سبحان الذى هدانا الى هذا وماكنا لنهتدى لولا ان هدانا الله

**م/محمد صلاح** · 01-11-2007 04:36 AM

حقنا دلوقت منك:
صورة للسيارة (هام جدا)
تفاصيل الشراء وخبرتك فى التعامل مع المعرض
تست درايف

دكتور احمد انا تحت امرك وعنيا ليكو بس التيست درايف هاعملو بعد التليين علشان اكتب فيه كل حاجه بالتفصيل
كل اللى اقدر اقوله عن العربيه خلال اليوم ده (انا استلمتها امبارح 11 بالليل) ان التقفيل والخامات الداخليه اكتر من ممتازه السحب رائع ويمكن انا حاسس ان سحبها احسن من عربيات كتير مانيوال العفشه ما شاء الله عليها وعلى فكره يا جماعه العربيه والله مش واطيه زى مالكل متخيل انا الحمد لله ماحكيتش بيها فى اى مطب من اللى عديت عليهم (50 مطب منهم 30 رخمين قوى)
ودى طبعا ارقام تقريبيه
التحكم فى الدركسيون رائع رائع رائع لانه كهربا مش زيت باور بس الفرامل انا حاسس انها ضعيفه شويه بس برضه ماقدرش احكم عليها كويس لان اقصى سرعه جبتها بيها كانت 62 كم لانى فى الهرم والشوارع زحمه

تفاصيل الشراء والترخيص ممكن بعد كده افتحلها توبيك لوحده علشان عايز اناقش فيها موضوع الرشاوى فى مكاتب المرور اللى زاد عن حده وبقى عينى عينك واللى مايدفعش يقولوله ورقك عند الحاج اسماعيل ولما يسال هو فين يقولوله هاييجى الشهر الجاى الساعه 12 بالليل

**م/محمد صلاح** · 01-11-2007 04:50 AM

ودى باسم الله ماشاء الله ولا حول ولا قوة الا بالله صورة الوزه الجديده

ايه رايكو فى النمر؟

**hazem_khidr** · 01-11-2007 05:21 AM

بس الله ما شاء الله ربنا يحفظهاك.
كنت لسه حعلق علي النمر من غير ما تسأل يا باشا ما شاء الله نمرها حلوه .
لعلمك انا برضه هاوي نمر بس نمر عربيتي احلي شويه
بس بقي انا عاوز لفه و مش متنازل عن لفه اول ما اشوفك :D

**msa3dawy** · 01-11-2007 09:44 AM

الف مبروك تانى بس ياريت تقولنا يا ميمو هيا بتيجى بجنوط ولا طاسة

**Nader** · 02-11-2007 12:01 AM

بسم الله ما شاء الله، ربنا يبارك لك فيها....... طلع حاجة لله بقى ووزع على الفقراء علشان ربنا يحفظها لك ويبارك لك فيها.

وركب باركينج سنسورز<<--

**م/محمد صلاح** · 02-11-2007 01:15 AM

حازم بيك خضر انا تحت امر سعادتك بس كده ؟ العربيه و صاحب العربيه كمان بس اسلام شاهين حاجز قبلك

الف مبروك تانى بس ياريت تقولنا يا ميمو هيا بتيجى بجنوط ولا طاسة

لا يا باشا العربيه طاسات على كاوتش 15 مش جنوط

بسم الله ما شاء الله، ربنا يبارك لك فيها....... طلع حاجة لله بقى ووزع على الفقراء علشان ربنا يحفظها لك ويبارك لك فيها.

وركب باركينج سنسورز<<--

ماشى يا ندوره

**hazem_khidr** · 02-11-2007 04:54 AM

حازم بيك خضر انا تحت امر سعادتك بس كده ؟ العربيه و صاحب العربيه كمان بس اسلام شاهين حاجز قبلك

لا بقي انا اول واحد مباركلك و من اول الناس اللي رشحتهالك يبقي انا الاول :D :D :D :D
انا بهزر اسلام دا اخويا الكبير و ما اقدرش انعداه برضه

**شريف شعبان السيد** · 02-11-2007 12:29 PM

ألف ألف مبروك يا أستاذ"" ميمو "" انا هنا عايش فى مكة وكنت رايح اصلى الجمعة فى الحرم افتكرت أعضاء المنتدى لمى شفت عربيتين واحد سيفك والتانية أكورد 2007 بس هناك اختلاف فى السيفك فتحة سقف وجنوط وفلشر فى المرايات الجانبية هل الاختلاف ده هو المواصفات الخليجى ؟ بس السيارات اليابانى يطلق عليها جملة واحدة "" دعونا نرفع القبعة للصناعة اليابانية"" وخصوصا لوحد يفتكر فيلم"" اسبيد"" لما الهوندا عدت من تحت المقطورة ومشيت تحتها والف مبروك مرة تانية