مشكلة "الخنقة و التنتيشة" في الكريستاله

السلام عليكم اخواني الكرام .. كل عام و انتم بخير

المشكلة ببساطة حصلت لما دخل علينا الصيف و بدأت استخدم المكيف في عربيتي .. فلاحظت انها بدأت تستهلك بنزين بشكل كبير .. يعني كانت بتعمل 420 كيلو متر في التفويلة و بقت تعمل 320 تقريبا بعد ما بقيت بشغل المكيف .. قلقت ساعتها و رحت لواحد بتاع كربوريتورات و كشف على البوجيهات و قالي عربيتك سليمة و مفيهاش حاجه .. بس لو عايزنا نفك الكاربوراتير بالمرة و ننضفه عشان تطمن يبقه مفيش مشكلة .. و سمعت كلامه و نضفت الكاربوراتير و من ساعتها و مش عارف اتهنى على العربية.

اللي حصل ان العربية بقت تنتش و انا طالع على الاول .. احس انها مخنوقة و مرة واحده تفك الخنقة لدرجة انها بتعمل امريكاني .. طبعا الموضوع ده احرجني بشكل كبير في الملفات وانا جاي اطلع و الخنقة تحصل .. انما بعد الطلعة بتجري و بتفتح و تبقه زي الفل .

فيه ناس دلتني على بنزينة "شل" و قالولي فيه جهاز اسمه "جاز 5" ده حيظبطلك الكاربوراتير .. و بالفعل رحت و ظبطت الكاربوراتير على الجهاز ده (طريقة شغله انه بيظبط كمية دخول الهوا مع البنزين) و بعدها العربية اتحسنت كتير .. قعدت على الكلام ده شهرين تقريبا قبل ما العربية تبدأ الخنقة و التنتيشة من تاني و تقرفني .. رجعت تاني للبنزينة و الراجل ظبطها تاني لكن ما بقتش زي الاول .. غيرت البوجيهات و فلتر الهوا و فلتر البنزين بدون فايدة .

دلوقتي انا في حيرة من امري .. الموضوع ده مسببلي ارق و تاعبلي نفسيتي من العربية على الرغم من انها كانت مريحاني للغاية قبل ما الموضوع ده يحصل .. و اللي قرفني اكتر بقه ان فيه بعض الناس قالولي ان الكاربوراتير بدام اتفك يبقه مش حيرجع تاني لاصله و اني افضل كده احسن او اني اغير الكاربوراتير !!

اللي عنده اي حل يلحقني بيه .. و اسف على الاطالة .. و جزاكم الله خيرا

ملحوظة: عربيتي لانسر كرستاله موديل 98 .. كاربوراتير مش بخاخات

غير بيكات الكربوراتير الأول وجرب

لو الموضع بتاع البيكات مجبش نتيجه كويسه
أعتقد حتحاج تغير طلمبة البنزين

وياريت تطمن الأول على شرارة الأربع بوجيهات
يكونوا زى بعض وفى نفس القوه
لأستبعاد أى عيوب من كابلات البوجيهات أو البوبينا

اول شيء مع احترامي لحضرتك الميكانيكي ده ابن حماااااااااااااااار

ايه اللي خلاه يفك الكاربراتير ده المفروض اخرو ببينضف باسبراي هي مش عربببببية 128 علي العموم لازم تروح لحد متخصصص في الكلام ده بس معلش انا محروق دمي من فتي الميكانيكي

علشان انا اخويا معايا نيييسان صني 99 مرة روحنا عند ميكانيكي ينضف الكربراتير فك العمة ورش اسبراي وشكرا علي كككده

ودور العربببيية ونضف الكربراتير ولما سالتو انت مافكتهوش ليه قاللي العربببية مش هاينفع خااااااااااالص افكو ده ككده يبقي انا ببوظ العرببيية مش بصلح

اقتباس:

---

المشاركة الأصلية كتبت بواسطة samirayad

غير بيكات الكربوراتير الأول وجرب

لو الموضع بتاع البيكات مجبش نتيجه كويسه
أعتقد حتحاج تغير طلمبة البنزين

وياريت تطمن الأول على شرارة الأربع بوجيهات
يكونوا زى بعض وفى نفس القوه
لأستبعاد أى عيوب من كابلات البوجيهات أو البوبينا

---

ربنا يكرمك و يبارك فيك يا باشمهندس .. جزاك الله خيرا على ردك و اهتمامك
الحقيقة انا مشيت في سكة البوجيهات و غيرتهم كذا مرة عشان اتأكد تماما لكن العيب ما ظبطش .. لدرجة اني كنت شغال بالبوجيهات الشمعه الواحده و جبت ابو تلات شمعات قلت يمكن يظبط لكن للاسف ما حصلش .
بالنسبة للبيكات .. انا اللي اعرفه من الراجل ده ان الكاربراتيرات دي ملهاش "طقم اصلاح" .. و بالتالي مش حلاقيلها بيكات اساسا .. و بالنسبة لطلمبة البنزين دي الحقيقة ما جاتش على بالي خالص .. بس انا خايف اني اغيرها و يطلع العيب مش منها .. طب ايه الحل ؟ و تنصحني اروح لمين يظبطلي العربية ؟

اقتباس:

---

المشاركة الأصلية كتبت بواسطة mrwho1982

اول شيء مع احترامي لحضرتك الميكانيكي ده ابن حماااااااااااااااار

ايه اللي خلاه يفك الكاربراتير ده المفروض اخرو ببينضف باسبراي هي مش عربببببية 128 علي العموم لازم تروح لحد متخصصص في الكلام ده بس معلش انا محروق دمي من فتي الميكانيكي

علشان انا اخويا معايا نيييسان صني 99 مرة روحنا عند ميكانيكي ينضف الكربراتير فك العمة ورش اسبراي وشكرا علي كككده

ودور العربببيية ونضف الكربراتير ولما سالتو انت مافكتهوش ليه قاللي العربببية مش هاينفع خااااااااااالص افكو ده ككده يبقي انا ببوظ العرببيية مش بصلح

---

استغفر ربك يا mrwho1982 .. لحسن تتحسب عليك غيبه .. انا مقدر احساسك بيه و بالحالة اللي وصلتلها .. ياللا الله يسامحه بقه على عمله .
اللي انته قلته و اتعمل في عربية اخوك ده عين العقل .. و ده اللي عرفته بعد كده بس بعد فوات الاوان :(

اقتباس:

---

الحقيقة انا مشيت في سكة البوجيهات و غيرتهم كذا مرة عشان اتأكد تماما لكن العيب ما ظبطش .. لدرجة اني كنت شغال بالبوجيهات الشمعه الواحده و جبت ابو تلات شمعات قلت يمكن يظبط لكن للاسف ما حصلش .

---

أنا لا أقصد أنك تطمن على البوجيهات نفسها
لا أنا عاوزك تطمن على قوة الشراره مره من عند الأسبراتير
ومره من عند البوجيهات ( علشان تطمن على البوبينا والكابلات )

اقتباس:

---

بالنسبة للبيكات .. انا اللي اعرفه من الراجل ده ان الكاربراتيرات دي ملهاش "طقم اصلاح" .. و بالتالي مش حلاقيلها بيكات اساسا

---

ممكن تلاقى بيكات تؤدى نفس الغرض بنفس المقاسات
أنا غيرت لكربوراتير أوبل بيكات بتاعة عربيه فيات

اقتباس:

---

و بالنسبة لطلمبة البنزين دي الحقيقة ما جاتش على بالي خالص .. بس انا خايف اني اغيرها و يطلع العيب مش منها .. طب ايه الحل ؟ و تنصحني اروح لمين يظبطلي العربية ؟

---

خللى موضوع الطلمبه بعد ماتطمن على النقطتين بتوع الشراره والبيكات

بارك الله فيك على ردك .. ان شاء الله امشي في الخطوات اللي حضرتك نصحت بيها و حبلغك باللي تم .

تحياتي لك و كل عام و انت بخير

أرجو لك التوفيق من عند الله
وكل عام وأنتم بخير

السلام عليكم ورحمة الله وبركاته

كيف حالكم أحلى منتدي

أنا اخوكم مهندس يوسف
أعمل بالخليج

أنا مستغرب لحاجة فظييييييييييييييعة

لما بنشوف التلفزيون والمسلسلات بتاعتنا بأحس إن مصر بقت غابة والناس كلها بتحشش وبتضرب سرنجات ولا بتشم كله على الأقل

لكن لما بنص للمصريين اللى حوالينا ولا اللى زي اللى في المنتدى الجميل ده
أحس إننا والله من أطيب وأأدب شعوب العالم وإن فعلا مصر بخير

بخير بأهلها مش بحاجة تاني


المهم بخصوص الموضوع بتاع الكربراتير

أنا عندي هنا ميتسوبيشي جالانت
وفيها نفس المشكلة وغير فلتر البنزين ورشيت كذا نوع من اسبراي التنظيف

لكن ما عملش حاجة ملحوظه

يمكن الاسبراي بيخلي الكربراتير نظيف لمدة اسبوع مثلا وبعد كده شكرا

ولما حبيت أغير ( كت ) داخلي له الميكانيكي نصحني وقاللى طالما فكيت الكربراتير يبقى انساه مش هيرجع تاني

الحل الأمثل في رأيي لسيارتك إنك تدور على كربراتير استيراد مستعمل وهتلاقي سعره على ما أظن رخيص مئة ولا مئتين جنيه وتريح بالك من الفلم ده كله
والاستيراد اليابامي بيقى زي الفل لآنهم مش بيمشوا بالسيارات كتير

ويا ريت لو اللى هيبيعهولك يركبهولك علشان تجربه وانت هناك


وأقولكم في النهاية رمضان كريم
والسلام عليكم جميعا

ملحوظه

أنا في منطقة بعيدة شوية فعلشان كده ما عنديش القدرة إني أجيب كربراتير مستعمل
لكن لما أقرب من مكان المستعمل والسيارة معايا هأشتريه

اقتباس:

---

المشاركة الأصلية كتبت بواسطة yousef1978

السلام عليكم ورحمة الله وبركاته

كيف حالكم أحلى منتدي

أنا اخوكم مهندس يوسف
أعمل بالخليج

أنا مستغرب لحاجة فظييييييييييييييعة

لما بنشوف التلفزيون والمسلسلات بتاعتنا بأحس إن مصر بقت غابة والناس كلها بتحشش وبتضرب سرنجات ولا بتشم كله على الأقل

لكن لما بنص للمصريين اللى حوالينا ولا اللى زي اللى في المنتدى الجميل ده
أحس إننا والله من أطيب وأأدب شعوب العالم وإن فعلا مصر بخير

بخير بأهلها مش بحاجة تاني


المهم بخصوص الموضوع بتاع الكربراتير

أنا عندي هنا ميتسوبيشي جالانت
وفيها نفس المشكلة وغير فلتر البنزين ورشيت كذا نوع من اسبراي التنظيف

لكن ما عملش حاجة ملحوظه

يمكن الاسبراي بيخلي الكربراتير نظيف لمدة اسبوع مثلا وبعد كده شكرا

ولما حبيت أغير ( كت ) داخلي له الميكانيكي نصحني وقاللى طالما فكيت الكربراتير يبقى انساه مش هيرجع تاني

الحل الأمثل في رأيي لسيارتك إنك تدور على كربراتير استيراد مستعمل وهتلاقي سعره على ما أظن رخيص مئة ولا مئتين جنيه وتريح بالك من الفلم ده كله
والاستيراد اليابامي بيقى زي الفل لآنهم مش بيمشوا بالسيارات كتير

ويا ريت لو اللى هيبيعهولك يركبهولك علشان تجربه وانت هناك


وأقولكم في النهاية رمضان كريم
والسلام عليكم جميعا

---

جزاك الله خيرا اخي الكريم على مداخلتك .. على اي حال في كل مكان الجيد و القبيح و نسأل الله ان يزيد من الجيد و يزيل القبيح .

بالنسبة للي حضرتك قلته .. انا سمعت الكلام ده من كذا واحد .. قالولي ان الكاربوراتير مش حيرجع تاني زي ما كان .. بس سؤالي هنا لحضرتك .. لما اروح اشتري كاربوراتير استيراد طب منا حشتريه مفكوك يعني هيه هيه .. مش كده و لا ايه ؟ يعني حيبقه ايه الفرق بين بتاعي و بين اللي حشتريه ؟ و اللي عندي باظ من ايه اذا كان كل اللي اتعمل فيه مجرد تنظيف فقط ؟

بالنسبة بقه للكاربوراتير بتاعك .. عليك و على "التشليح" حتلاقي فيه طلبك ان شاء الله :)

رمضان كريم اخي .. و كل عام و انتم بخير

:S_thum1[1]:

اقتباس:

---

على اي حال في كل مكان الجيد و القبيح و نسأل الله ان يزيد من الجيد و يزيل القبيح .

---

:ask:

أولا في ملحوظه مهمه احب اعرفها للناس المتابعين
ان الكربراتير ده بستم وليس أكس وباب
وطبعا ده مدام اتفك يبقي 70% مش بيرجع تاني
والحل الوحيد لصاحب الموضوع انه يروح مركز الصفا وده مركز متخصص كربراتير وفعلا أكثر من رائع
ومكانه في أخر جسر السويس جنب بنزينه وطنيه
وشوف الناس هناك هتقولك ايه واعرف التكلفه ايه
وعموما الكربراتير حاله ممتازه هيعملو حوالي 700 جنيه
بس عموما لو روحت المركز ده عرفهم انك عايز تفك الكربراتير تاني ويركبوه من الاول علشان العيب يختفي تماما لكن لو ظبطوه ممكن يرجع تاني
وربنا يعوض عليك
وانا عموما عامل موضوع للكريستاله مخصوص ولو محتاج اي حاجاه انا تحت الامر
وياريت متحاولش تعمل حاجه تاني علشان دي كلها فلوس علي الفاضي

اقتباس:

---

ان الكربراتير ده بستم وليس أكس وباب

---

بغض النظر عن كيفية التحكم فى فتح بوابة الكربوراتير
بس فيه بيكات للسرعه البطيئه والعاليه
وياريت لو عندك صوره وتوضيح شامل ليه
نكون شاكرين

اقتباس:

---

وانا عموما عامل موضوع للكريستاله مخصوص ولو محتاج اي حاجاه انا تحت الامر

---

ياريت برضه
تدمج لينك الموضوع ده
مع الموضوع الحالى من أجل الأطلاع على موضوعك
وشكرا ليك

اقتباس:

---

المشاركة الأصلية كتبت بواسطة hema_lancer

أولا في ملحوظه مهمه احب اعرفها للناس المتابعين
ان الكربراتير ده بستم وليس أكس وباب
وطبعا ده مدام اتفك يبقي 70% مش بيرجع تاني
والحل الوحيد لصاحب الموضوع انه يروح مركز الصفا وده مركز متخصص كربراتير وفعلا أكثر من رائع
ومكانه في أخر جسر السويس جنب بنزينه وطنيه
وشوف الناس هناك هتقولك ايه واعرف التكلفه ايه
وعموما الكربراتير حاله ممتازه هيعملو حوالي 700 جنيه
بس عموما لو روحت المركز ده عرفهم انك عايز تفك الكربراتير تاني ويركبوه من الاول علشان العيب يختفي تماما لكن لو ظبطوه ممكن يرجع تاني
وربنا يعوض عليك
وانا عموما عامل موضوع للكريستاله مخصوص ولو محتاج اي حاجاه انا تحت الامر
وياريت متحاولش تعمل حاجه تاني علشان دي كلها فلوس علي الفاضي

---

جزاك الله خيرا يا أخ هيما على مشاركتك .. ان شاء الله اروح لمركز الصفا ده و ربنا المستعان .

متابع معاكوا بإهتمام

وإن شاء الله المشكلة تحل سريعا

أنا متابع الموضوع

وأتمني أن تطمئننا علي هذه المشكلة

وربنا ييسرلك

السلام عليكم اخواني الكرام .. كل عام و انتم بخير
الموضوع بكل بساطة مش فى فك الكربراتير ولا غيرة الموضوع هو ان فى بستم صغير موجود اسفل مسمار الهواء اللى الميكانيكي بيظبط منه الهواء اللى داخل للكربراتير عشان يكون نسبة الهواء ونسبة البنزين مظبوطة لاتمام عملية الاحتراق يعني متكنش مخنوقة او تكون بتاكل بنزين وتلاقي الحريق ني مع وجود رماد اسود فى ديل الشكمان .
المشكلة هي ان البستم دا موجود اسفل مسمار الهواء هما اتنين مسمار لظبط الهواء الدخل للكربراتير (المسمار الاعلى). اما المسمار السفلى خاص بكمية البنزين هو صمولة 19مم وفى الوسط مسمار صغير يتم ضبط البستم منه (المسمار السفلى)
نيجي بقي لسبب المشكلة اللى هى يا اما تنتيش او خنقة او استهلاك بنزين عن المعدل الطبيعي المشكلة هى ان البستم دا فيه عدد 2 اورينج ( اويل سيل ) طبعا مع الوقت الحرارة الاورينجات بتتأكل وتعمل عملية تفويت ومن هنا يستحيل ظبط الكربراتير نهائيا
الاورينجات دى موجودة عند شركة اسمها اويل سيل مصر فى منطقة معروف بالقاهرة ما عليك لا ان المكيانيكي يفك البستم وتاخدة معاك عند شركة اويل سيل مصر وهما هيجيبو لك نفس المقاس فى ثوانى وتركيب الاورينجات وشوف بعدها العربية هتكون ازاى .
على فكرة ثمن الاورينج 20 قرش للواحد.
ملحوظة : هذا الكلام عن تجربة شخصية
والسلام عليكم ورحمة الله وبركاته
اخوكم / محمد

اقتباس:

---

المشاركة الأصلية كتبت بواسطة yousef1978

والاستيراد اليابامي بيقى زي الفل لآنهم مش بيمشوا بالسيارات كتير

ويا ريت لو اللى هيبيعهولك يركبهولك علشان تجربه وانت هناك


وأقولكم في النهاية رمضان كريم
والسلام عليكم جميعا

---

طيب ليه يشترى كاربراتير استيراد مايشترى كربراتير جديد و يريح دماغه
لأن الاستيراد زى البطيخه المقفوله ممكن تتطلع كويسه و ممكن لا
فالحجات الحساسه زى الكربراتير يفضل تشتريها جديد

عربيتي مثلا قبل ما اشتريها كانت بتاعت عمى و حصلها لخبطه فى الكربراتير و اترالها واحد جديد و بقيت ماشيه زى الفل معاه و معايا انا بعد ما اشترتها الى يومنا هذا
بس لو حتشترى كربراتير جديد احتمال تغير البيكات بتاعته ببيكات من مقاس عربيتك علشان ما تنتش منك فى اول كل غيار (ده اللى حصل معايا على الاقل مع الكربراتير الجديد)

الكربراتير الجديد غالى للاسف يعمله فى حدود 450 جنيه ...بس على الاقل حتبقى بتحط فلوسك و انتا مطمن
احسن ما تجيب استيراد و تصرف قد تمنه 4 او 5 مرات

اقتباس:

---

فيه بعض الناس قالولي ان الكاربوراتير بدام اتفك يبقه مش حيرجع تاني لاصله و اني افضل كده احسن او اني اغير الكاربوراتير !!

---

++11

الموضوع من 4/9/2009

يارجاله

زمان صاحب العربيه

أشترى عربيه تانيه

بغض النظر يا جماعة ان صاحب العربية انشاء اللة يكون صلحها.بس انا لازم احكى عن تجربتى المشكلة تنتيشة و تقطيع على الغيار الاول و التانى.وديتها الاثنين و صرفت كتير قوى و مافيش فايدةزانا بكتب الكلام دة عشان لو حد قابلة مشكلة فكربراتير لانسر و هو حساس جداميغلبش نفسة.الحل عند مركز الصفا لتحليل و معالجة العوادم وصيانة الكربراتير والانجكشن شارع جسر السويس ورا بنزينة كالتكس.بجد مالهوش حل اساتذة مهندسين و فنيين وعنوانة على اللينك دة https://www.facebook.com/elsaafa وربنا الموفق.

طب انا لوعايز اجيب كاربيراتىر جديد منين