المشكله ان الموضوع نايم وقسم المازدا نايم اكتر وانا لسه شارى العربيه امبارح
على فكره جبت النهارده 4 فرد كوموهو سولاس فيتنامى 14-185-60 والفرده ب 330
حد يعرف منجد كويس للمازدا وكهربائى نضيف(مشكله دراع النور المعتاده) وميكانيكى خلاصه غير بلبل؟
موضوع جميل فعلا
المازدا 323 بجد عربيه بتستحمل بطريقه عجيبه هيا اللى اتعلمت عليها وماشى بيها انا واخويا وبجد بنعاملها معامله الجوارى هههههههه بس لما بتحتاج حاجه تغيرها مبنبخلش عليها
هيا من الملاحظات الشائعه فيها على خبرتى معاها وفهمى فى العربيات عموما كذا نقطه (هيا 1300 من غير تكييف )
1- العربيه دى مبتسخنش يا جدان بجد لو انتا مظبطلها الريداتير والمروحه بجد تنسى السخونيه - مره رحت بيها مشوار مقدار ساعتين فى عز الصيف ومكانش فيها ميه لحد ساعه ونص كانت ماشيه مفيهاش اى مشكله وانا مش واخد بالى من مؤشر الحراره خاااالص تقريبا عمرى ما ببص عليه فيها ولقيت مره واحده ادوس بنزين زى ما ادوس وهيا ولا معبرانى نهائى وبتبطء طبعا عرفت ساعتها واتصرفت ومشيت تانى عادى جدا
2- العربيه ثابته بالنسبه للموديل بتعاها انها برضه قديمه يعنى وكده يعنى لو انتا مظبط زوايا وفرامل ومربط العفشه لحد ال120 130 زى الفل تحسها خفيفه من اول ال 140 145
3- العربيه واسعه من جوه سواء طول او عرض ومريحه بجد
4- العفشه بتاعتها بتستحمل بجد والله عن تجربه فى وطبات على سرعه والعربيه مليانه بجد عربيات تانيه كانت اتقسمت نصين او عالاقل عطلت بس تقريبا مفيهاش عزل كويس
5- العربيه دى جرراااااااااااااااااااايه بطريقه عجيبه يعنى انت بس ظبط طقم الكهربا ومتحطش اقل من بنزين 90 ونضف الكربراتير وظابط ضغط العجل انا كنت بشد مع عربيات ممكن تقول ان مجرد ان افكر اشد معاها جنان فى حد ذاته بس بجد بتسد فى الاول والتانى والتالت بتريح سنه فى الرابع لحد ما تفتح الكامه التانيه فى البنزين وبتتجنن لا وبيبقا فيها ثبات مع سرعه لما تكون مليها ومركب 4 معاك
6- حوض الماتور واسهع ومريح جدا لاى حد بيعمل صيانه فيه
7- هيه طبعا ميزه بس عندنا فى مصر دايما عيب ان العربيه واطيه واللى عنده عيله وبيملا العربيه لااااازم يعليها بالنسبالى مغير سوست وحاطط طبات
8- من اول المشاكل اللى كانت فيها الزيت بييجى عالبوجيها فكنت بغيرها تقريبا كل شهر ههههه لحد ما عملت نص عمره وبقيت تقريبا مبغيرهاش الا كل 7 او 10 شهور بمزاجى مش عشان مش شغالين
9- الرجرجه فى العربيه كانت فى الاول كذا مره بسبب ظبط الهوا واوقات بعدها بترجرج تانى فالاقى بوجيه فصل فيها فكانت بتتظبط فى اخر مره لقيت ان فى الحتهاليمين اللى متعلق فيها الماتور عايزه تتغير (مش عارف اسمها قاعدة ماتور ولا ايه) وبعد كده كله بقا تمام
10- قبل كده حطيتلها بنزين 80 اول مره مشيت عادى جدا وكان استهلاكها اكتر من ممتاز لكن تانى مره بجد اتجننت وبقت بتقطع وكانها جالها حساسيه والماتور كان جالو فيروس هههههه وندمت بجد لانه اثر عليها جامد على ما رجع الماتور ظبط تانى بس بقى مش زى الاول تماما على فكره هيا نسبة الانضغات بتاعها مظبوط عالتسعين ومرتي تلاته كده حطيتلها 92 لاقيتها بتقول وبتتسارع احسن مش فرق كبير قوى لكن ملحوظ
11- محصلتش معايا مشكله البلى دى غير مه واحد بعد فتره طوييييييييله وبعدها من ساعة ما اتغي وبقالها برضه فتره طويله وشغاله كويس
12 - اكبر غلطه عملناها انا واخويا اننا جنطناها جنط عريض مانكرش ان ده خلاها اخف وثباتها بقا خرافى (مع ان العادى ممتاز) بس العفشه ابتدت تتضرر والغريب انها استحملت فتره طويله احد ما بدا يبان عالعفشه بس عادى رجعت للمقاس الاصلى بتاعا وعملت لحام خفيف بقت تمام
13- نفسى الاقى حد بيفهم فى كهربتها ككل ماتور والباقى بقا ايا ما كان
14- قطع غيارها اسعارها معقوله
15- بالنسبه للسرعات اللى جبتها بيها من قريب عالدائرى كانت مليانه ومحمله فى الشنطه عالاخر وجبت 140 ومرضيتش اعلى ومره اخويا كان برضه ماليها ورايح اسكندريه جاب 160 (مكدبش عليكو انا واخويا بندوس بيها جامد وبنحرق غيار وبنعمل كيك داون لانها بجد مغريه وبتقول معاك )
16 - للاسف هيا دلوقت مركونه القزاز القدمانى جاله سرطان لوحده كده ومطنشينها بقا لحد بعد العيد نعيد عليها بقزاز جديد ههههههههه
skyline
الف شكر ياباشا على الملاحيظ اللى تفتح النفس
عندى كام استفسار دلوقتى لاننى لسه بتعلم جديد وجيبت 323
1-ايه احسن زيت يتحط لها ويتغير على كام كيلو وهى بتاخد كام لتر بالظبط (صاحبها قاللى 3 ونص)
2-تعرف كهربائى نضيف يشوف مشكله دراع النور اللى بيلمس
3-تعرف ميكانيكى نضيف وامين اتابعها معاه
الف شكر ليك علي الا فادة يا أخ skyline و نحب نستفيد منك ديما
كان ليا استفسار عند حضرتك انا السوست اللي كانت عندي تعبت و غيرتها بس ما كانتش بتاعة المازدا و كانت معليه العربية
لما غيرتها ركبت بتاعة المازدا و للأسف حاسس ان العربية وطيت و بتحك من خصوصا الشكمان تنصحني اني اخليهم و لا اغيرهم باعلي مع طبات زي ما حضرتك قولت
مزاجنجي:
_ انا كنت بحط زيت امارات مصر و كان جميل بس البنزينة كانت ديما زحمة فزهقت و غيرته.
انا دلوقت بحط التعاوز الجركن الازرق بيعمل حوالي 65 جنية و بامانة ممتاز انا بغير كل 3000 كيلو
العربية بتاخد 3 لتر لكن لو هتغير فلتر (و دة كل مرتين او تلاتة) هتاخد 3 لتر و نص انا بجيب فيلتر زيت بتاع هيونداي اكسنت ماشي مع العربية تمام
_ مشكلة دراع النور عندك حل من اتنين :
1 - تغيره خااااالص و تريح دماغك و تجيب التايواني و دة عامل حوالي 160 جنيه
2_ انا اعرف كهربائي اسمه "محمد البرازيلي" في المقطم المفارق دة كان عملهولي و فكه حتة حته و صنفر الريش بتاعة الدراع و غسله و بقي زي الفل الكلام دة بقاله حوالي 6 شهور
_بخصوص الميكانيكي انا بتعامل مع ميكانيكي اسمه "احمد قشطة" في الاباجية بأمانة أمين و محترم و عمري ما ضحك عليا.
- ليا استفسار معلش متعرفش الفردة المقاس الاصلي بتاع العربية كوموهو بتعمل كام و ربنا يباركلنا جميعااااا
سيد الفاضل العجل الامامي يأخذ بليتان متساويتان في المقاس و لكن خذ بالك جيدا انة عند تركيب البلي الامامي توجد بين البليتين حلقة صلب هذة الحلقة تمنع البلي من التلف عند الكبس
0122701606 قشطة الميكانيكي
محمد الكهربائي 0127599250
ياتري عنوان كموهو فين؟
الف شكر ليك skyline و يا ريت تفتكرلي السوست بتوع عربية ايه؟ و شكرا
الف شكر مزاجنجي