الموضوع: وصلة الدائري الجديدة...صور و تقييم بسيط!

المشاركة الأصلية كتبت بواسطة egawady

المشكلة الرئيسية فى الطريق الدائرى هى مشكلة قلة اللافتات واللوحات الإرشادية .... سعات والواحد ماشى على الدائرى مثلا يلاقى يافطة بتقول مخرج 3 أو مخرج 9 ..... مش عارف مين العبقرى اللى كتب اليفط دى .... يعنى اية مخرج 9 مثلاً ... يعنى بيودى على فين ؟؟ ..... بيودى على منطقة مجهولة الاسم والهوية ؟؟

منطقة لقيطة ؟؟؟

طب ما يكتب المنطقة الفلانية أو الحى الفلانى ....

انا كنت جاى من اسكندرية وعاوز اروح المقطم عن طريق الدائرى ... بعد ما عديت البوابات مارضيتش اطلع مطلع المحور .. عديته وبعده بحوالى 2 كيلو لقيت الطريق اتقسم 2 .... يمين الدائرى .. وشمال تكمل فى الصحراوى ... روحت داخل يمين على الدائرى ... بعد كده لقيت بلاد تشيلنى وبلاد تحطنى ومفيش أى يافطة ولا أى لوحة .... حتى مفيش بنى آدمين الواحد يسألهم ... وبعد مدة لقيت يافطة بتقول المحور وميدان لبنان يمين .... روحت نازل على المحور .... رغم انى مارضيتش اطلعه من الأول ....

وحسبى الله ونعم الوكيل

مخرج 8

المرة الجاية انزل نزلة كارفور المعادي . ولف الناحية التانية وبعدها هاتلاقي بنزينة وطنية لف يمين معاها وكدة انت بقيت في المقطم

وبعدين هي دي احلي حاحة في الدائري ان الواحد يمشي تاية مش عارف جاي منين ورايح فين
حسبي الله ونعم الوكيل