هي الناس راحت فين 0000!
يا أصحاب المازدا 323 0000
إنتو إستغنــيتوا عن موضوعنا ولا إييييه 00؟
هي الناس راحت فين 0000!
يا أصحاب المازدا 323 0000
إنتو إستغنــيتوا عن موضوعنا ولا إييييه 00؟
السلام عليكم ورحمة الله وبركاتة
انا بعتذرللانقطاع عن الموضوع وعن المنتدى لفترة
وان شاء الله هبقى موجود معاكوا ياباش مهندس احمد فى الموضوع هنا
السلام عليكم ورحمة الله وبركاته
يا جماعة أنا عملت عمرة ولينت الحمدلله. دلوقتي الموتور يمكن صوته أهدى سنة من الأول عزمه أحسن سنة من الأول سحب زي الأول.
مش حاسس بفرق تقريبا. ايه خبراتكم مع العمرة (للناس اللي عملوا عمرة)؟ هو الفرق اللي أنا ملاحظه إن خرطوم الفايظ ما بيدخنش بس الشكمان لسة بيدخن علشان مليان زيت.
انا اضطريت لتغير الشكمان كلة على شان ارتاح من الحكاية دى
مش عاوز اقولك غيرة ويكون تكاليف على الفاضى
اصل انا كان الشكمان عندى مسدود وبيسخن الموتور وبيعلى صوت الموتور مع السحب
شكرا يا أستاذ محمد.
ماقلتليش لما عملت عمرة العربية فرقت معاك في السحب والعزم وصوت الموتور؟ ولا ملقيتش أي فرق(أو فرق بسيط لا يذكر زيي)؟
بالنسبة للشكمان جبت نوع ايه وبكام؟ وغيرته منين؟
واحد لقيته بيقوللي شكمان كامل من أول الموتور لحد الذيل ب 350 جنيه مش عارف ده كتير ولا لأ.
آسف لكتر أسئلتي وشكرا.
من ناحية الصوت مافيش فرق اوى
ومن ناحية العزم والسحب طبعاًُ افضل بكتير وكمان الدخان الغريب اللى كان بيهب عليا فى الكابينة والسحابة الزرقة اللى كانت بتبجى عليا اختفت والحمد لله
بس الصوت والسخونة اتظبطوا بعد ما غيرت الشكمان كلة
والتليين عاوز صبر التحسن كان بطيء وببيبان بعد فترة وشوية شوية بحس انها لسة بتلين
الشكمان اللى ركبتة كان ب 250 جنية بالتركيب
وكان من اول الموتور لحد الديل من غير المشترك بس 350 دى كتير اوى
وسامحنى لو كنت اتأخر فى الرد انا مش بدخل كتير اليومين دول
نصيحة للجميع وعن تجربة
بلاش بلاش المستعمل
الأربع مساعدين اللي ركبتهم ضربوا والعربية بتدب زي الكارو بالظبط
عليه ومنه العوض
وناوي في القريب العاجل أركب جديد إن شاء الله
كلام الأستاذ / محمد عبدالرحمن طلع صح 100 x ال 100
إدعوا لي ربنا يكرمني وأركب جديد
بس يا ريت الأستاذ / محمد عبدالرحمن يدلني على النوع الكويس ويستحمل الشوارع المنيلة بتاعتنا
لأن جالي تكليف وبأمر على منطقة نهاية فيصل والمريوطية ( وهي للعلم مناطق مدقات واعرة جداً ) وللأسف مروري في الأماكن دي بصفة يومية
لو سمحتم ايه افضل بنزين للمازدا 1981 323 وشكر لكم
انتوا فين يا شباب
معقوله اسال على مساعدين ورا kyb الاقيهم ب 550 جنية؟؟؟
فى حين ان من 3 شهور جبت مساعدين ورا لعربيه لانسر كريستاله kyb برده ب 390 جنية؟!!!!!!
كمان محتاج باب سواق يا ترى اسال عليه فين؟
شكرا مقدما
هى كل المازدا 323 موديل 82
5 سرعات ( 4 و المارشدير) بس؟ ولا عندى انا بس؟
ودة عيوبه اية؟
انا عندي 1300 سي سي 6سرعات 5 امامي + مارشدير
وده كمان كان في الموتور اللي كنت شاري بيه العربية ولسه مغير موتور من بور سعيد جاي بردو 6 سرعات
انا مش شايف فيه مشاكل بالعكس ده بيريح الموتور يعني انا بجيب الخامس على الميه وبحس ان العربيه ماشيه مرتاح وممكن تسحب وتوصل 180 :vctry:
والله الفتيس بتاعها انزل بور سعيد واسال هتلاقي كل المواتير الاستيراد هناك 6 سرعات حتى لسه عندي الفتيس القديم زي الفل مفيهوش اي مشاكل وست سرعات بفكر ابيعه بس مش عارف لو اتزنقت في فلوس هبيعه
السلام عليكم ورحمة الله وبركاته
حبيتن احكيى لكم عن تجاربى مع الاسطى نبيل مازدا اللى فى القلعة
اولا الراجل محترم جدا جدا وأسعار المصنعية عنده زهيدة جدا جدا (لانه بيعتمد على تجارة قطع الغيار وأسعارها برضه عادية جدا) ولكن المشكلة ليست به نفسه ولكن المشكلة انه هوه ما بيعملش اى حاجة بأيده وكل الشغل متروك للصنايعية اللى عنده وانت وحظك بقه فى الصنايعى اللى هايشتغلك
وأل مرة رحتله اشتغلى صنايعى اسمه كرم بصراحة هوه ممتاز جدا جدا وخرجت من عنده العربية ممتازة وفرقت كتير بعد ما ضبطلى الكهرباء والكاربراتير وشوية حاجات تانية
تانى مرة اشتغلى واحد تانى وبلاش نقول على اسمه علشان ما يبقاش تشهير
أولا :ما رضيش يعمل اى حاجة فى الكربراتير مع انى كنت عايزة ينضفة ويظبطه
ثانيا :قلتلوا اكشفلى على العفشة للاطمئنان عليها فقط فكل شوية يطلعلى حاجة ويقولى دى بايظة وعايزة تتغير (جلب - كاوتش-مقصات-بيض-مساعد أمامى-صواميل-...) وطبعا انا اقوله غير وكان بيغير بقطع مستعملة برضه(استيراد) ودفعت يومها 620 جنيه وخرجت من عنده مافيش اى فرق فى العربية بل من التاريخ ده ابتديت اشتكى من العفشة اول حاجة حصلت اختلال فى الزوايا طبعا انا عارف ان ده طبيعى بعد الشغل فى العفشة لكن اللى مش طبيعى ان انا وانا باضبط الزوايا الراجل قالى ان بيض الدركسيون اللى فى العجل عايز يتغير ووراهالى فقلتله انى لسه مغيرها قالى بس هيه بايظة
ثالث مرة بقة وهى الاخيرة:
اتصلت بالاسطى نبيل قبل ما اروحله أساله عن وجود مساعدين خلفى جديدة عنده فضل الاول يقنعنى بالاستيراد وانا اصريت على الجديدة فقالى تعالى وانا هاشتريهملك واركبهم فرحتله قالى الجديد مش موجود الا بعد الظهر (وانا رايحله قبل الساعة 9) وفضل برضه يقنعنى بالاستيراد وورانى مساعد جديد ضرب بعد تركيبه وانا برضه اصريت على المساعدين الجديدة فكان عنده تكسى 323 بيعمل فيه شغل فرحت مع التاكسى ونزلت وسط البلد اشتريت اتنين مساعدين kyb خلفى ب 540 جنيه بعد لف كتير وديتهم للصنايعى اللى عند الاسطى بلبل وركبهملى وطلبت منه ينظف الكاربراتير ويضبطه قالى لا هوه كده كويس بس انا اصريت على تنظيفه وبعد اصرار وبعد ما اشتكيت للاسطى بلبل خلاه ينظفه ويظبطه والحمد لله، نيجى بقه لاهم حته فى الموضوع
انا كان عندى الكوبلن الشمال بيطقطق شويه فى الملفات بس ماكنتش ناوى اغيره دلوقتى الا لما يقرب يبوظ خالص ف وانا عند الاسطى بلبل لقيته بيغير كبالن تايوانى لعربية تانية ووعرفت ان سعر الواحد 100 جنيه فقلتله غيرى الكوبلن الشمال عندى طبعا الصنايعى اياه فك الكوبلن وماعرفش ينتره الا فى المخرطة وركب الجديد وقالى كله تمام وانا فى الطريق مروح من عنده سمعت صوت (سرك) فى العجلة بس العربية كانت ماشية عادى وصلت البيت لقيت العجلة سخنة جدا فاتصلت بالصنايعى ايه وقلتله اهوى شويه صامولة الكوبلن على البلية؟ فقالى لا ما تهويش حاجة وحط زيت فتيس لنه ناقص عندك طبعا مافيش حد هايقتنع ان نقص زيت الفتيس هايسخن بلى العجلة!!! فاتحركت بالعربية علشان ازود زيت الفتيس لانى كده كده هازوده بعد تغيير الكوبلن يدوب اتحركت 100 متر والعجلة قفشت والعربية ما اتحركتش من مكانها فى الشا
ع وفضلت كده يومين كاملين لما فكيتها وجبت بلى جديد واويل سيلز وركبتهم بمساعدة اخويا وصديق اخر
ربنا يعينك
فعلا المشكله مش في الميكانيكية المشكلة في الصنايعية اللي بتشتغل عندهم وكلهم عيال ميعرفوش حاجة
انا بتعامل مع ميكانيكي محترم وكبير في السن عنده 65 سنه وخبرة بس المشكله مبيشتغلش بايده برضو الصنايعية اللي معاه هم اللي بيعملو كل حاجة.. حاجة قرف فكرت اغيره بسب الصنايعية دول شوية عيال وعمرهم ما صلحو حاجة الا ما يبوظو حاجة وربنا المستعان
السلام عليكم جميعاً
ما إحنا قلنا يا جماعة قبل ما نعمل حاجة في العربية نسأل الأخوة الأعضاء
وعلشان كدة إحنا ( وخاصة الأستاذ / محمد عبدالرحمن ) عملنا الموضوع دة
السلام عليكم و رحمة الله و بركاته،
دى اول مشاركه ليا فى هذا المنتدى المحترم و احب اشكركم جميعا على المعلومات الغزيره و المساعده الصادقه التى تقدمونها فى هذا المنتدى المحترم، حقيقى جزاكم الله عنا كل خير،
النهارده اشتريت عربيه مازدا 323 موديل 80 حالة الموتور و الشاسيه هايله و صاحبها قاللى انه جابلها موتور و كاربراتير و فتيس استيراد من بورسعيد و للامانه العربيه سحبها و حالتها هايله بس يا خساره الحلو مايكملش لان العربيه بتحدف يمين، قلت تظبيط الزوايا و الاتزان مش مشكله، لكن فى طريق مش ممهد شويه لقيت ان العربيه بتعمل تزييقه غريبه من ناحيه الكاوتش الخلفى يمين .. ودتها للميكانيكى قاللى ان السوسته ريحت و عاوزه تتغير.. قلت مش مشكله يبقى نظبط زوايا و نغير السوسته، المشكله الكبيره بقى ان الدبرياج تقيل جدا و محتاج حد بيلعب حديد علشان ينقل على الاول، و التانى صعب شويه لكن التالت و الرابع سهل جدا .. انقسم العلماء على السبب ناس قالوا ان المشكله فى الفتيس نفسه و ناس قالوا فى الدبرياج و عاوز تغير السلك .. صاحب العربيه قاللى ان الدبرياج زى الفل لانه لسه جاى مع الموتور الاستيراد و محتاج يتزيت بس المشكله فى الدبرياج و لما رحت لبتاع الزوايا و الاتزان قاللى ان العربيه محتاجه 2 كوتش نافذ ميزان و 2 جلبة مقص و فيرتين مناول طبعا عرفت انه بيتكلم بالشفره فقلتله يكتب الحاجات دى علشان اجيبها من المخابرات :) المهم انا لسه معملتش اى حاجه بس ناوى انزل بيها القاهره لبلبل مازدا و اشوف ايه اللى فعلا يتعمل و ايه لاء .. تفتكروا فى خطر لو سافرت بيها علما انى مقيم بالغردقه ( 650 كيلو سفر ) ارجو ابداء النصيحه و شكرا لكم
الف مبروك يا دكتور على المازدا وربنا يديلك خيرها ويكفيك شرها ويباركلك فيها
اولا الحدفه ممكن تكون احد الاسباب :
1- الكاوتش
2- ضبط زوايا
لو كان الاسب الاول اللي هو الكاوتش ممكن تعرف ده عن طريق تجربة بسيطه
تغير العجله اليمين مكان الشمال وتشوف لو نفس الحدفه هي هي يبقى ضبط زوايا ولو عكست الحدفه بقت شمال يبقى كاوتش ... والكلام ده عن تجربه...
ولو ضبط زوايا انصحك تصلح الحاجات اللي بايظة في العفشة الاول زي بيض واسكترا لو عايزة تتزبط وجلد مقص وكل ده وبعد كده تروح لواحدكويس علشان في ناس بتعك.
ثانيا التزيقة دي ممكن تكون من المساعد مش من السسته علشان حصلت معاي وكان في تزيق كده في المطبات وطلع المساعد ضارب وجايب زيت وغيرت الجوز اللي وراى
وربنا يعينك
وانصحك لوجه الله
متجبش غير القطع الغيار الياباني هو غالي بس بيعيش وبتنساه في العربية
واي خدمة احنا تحت امرك
السلام عليكم و رحمة الله،
أشكر لك ردك الرائع و الاهتمام بالموضوع، انا رحت لميكانيكى هايل جدا فى الغردقه علشان مشكلة الفتيس و طلع ان الفتيس سليم جدا و المشكله كانت فعلا فى سلك الدبرياج و ماكنش عنده قطع غيار طبعا بس الراجل بسم الله ماشاء الله استاذ عمل شيه شغل على السلك خللى الفتيس يمشى زى الحرير و قاللى كده انتا مش محتاج تغيره بس لما تنزل القاهره هاتلك سلك دبرياج جديد و خليه احتياطى علشان مفيش قطع غيار هنا فى الغردقه، اما بالنسبه للعجله انا فكتها فعلا و طلع المشكله فى الزوايا نفسها فانشاء الله حروح لبلبل مازدا فى القلعه لما اوصل على اساس ان الراجل عنده قطع الغيار و الصنايعيه و الحمد لله كده العربيه حتبقى هايله، أشكر لك اهتمامك مرة اخرى و جزاك الله عنى خيرا...على فكره المساعد طلع زى الفل و مفيهوش اى مشاكل و المشكله فى السوسته فعلا بس مفيش قطع غيار هنا :( ربنا يستر و انا مسافر بقى :)
شوفوا يا جماعه روعة العقل المصرى فى تعديل المازدا 323 .. الراجل خد كنبه و عملها عربيه :)
YouTube - mazda 323 Upgrade
لو هتروح لبلبل مازدا هيقنعك تركب استيراد ممكن تركب استيراد في اي حاجة ما عدا العفشة انصحك تجيب جديد انضف واحسن واضمن وتكون ياباني
وربنا يوفقك
بصوا كدة يا جماعه على الموضوع دة
انا عامله فى الورشة و قلت تساعدونى هنا
http://www.nilemotors.net/Nile/117060-a.html
شاكر جزيلا
بصوا يا جماعة أنا كنت بتعامل مع عم بلبل بس الموتور بتاعي كان عايز عمرة ، فسألت عم بلبل مين اللي هيعمل العمرة قال لي كرم إن شاء الله هيعملهالك ، قلت له طب هشوف كده لو هجيلة ، طبعا شفت ميكانيكي تاني (معرفة عن طريق واحد صاحبي) بيشتغل بإيده في العربية ومعندهوش صنايعية. الراجل بأمانة الله عمل لي العمرة زي الفل والعربية دلوقتي ماشاء الله عليها بعد التليين زي الفل الحمدلله. يعني بنسبة 99% هتخرج من عنده مبسوط إن شاء الله. عيبه إنه غالي شوية بس شغله نظيف إن شاء الله.
لو حد عايز نمرته يبعتلي على الخاص وأنا ابعتله نمرته إن شاء الله. اسمه الشيخ محمد وورشته في الجيزة.
بالنسبة لعم بلبل ، الصراحة آخر مرتين خرجت بمشاكل غير اللي أنا رحتله بيها.
بالنسبة للكهربائي بتاعه كانت لمبة الدينامو مش شغالة ( بعد استلام العربية من العمرة) قال لي مين اللي وصلك التوصيلات دي؟؟؟ (مع العلم إن الدينامو كان شغال وسافرت بالعربية) قلت له أنا لسه عامل عمرة! قال لي الكتاوت الداخلية اتحرقت وهتضطر تشتري دينامو جديد. قعد يعك في الوصلات لحد ما قال لي دور ، رحت مدور العربية رحت شميت ريحة شياط!! طفيت وقلتله ، بعدها قعد يعك برضه في الأسلاك تاني والريحة بعدها راحت (في الآخر الدينامو اتحرق واشتريت دينامو تاني :120146b )
مرة تانية رحت لبلبل علشان كان فيه ترشيح زيت على الجير بوكس شوية وعلشان يظبط تاكيهات. سبتله العربية ورحت مشوار، بعدها قال لي منعتلك الترشيح وظبط تاكيهات وخليتلك موزة(اسم صنايعي عنده) يربطلك العفشة. قلت له شكرا ياعم رحت مديله أجرته + تبس. بعدها لقيت صوت الموتور عالي والعفشة بتعمل صوت تزييقة غريبة جدا :stink[1]:.
رحت للشيخ محمد علشان يصلحلي اللي عمله عم بلبل ولعفشجي علشان يشوفله اللي بوظه عم موزه :beatdeadhorse5:
انا رجعت من القاهره بعد رحلة الصيانه بتاعت العربيه .. رحت لبلبل مازدا و حكيتله على المشكله فى العربيه الخاصه بالدبرياج و العفشه .. الراجل كتر خيره قاللى اجيبلوا سلك دبرياج و هو يركبه و كمان ادالى عنوان واحد عفشجى بس هايل بصراحه المشكله ان بلبل ما كلفش خاطره يبص على العربيه او حتى يخلى حد من صبيانه يبص عليها علشان يعرف فعلا المشكله فى السلك و للا لاء و خصوصا انى قلتله اننى شاكك و جاى من الغردقه مخصوص عليه .. المهم انا رحت لبتاع العفشه اللى فك العربيه و لقيت ان فيه مقص متاكل على الاخر و التانى بيشاور عقله قاللى تروح وكالة البلح تجيب مقص استيراد و لو لقيت التانى كمان يبقى احسن .. قلتله طب مفيش جديد قاللى لاء !! رحت وكالة البلح و الحمد لله لقيت مقص هايل ب160 جنيه و الراجل مرضيش ينزل تعريفه و انا دورت لما اتهريت فطبعا وافقت و جبت واحد بس و العربيه كانت محتاجه بارات 2 طوال و 2 قصيرين و جلب 4 و 2 كوتش ميزان طبعا الحاجات دى جبتها من عند ابو زيزو فى التوفيقيه شارع شامبليون سالته فيه يابانى قاللى لاء و مش حتلاقيه بس الحاجات دى عندى كورى و هايله قالتله ماشى (حعمل ايه) و دفعت 200 جنيه و سألته على سلك الدبرياج و جابهولى يابانى (أخيرااا :) ب 50 جنيه بس طلع هايل ... طبعا شفت ميكانيكى جنب العفشجى ركبلى السلك مانا مش حرجع القلعه من ميدان عابدين علشان الاسطى بلبل يتكرم و يركبلى السلك ... حد يا جماعه يعرف سمكرى يقدر يعمل تعديلات للمازدا بالطلب ياعنى انا اديله صوره للمطلوب و هو ينفذها على العربيه .. انا عاوز حد عبقرى .. شكرا.
الله يسلمك، بعد السلك الجديد مفيش اى مشاكل فى الفتيس أو فى الدبرياج و بقى بصراحه زى الحرير.. أما بالنسبه للتعديلات انا عاوز اعمل شغل فى الشكل الخارجى للعربيه زى الفيديو اللى انا نشرته قريب فى هذا الموضوع .. اعتقد ده تبع شغل السمكره .. اعذرنى انا خبرتى لسه ضعيفه جدا :) أشكر لك اهتمامك.
يا جماعة سؤال بس...
هي عربياتكم مرفوعة من ورا؟
أنا لاحظتها تقريبا في مازدات كتيير...
ده طبيعي ولا ايه؟
طب لو أنا شلت العلايات دي فيها مشكلة؟
على ما اسمع ان العلايات اصلا غير صحية بتبوظ العفشة
بس زى ماحضرتك عارف شوارعنا والمطبات
زمان قبل ماحط العلايات كنت كل مشوار البلد لازم الشكمان يحك ده اذا ماتخرمش اصلا
بس الحمد لله حاليا مظبوطه
بس موضوع حك الشكمان ده بسبب المساعدين ياباشا.
أنا صاحبي كانت عربيته واطية وبيعاني من الموضوع ده (فورد اسكورت). غير المساعدين والعربية مابتحكش في المطبات حتى لو فيه ناس راكبة.
المساعدين ما هى الا ممتص الصدمات
المسؤول عن ارتفاع العربية عن الارض هو السوست او الياى
أنا رحت لنبيل مازدة عشان كده كده العربية ماكانتش مظبوطة .. فقلتله اكشفلي على زيت الفتيس المهم أم فكك سلك كده من جوه الماتور بالضبط تحت مستر الفرامل وقال لي ده عايز يتزود ... تروح تزويده في البنزينة ... قلت ماشي ... وبعدين قلت لما أسأل هو الزيت اسمه إيه يا عم موزة ( ده اسم الصنايعي ) قال لي زيت ماتور عدي ... قلتله طب أنا معايا ورا كيلو قال لي طب هاتوا المهم إديتهوله وحطه كله ومكفاش ... قلتله هات جركن جديد وكامِل (جركن 4 لتر كالتكس 3000 أبوعلبة رمادي ده ب 37 جندي) ام حط الجركن كله وسبلي حوالي كيلو نص كده وقال لي كده خلاص بس إنت كنت ماشي بيها إزّي دي ... الحمدو لله إن الفتيس مأفش.
السؤال بقى هنا الزيت ده كويس وللا لأ .. ياريت حد يقولي اللي أنا عملته ده صح ولا غلط
والفتيس بعدها عمل معاك ايه؟؟؟؟؟
أصل المفروض اللزوجة بتاعت زيت الفتيس أعلى من لزوجة الموتور....
زيت الفتيس .... زيت لزوجته 90!!!!!!!!!
والله العظيم دة حراااااااااام
يا أحبابي أنا كنت ناوي أعلنها عليكم جميعاً _ لكن ظروف أخرتني _ المهم
إحنا فيها دلوقتي ...
يا إخواني إوقفوا التعامل مع المدعو نبيل بتاع القلعة وأتباعه ....
كل يوم أقرأ عن مشكلة من أحد من الأخوة بسببه أو بسبب حد من ديوله ( أقصد مريدينه .. يووووه أقصد أتباعه ...)
بالنسبة للمشكلة إللي بين إيدينا وإللي حدثت مع أخونا "معتز" أو ( moatazbunny ) السلك إللي الأخ ملبسة ولا موزة دة خلعه علشان يكشف على زيت الفتيس هو سلك واير السرعة وهذا هو المكان الصحيح لهذا الغرض لكن إللي عمله سي فخدة بعد كدة هو الكارثة .
الزيت إللي أفتى بصلاحيته في تزويد زيت الفتيس هو زيت محرك عادي ودرجة لزوجته أقل كثيراً جداً من درجة لزوجة زيت الفتيس والدليل على ذلك أن زيت الفتيس يتم تزويده بماكينة هيدروليك خاصة لذات الغرض .