الموضوع: عاوز مساعدة ضرورى من جهابذة المنتدى

طب و إيه لازمة التريقة يا سيدى أنا معلوماتى فى السيارات زى معلومات سيادتك فى مكوك الفضا.
و رغم إنى مش مطالب أجاوب سعادتك أن عربيتى من الفئة السابعة موديل 2007 و كانت تخليص حق يعنى أنا مش أول مالك ليها.
و بصراحة العربية ممتازة بس كبيرة جدا على شوارع مصر و بصراحة السواق بتاعى يعرف فيها أكثر منى.
و أنا عاوز عربية أسوقها بنفسى و تكون بالمواصفات اللى أنا ذكرتها و لو كنت بافهم فى العربيات ما كنتش سألت.
و آسف إذا كان السؤال غلط.

_________________
سرقة مصر حلال حلال حلال و لا غبار عليها
مع تحيات حرامى الحلة :))

ربنا يباركلك في عربيتك وفي السواق وكمان الموبايل إلي بتدخل بية على النت!

بس حضرتك حتفرق معاك لما تجيب عربية تجربها شهر ولا إتنين وبعدين تبيعها لو ما عجبتكش؟؟؟؟؟؟ ده إنت صاحب ملاييين! يعني ممكن تجيب كام أوبل فكترا على اوكتافيا على باسات تجرب فيهم وبعدين تبيع إللي مش على هواك وأهي خسارة كام ألف مش مشكلة ومحدش بيتعلم ببلاش.............

إنما قولي حضرتك بتلاقي وقت وسط الملايين دي تتصفح النت وتدخل منتديات تسال وترد على عربيات وانواعها........ وهل السبب في سؤالك المشورة ولا الحرص على المال لكي تضعة في سيارة تستاهل؟

طبعا لانك راكب BMW 7 series فمش معقول تنزل نزلة كببيرة وارشحلك BMW 320i او AUDI A4 او PASSAT بس ال 2000 سي سي وموتور FSI او OCTAVIA HIGH LINE
يعني عربيات على قد ما قسم........

سؤال اخير........ معلش طولت عليك...... إنت كاتب في توقيعك "سرقة مصر حلال حلال حلال و لا غبار عليها " إنت تقصد إية؟ وهل دة رأيك؟؟؟؟؟ يعني إنت بتحب الحرمية وااكلي حقوق البشر وشايف إن سرقة الناس حلال؟ ولا إية؟

أه ومين بقى حرامي الحلة؟؟؟؟؟؟؟؟