مساعده هامه جدااا لو تسمحوا

**mimo3000** · 04-09-2009 11:33 PM

السلام عليكم ورحمه الله وبركاته

كل عام وانتم بخير وربنا يعود رمضان علينا وعليكم بكل خير وربنا يتقبل اعمالنا كلها

معلش انا كان ليا استفسار صغير هو مشكله بصراحه مش استفسار بس

انا ركبت 4 سمعات على جى ام وصوتهم كويس الحمد لله بس لما بوطى الصوت بسمع صوت زنه من السمعات
سألت قالولى ده من الجى ام من الكهربا اللى مديها للسمعات ولما بطفى الكاسيت بسمع صوت الزنه دى لما اطفى الجى ام تختفى الصفاره دى

انا مضيقانى جدا الزنه دى وبتظهر جامد اوى لما اشغل بصوت واطى

ياترى ليها حل ولا ايه ؟؟ وهى ناتجه من ايه بالظبط؟؟

وشكرا مقدما على كل من فكر يساعدنى

وكل سنه وانتم طيبيين وبخير

**merty** · 05-09-2009 09:23 PM

المشاركة الأصلية كتبت بواسطة mimo3000

ولما بطفى الكاسيت بسمع صوت الزنه دى لما اطفى الجى ام تختفى الصفاره دى

وانت طيب يا momo . المفروض انك لما تطفى الكاسيت الجى ام بيطفى معاه . اتأكد من الوصلات تانى وشوف وصلة الكهرباء اللي جايه من الكاسيت للجى ام ( وصلة الريموت )

**mimo3000** · 05-09-2009 11:27 PM

لاء مهو انا هقول لحضرتك حاجه اصل انا الكاسيت بتاع العربيه على قد حاله شويه فاللى ركبلى الجى ام والسمعات جابلى وصله كهربا من البطاريه على طول للجى ام وعمله بمفتاح بحيث الجى ام ياخد الباور بتاعه من البطاريه على طول عشان ميفصلش وكده

فكده الجى ام على خط كهربا لوحده جايله من البطاريه على طول وبمفتاح افتح واقفل منه الجى ام

**EGYANGEL** · 06-09-2009 01:52 AM

المشاركة الأصلية كتبت بواسطة mimo3000

لاء مهو انا هقول لحضرتك حاجه اصل انا الكاسيت بتاع العربيه على قد حاله شويه فاللى ركبلى الجى ام والسمعات جابلى وصله كهربا من البطاريه على طول للجى ام وعمله بمفتاح بحيث الجى ام ياخد الباور بتاعه من البطاريه على طول عشان ميفصلش وكده

فكده الجى ام على خط كهربا لوحده جايله من البطاريه على طول وبمفتاح افتح واقفل منه الجى ام

هيا دي التوصيلة الصح لأي امبلفاير

ووممكن يعمله مع الكونتاكت من غير مفتاحه
مشكلة الزنة استنى رد الخبراء

**akmal_hamdi** · 06-09-2009 02:18 AM

الزنه دى علشان مشكلتين اول حاجه اسلاك البوجيهات ليست مانعه للذبذبات و الجى ام ماركه ليست عاليه الجوده و يمكن التخلص منها بتركيب فلاتر على فرده الكهرباء ال داخله على الجى ام بس عيبها انه بتقلل من الكهرباء ال دخله على الجى ام و تغير اسلاك البوجيهات من اى محل قطع غيار انا بجبلك من الاخر علشان متتعبش نفسك كتير و حتدعيلى انشاء الله

**mimo3000** · 06-09-2009 02:57 AM

حضرتك قصدك بوجيهات العربيه بتاعت الموتور ولا فى حاجه تانيه فطقم الصوت اسمها بوجيهات (معلش اصلى مليش اوى فحكايه الصوت والحجات دى)

هو الجى ام بتاعى نوعه سيمفونى اللى هو المصرى ده

ياريت حضرتك تقولى اعمل ايه بالظبط عشان نخلص من الزنه دى عشان انا زهقان منها جدا خصوصا انها بتبقى واضحه اوى والصوت هادى

والف شكر لحضرتك ولكل الاعضاء اللى ردوا عليا

كل سنه وحضراتكم طيبيين

**merty** · 06-09-2009 12:28 PM

المشاركة الأصلية كتبت بواسطة mimo3000

لاء مهو انا هقول لحضرتك حاجه اصل انا الكاسيت بتاع العربيه على قد حاله شويه فاللى ركبلى الجى ام والسمعات جابلى وصله كهربا من البطاريه على طول للجى ام وعمله بمفتاح بحيث الجى ام ياخد الباور بتاعه من البطاريه على طول عشان ميفصلش وكده

فكده الجى ام على خط كهربا لوحده جايله من البطاريه على طول وبمفتاح افتح واقفل منه الجى ام

أنا مش بتكلم على الكهرباء العموميه بتاعة الجى ام انا بتكلم على الوصلة التانيه اللى جايه من الكاسيت اللى بتخلى الجى ام يشتغل أو يطفى مع الكاسيت

**ابوهاشم** · 07-09-2009 12:30 AM

الافضل ترجع لكهربائى تركيب كاسيت السياره
هو اللى هيظبطلك الحكايه دى
انا كان عندى مشكله زى دى على الكاسيت والاكولايزر
وحاولت بنفسى احلها ماعرفتش
وبعد زياره للكهربائى خلصت المشكله فى خمس دقائق

**akmal_hamdi** · 07-09-2009 01:45 AM

انا قصدى سلك البوجيهات بتاع الموتور

**YaSSerwIN** · 07-09-2009 02:23 PM

انت شكل الكاسيت عندك مافيهوش بور ريموت للجى ام وعلشان كدة الكهربائى عملك التوصيلة دة
بص بقا ياباشا الى هاتشيك عليه

1- سلك البوجيهات الى هو راكب على بوجيهات الماتور ويمكنك تغييره إلى سلك بيبقا كربون على ما أظن

2- التشيك على واصلات الكهرباء بتاعت الجى ام شوف وصلة الأرضى متكربة فى مكان كويس ولا لاء

الموضوع: مساعده هامه جدااا لو تسمحوا

LinkBack

أدوات الموضوع

عرض

-

-

-

-

-

-

-

المواضيع المتشابهه

مساعده هامه بخصوص كليو موديل 2000

عاجل مساعده هامه من خبراء التعديل فى المنتدى

مساعده هامه

مساعده هامه

مساعده هامه لو سمحتم الكل يخش ؟

الكلمات الدلالية لهذا الموضوع

المفضلات

المفضلات

ضوابط المشاركة