الموضوع: بعت الأفيو و حجزت التيجو و الحمد لله

حجزتها سوداء و من ابو غالي روكسي و الاستلام قريبا ان شاء الله و ربنا يسهل

الف مبروووووك و مستيين التقرير ان شاء الله

ياجماعه لي تجربه بسيطه مع التيجو 1600 ويارب تكون تجربه فرديه
انا حجزت التيجو يوم 6/7 من ابو الفتوح فرع المعادي و بعد معاناه استلمت السياره يوم 21/8 بعد عدة وسايط و صلت لمدير الفرع شخصيا وبعد اكثر من 10 زيارات للمعرض فوجئت وانا خارج بالسياره من التوكيل ان الفرامل لا تستجيب الا عند ضغط الدواسه لاخر المشوار (قصدي الدواسه واطيه جدا زي ما يكون عايز يتسحب منها هوا ) و كلمت المندوب اللي استلمت منه قالي تعالي الصبح قبل ما ترخص و فعلا رجعت بيها تاني يوم و المندوب جربها و اكد العيب وحاولوا يقنعوني ان ده وضع طبيعي و ان الدواسه هتعلي مع الوقت و الكلام الفارغ ده بس نا مرضتش اسمع و قلت الواحد ممكن يتهاون في سحب السياره مثلا او في قوة التكييف انما الفرامل ابدااا ......
المهم قالولي هيجيبولي عربيه تانيه بعد يومين و فعلا ذهبت لاستلام السياره الثانيه و تركت والدي يجربها و مع اول ضغطه للفرامل و المندوب كان معانا سمعنا صوت خبط و كركبه جامد قدام في العجل الامامي فطلب مننا المندوب التوقف علي الفور و قام بمكالمه تليفونيه و قالنا معلش يبدو ان جهاز الاي بي اس فيه حاجه و مش هتاخد العربيه دي .... و علمت انهم سلموا السياره الاولي لعميل اخر .... ده معقول ؟؟؟ يعني لو هوه ماخادش باله او خبرته ضعيفه او اول مره يسوق عربيه يبقي كده ادبس فيها و ربنا يستر عليه....
المهم في واحد صاحبي شغال في التوكيل قالي ان في كذا عميل علق علي موضوع الفرامل ده الفتره اللي فاتت و هما بيدوروا علي علاج للمشكله و قالي متستلمش دلوقتي لحد ما نعرف الاخبار
انا بصراحه خفت و سحبت الفلوس و قلت اطمئن الاول و بعدين احجز تاني
ارجو ممن استلم الايام دي يطمنا ياجماعه ولو واجه مشكله يقول بصراحه علشان نبقي كلنا علي نور و ارجع و اقول كله الا الفرامل

ليه كل شوية ييجي شخص جديد تماما علي المنتدي يرمي قنبلة عن عربية و يرميها في كل مشاركة امامه بداعي و بدون و لا يصيبنا الا بحيرة و قلق مع انه اكيد مزيف و عاوز بس يحقق هدف معين لجهة معينة !!!!!
اتقوا الله فيما تبلغون

محتاجين تقييم كامل عن العربية وبالنسبة لمشكلة الفرامل اعتقد ان صعب المصنع يطلع عربية بايظة لعميل اشتكى قبل كدة والا الشركة تكون لمؤاخذة؟؟؟؟؟