار قطع غيار علشان أفيد للناس زي ما انا أستفدت من المنتدي كتير جدا قبل ما أشتري
[marq="3;right;1;scroll"]اللهم لك الحمد حتي ترضي و لك الحمد إذا رضيت و لك الحمد بعد الرضي[/marq]
السلام عليكم يا رجال المازدا , عيشوا معايا التجربة أنهاردة نزلت أجرب العربية اللي اشتريتها أول امبارح و حكيت لكم عليها
, المهم العربية دارت بعد رابع أو خامس مرة و بعد طلعت من غير ما أسخن علي طول
كنت رايح اغسلها و امون بنزين 92 المهم لقيت المحطة فيها ييجي 400 عربية عشان
بنزين 80 و السولار و ما عرفتش أدخل المحطة أغسل قلت يا واد ما علينا بعدين ,
و فجاة لقيت العربية ما بتسحبش إلا لو كاركت علي دواسة البنزين
تيجي العربية ساحبة ساحبة جامدة و طالعة علي الغيار زي الغول فشر البي إم
و شوية و تيجي فاصلة و مبطلة !!!!!!
المهم روحت لواحد صاحبي بيفهم في الميكانيكا قالي الكاربرتير بيعلق و ظبطهولي
و بعدين قالي أنا حاظبطلك التاكيهات علشان عالية و بعد ما فتح وش التاكيهات
قالي ده في مسمار اللي ماسك الشاكوش قصير ,
و بعد محاولات طويييييييييلة قالي نطلع علي الخراط نخرط الشاكوش و نجيب مسمار أطول
, المهم علشان ما أطولش عليكم بعد ما رجعنا و ركبنا الشاكوش و قفلنا وش التاكيهات تاني
لاقينا صوتهم عالي برضة قلتله فل كدة انهاردة و قلت في سري أوديها بقي لواحد ميكانيكي شاطر يظبطلي الدنيا و أنا جاي ماشي من عنده لقيت مفيش فرامل نهاااااائي خالص
و سامع صوت حكة كدة طالعة من ناحية الفردة الأمامي يمين ,
يا وااااااد مش مهم نبقي نروح للفراملجي يشوف الدنيا فيها ايه ,
و فجأة لقيت العربية بتبطل لوحدها أجي أدور ما تدروش نزلت أبص علي الكاربتير
ألاقيه مش واصله نقطة بنزين شكيت علي طول في طرمبة البنزين
قمت فاكك الخرطوم بتاعها لاقيتها شوية تجيب بنزين و شوية ما تجيبش
و السؤال هنا يا تري دي طرمبة بنزين و لا خرطوم التنك مسدود و لا ايييييييييه ؟؟
اه و علي فكرة أشتريت من الحي العاشر وش اشارة الفانوس الأمامي ب 10 جنيه
وسير الدينامو 975 الأيطالي ب 15 جنيه ,
طولت عليكم معلش لكن أنا مصمم أنقل أي تجربة خاصة بالعربية دي
و أي أسعار قطع غيار علشان أفيد للناس زي ما انا أستفدت من المنتدي كتير جدا قبل ما أشتري
هرد على هيئه نقاط لانى مش مركز وعايز انام
-متاخدهاش على ال 92 .. انا كنت زيك اول ماجيبتها ودلوقتى بكرعها 80 وزى الفل اينعم هتكركر شويه بس عادى هتمشى معاك زى الجزمه بعد كده
انت اولى بالفرق
-شوف الفرامل اهم حاجه دلوقتى دى مفيهاش هزار
ومن وصفك ممكن تكون ماسوره فرامل بتسرب .. ابقى افتح علبه زيت الفرامل وشوف فيه زيت ولا لا ولو مفيش امشى بالراحه خالص لحد ماتوصل للفرملجى
حصلت مره معايا وكان الجنط غرقان زيت من جوه بسبب الماسوره كانت مكسوره
-دوران العربيه من خامس مره عادى فى الجو ده ولازم تسخن العربيه قبل ماتمشى اول مشوار فى اليوم حتى لو 3 دقايق -لضمان انتشار الزيت فى كل الموتور- علشان ماتسلخش البساتم على المدى البعيد
-سعر وش الفانوس والسير تمام
-بالنسبه للصوت العالى :حاسس ان واير السرعه -بين الدواسه للكربراتير-عندك عايز يتيغر او مش متثبت كويس وياريت تريح صاحبك وماتخليهوش يلعب فيها بعد كده
السلام عليكم جميعا يا أخواني المزداوية أرجو قبول أخوكم الذي تحول من نيسناوي إلي مزداوي اليوم , اشتريت عربية 323 موديل 82 ب 14 ألف بس عايزة دوكو و حاجات بسيطة في السمكرة و طقم كاوتش جديد و لكن ميكانيكا و عفشة الحمد لله تمام , و انا قبل ما اشتريها قعدت عملت دراسة شاملة من علي منتداكم الرائع و استفدت كتير جدا منه و منكم لا حرمني الله منكم حتي الراجل صاحب العربية اندهش من كتر معلوماتي عن العربية و معرفتي للصنايعية و أسعار قطع الغيار و أماكنها و كل بفضل الله عز و جل ثم بفضل شباب المنتدي الرائع , و إن شاء الله أكون علي تواصل دائم و أي حاجة تقابلني في العربية أنقلها للمنتدي لزيادة التعاون
الف مبروك
وربنا يباركلك فيها ويكفيك شرها
وانت منورنا هنا فى الرابطه
بالنسبه لموضوع تدوير العربيه انه بياخد كذا محاوله عشان يدور
انا كان عندى نفس النقطه
كان لو سبت العربيه مثلا يويمن من غير ما تدور كانت تدور من خامس مره
ولو يوم واحد كانت تدور تانى او تالت مره
لكن قريت معلومه من يويمين كده يقولك دوس دبرياج وانت بتدور حتى لو انت ممور العربيه
انا بصراحه ما كنتش مقتنع وقولت اجرب
وجربتها وكانت مفاجاه ليا
الموتور بيدور من اول مره اكنها عربيه زيرو
وجربتها مره واتنين و تلاته ونفس الموضوع بتدور من اول مره
ياريت كلكم تجربوا الموضوع وتقولو النتيجه
وللاضافه انا عندى لسه مغير زيت وبوجيهات جديده وابلاتين ونصف عمره وبيك سلاسنسه جديد بس الكوندينسر الجديد باز وركبت القديم وشغال بيه
انا عندى مشكلة فى الكهرباء
العربية اصلا من ساعة ما جبتها
اول ما ادور وهى باردة بتدور بعد فترة وانا دايس دبرياج وبتبطل لوحدها لو مادستش بنزين بتتهز جامد وتبطل وساعات بتبطل حتى وانا دايس بنزين
بس وانا ماشى بيها عادى ما بتبطلش ولو بطلت ودورت تانى بتدور عادى
امبارح بقى انا كنت سايبها يومين مركونه ماخرجتش بيها جاى ادورها فى الاول ادت صوت المارش عادى ومالقتطتش بس بعدها صوت المارش ابتدى يوطى شوية بشوية فى الاخر كان بيدى التكة بس ومافيش اى صوت
سبتها حوالى ساعة رحت مشوار ورجعت حاولت ادورها دارت عادى بس بطلت تانى حبيت ادورها تانى ادت صوت التكه بس
هى كانت عملت الحركة دى من فترة ودورتها زق ومشيت بعدها فترة عادى مافيش اى حاجه
دلوقت المشكله دى مشكلة دينامو ولا بطارية ولا مارش؟
والباشمهندس مصطفى eng.mostafa323 ماردتش فى حكاية مرايات اللادا انها تركب ولا لأ
انا عندى مشكلة فى الكهرباء
العربية اصلا من ساعة ما جبتها
اول ما ادور وهى باردة بتدور بعد فترة وانا دايس دبرياج وبتبطل لوحدها لو مادستش بنزين بتتهز جامد وتبطل وساعات بتبطل حتى وانا دايس بنزين
بس وانا ماشى بيها عادى ما بتبطلش ولو بطلت ودورت تانى بتدور عادى
امبارح بقى انا كنت سايبها يومين مركونه ماخرجتش بيها جاى ادورها فى الاول ادت صوت المارش عادى ومالقتطتش بس بعدها صوت المارش ابتدى يوطى شوية بشوية فى الاخر كان بيدى التكة بس ومافيش اى صوت
سبتها حوالى ساعة رحت مشوار ورجعت حاولت ادورها دارت عادى بس بطلت تانى حبيت ادورها تانى ادت صوت التكه بس
هى كانت عملت الحركة دى من فترة ودورتها زق ومشيت بعدها فترة عادى مافيش اى حاجه
دلوقت المشكله دى مشكلة دينامو ولا بطارية ولا مارش؟
والباشمهندس مصطفى eng.mostafa323 ماردتش فى حكاية مرايات اللادا انها تركب ولا لأ
بص على اد خبرتى
مادام العربيه اصلا بتدور على فترات يعنى تسيبها وترجع تدورها وتمشى بيها
وترجع تدورها تانى تدور يبقى كده 90 فى الميه البطاريه والدينموا بحالة جيده
شوف بقى 3 اربع حاجت كده لو انت ما غيرتهمش بقالك فتره
فلتر البنزين ابلاتين وكوندينسر بوجيهات بيك السلانسيه (وده مهم قوى بس بينفع انه بيظبط السلاسنيه)
وكمان لو دول مظبوطين يبقى ممكن المارش
وانا اسف والله
انشغلت الفتره اللى فاتت وهشوف موضوع المرايات وارد عليكم
المفضلات