الموضوع: كل ما يخص مازدا 323 موديل 82 (اعطال.قطع غيار.كماليات)

اولا مرحبا بالانضمام الى رابطه المازداويه وكل سنه والجميع بخير
موضوع تغيير الزيت هو ازاى الميكانيكى حطلك زيت جاز هو مش عارف ان دى ملاكى
وعموما ماتقلقش نزل الزيت وغير فلتر وحط موبيل وان او شيل الاصفر اى واحد منهم
وتغيير الفلتر بعد مرتين تغيير زيت يعنى لو المره دى غيرت فلتر المره الجايه ماتغيروش
وماتقلقش ولو فى اى مساعده هتلاقينا كلنا هنا بنحاول نساعد بعض
ومقدار الزيت لو بالفلتر هتحط 3.75 لتر
لو بدون الفلتر 3.5
وخليك مع مؤشر مقياس الزيت لحد ماتوصل للماكس
وعلى فكره انا اول ماجبت العربيه كنت بغير فلتر وبحط الجركن كله ال4 لتر
علشان كنت لما احط 3.75 كنت بحس ان الماتور فيه صوت ولما زودت الزيت الصوت راح فحسيت ان الزيت ناقص وممكن واحد غيرى مايلاقيش الكلام ده فى عربيته
ولكن الاستاندر اللى كتبتهولك فوق

جزيل الشكر لك يا اخى الفاضل على هذة المعلومات.

استفسار:

لو غيرت موبيل ون او شيل اللاصفر اغير بعد كدة على كام كيلو

[quote=مستر العوضى;3874484885]جزيل الشكر لك يا اخى الفاضل على هذة المعلومات.

استفسار:

لو غيرت موبيل ون او شيل اللاصفر اغير بعد كدة على كام كيلو[/quote
5000 كيلو ولو قعدت اكتر من كده شويه برضو ماتقلقش ولكن الافضل علشان سعادتك كنت حاطط زيت وحش اما انك تغسل الماتور من جوه وطبعا ده مش هينفع يتعمل غير عند ميكانيكى محترم بيغسله بفلاش للماتور
او انك تحط غيار زيت وبعد 1000كيلو تنزله
وانا رأيى الشخصى غير زيت وفلتر وتوكل على الله وامشى بيهم ال5000 كيلو
وعلى فكره كله على حسب الميزانيه

المشاركة الأصلية كتبت بواسطة mazagngi2010

مختلف معاك يامادو فى شويه حاجات
انا من النوع اللى بيحب يغير زيت على طول ومسيبوش فى العربيه كتير علشان ظروف الحر والجو الغريب بتاعنا غير طبعا ان العربيه بتقضى ربع الوقت واقفه فى الزحمه والاشارات لو عربيه جديد اسيب الزيت براحته 10 الاف كيلو
انا بحط كالتكس رخيص وبغيره كل 1000 كم
كميه الزيت انت مزودها شويه
بالنسبه لى
بالفلتر 3 لتر ونص ومن غيره 3لتر

استاااااااااااااااذ
بنتعلم منك يامزاجانجى

والله انا سعيد جدا بالانضمام لهذا المنتدى العظيم.


واشكركم شكرا جزيلا على هذة النصائح الغالية

المشاركة الأصلية كتبت بواسطة مستر العوضى

والله انا سعيد جدا بالانضمام لهذا المنتدى العظيم.


واشكركم شكرا جزيلا على هذة النصائح الغالية

المهم انك لما تعمل حاجه فى العربيه تقولنا عليها علشان ممكن احنا كمان نتعلم منك ونعمل زيك
لو حاجه بسيطه بالنسبالك ممكن تكون حاجه كبيره بالنسبه لواحد تانى

المشاركة الأصلية كتبت بواسطة mado83

المهم انك لما تعمل حاجه فى العربيه تقولنا عليها علشان ممكن احنا كمان نتعلم منك ونعمل زيك
لو حاجه بسيطه بالنسبالك ممكن تكون حاجه كبيره بالنسبه لواحد تانى

ان شاء الله اى حاجة هعملها فى العربية هحكيها ليكم باذن الله
حتى تعم الفائدة