السلام عليكم
احنا لما نعمل غيار عكسى يعنى ماشيين على الرابع وبعدين بنهدى انا بادوس دبرياج وفرامل اتقالى ان ده غلط والمفروض اهدى بالفرامل بس لما باعمل كده العربية بترجرج او حاجة زى الزغطة موش عارفة الامور موش مظبوطة كده الغلط فين بالظبط
عرض للطباعة
السلام عليكم
احنا لما نعمل غيار عكسى يعنى ماشيين على الرابع وبعدين بنهدى انا بادوس دبرياج وفرامل اتقالى ان ده غلط والمفروض اهدى بالفرامل بس لما باعمل كده العربية بترجرج او حاجة زى الزغطة موش عارفة الامور موش مظبوطة كده الغلط فين بالظبط
الموضوع دة بيلخبط ناس كتير مش حضرتك بس خاصا الناس الى لسة بتتعلم السواقة .
لازم حضرتك تكون عارف فايدة الدبرياج ايه (لو عرفت فايدته هتفهم ليه بيحصل النطة دة).
الدبرياج بيفصل الحركة عن التروس (دة كل مهمته فى الدنيا) دة طبعا عند الضغط عليه والعكس عند تركه.
طب انا بستفيد بكدة فى ايه؟
لما بفصل الحركة عن التروس بقدر بكل سهولة اتنقل من غيار لاخر .
نرجع بقى للكلام الى حضرتك قولته :
احنا لما نعمل غيار عكسى يعنى ماشيين على الرابع وبعدين بنهدى انا بادوس دبرياج وفرامل اتقالى ان ده غلط والمفروض اهدى بالفرامل بس
فى حالة انك بتجيب غيار اقل من الغيار الى انت ماشى عليه بتدوس دبرياج وبعد كدة بتنقل على الغيار الاقل وهنا يكون فايدة الدبرياج انتهت فيلزم تركه براحة . الفرامل مالهاش دعوة خالص بالدبرياج لكن لما حد بيتعلم جديد بيتقالوا لازم لما تيجى تدوس فرامل تدوس دبرياج كمان (مع عدم طرح السبب الحقيقى) .بس انا هقول لحضرتك ليه بيتقال كدة لاى واحد جديد، عشان لما تيجى تفرمل والعربية تقف متبطلش بسبب انك مش ضاغط على الدبرياج. فيريحك ويقولك اضغط الاتنين سوى.
اما الجزء التانى من كلامك فحضرتك مشرحتوش كويس بس انا هخمن هو حصل ازاى :
لما باعمل كده العربية بترجرج او حاجة زى الزغطة موش عارفة الامور موش مظبوطة كده الغلط فين بالظبط
دة ممكن يحصب لسببين :
1 - ان حضرتك بعد مجبت الغيار العكسى سيبت رجلك بسرعة من على الدبرياج فالعربية نطط منك.
2 - ان حضرتك كنت على الرابع وهديت(من غير متدوس دبرياج) لغاية لما سرعة العربية قلت اوى وقربت تفصل ساعتها العربية هتقعد تكركر منك.
طب ايه حلول الموضوع دة :
1 - انك لما تحب تفرمل تدوس دبرياج وتجيب الموور وتتركه فورا (لان لا معنى للدبرياج مع وجود الفتيس على اموور) مع الضغط طبعا على الفرامل لايقاف العربية.
2 - انك بتحاول تهدى لكن مش هتقف، دة ليها طريقتين اول طريقة انك تجيب المور (بعد متجيب المور تترك الدبرياج فورا) لغاية لما تيجى تتحرك تانى بس ساعتها تشوف انت سرعتك ايه وقرر هتجيب انى غيار، اما تانى طريقة انك تهدى بدون الضغط على الدبرياج وترك الفتيس فى موضعه ولما ترجع تدوس بنزين تانى شوف سرعتك متماشية مع نفس الغيار ام محتاجة غيار اقل وساعتها هتدوس دبرياج وتنقل.
الموضوع دة كله ليه فايدة واحدة بس هو توفير الضغط على الدبرياج وبالتالى توفير جميع اجزاء الدبرياج (اسطوانة وديسك وزيت وتروس).
اتمنى ان اكون افدتك.
فعلا ده غلط وأنت ماشيه على سرعه عاليهاقتباس:
انا بادوس دبرياج وفرامل اتقالى ان ده غلط
لأن دوسك للدبرياش
يعنى بتحرمى العربيه من عزم المكنه
لأن مع الدوس على الدبرياش العربيه بتبقى ماشيه لوحدها بدون أى حمل واصلها وساحبها من المكنه
بسبب قوة القصور الذاتى فقط من الدوسه على البنزين اللى قبل كده
ولما تدوسى على الدبرياش .....بتبقى ماشيه مع نفسها كأنك زقاها كعلبه فاضيه ....ومع الفرامل على الوضع ده بتحصل الزغطه المطروحه فى تساؤلكهو ده الصح مع السرعات العاليه ....بحيث الفرامل تتحكم فى أيقاف العربيه بسلاسه ....ومتعملش حركة الزغطه دىاقتباس:
والمفروض اهدى بالفرامل
عملية تضاد فى القوه
الفرامل كقوه أيقاف ....بتتغلب على قوة كبيره لما ماتكونيش دايسه دبرياش ....وبالتالى متحصلش النتشه ( أو الزغطه اللى بتحصل معاكى )
أما لو دوستى فرامل مع دبرياش على سرعه عاليه ....الفرامل بتروح شده العربيه الغلبانه ....اللى المتور مفصول عنها
لأنك دايسه دبرياش
عاوز أعلق برضه ببساطه كده على نفس الحاله
أحنا فاكرين وأحنا صغيرين ....لما بيكونوا أثنين بيشدوا حبل من طرفيه قبال بعض
أيه اللى بيحصل لو ساعة الأثنين مابيشدوا الحبل قبال بعض
واحد راح سايب الحبل من الطرف اللى عنده مره واحده
التانى اللى ماسبش الحبل حياخد الحبل ويقع ( هى دى حركة الزغطه ) اللى بتحصل معاكى
اللى معاه الحبل ده ....نقدر نشبهه بالفرامل
واللى ساب الحبل ده ....نقدر نشبهه بالمكنه
والحبل ده .......نقدر نشبهه بالعربيه وحمل المكنه اللى راح منها لحظة فصل الدبرياش
أعتقد ده تشبيه بسيط للغايه يؤدى للغرض المطلوب
بداية انا باشكركم جدا على الردودد المفيدة دى
وبصراحة انا فعلا فهمت منها شوية ميكانيكا كويسين هههه بس اللى موش فاهماه العربية بتعمل النطرة دى لما ادوس فرامل وتمشى بسلاسة لما ادوس دبرياج وفرامل سوا هو ده اللى محيرنى يعنى بيحصلى العكس
طيب لما بدوسى فرامل الدواسه بتبقى تقيله
وهل سمعتى صوت تنفيس هواء من سيرفو الفرامل
طيب حضرتك خللى أى ميكانيكى يطمن
على أن السيرفو سليم
السلام عليكم يا شباب
دي اول مشاركة ليا في المنتدي
واللي بيحصل ده في كتير من العربيات لما بتيجي تدوس علي الفرامل وبعدين تيجي تدوس علي البنزين(لما تدوس دوسة جامدة شويه) العربية بتنط وده في الغالب بيبقي علي الغيارات الاولي زي الاول او التاني والنطة دي بتبدا تخف كل ما الغيار يعلي . والموضوع ده عادي . لكن في اغلب العربيات الجديدة مش هتلاحظ الموضوع ده .:shyy: