هوه مفيش مركز خدمة لتويوتا فى الصعيد ..معقولة؟؟

**abohalmos** · 09-09-2009 02:18 PM

المشاركة الأصلية كتبت بواسطة ابوشريف

شكرا على كلماتك الرقيقه أخى د جلال

لى صديق بيسافر قنا كتير وبيشكر جدا فى نظافة المدينه

و بيقول ان سكان قنا من أحسن الناس هو لمس ده فى تعامله معاهم

بالنسبه لاسئلتك

بص ياسيدى مفيش حاجه اسمها عربيه صاجها تقيل غير عربيات زمان فقط

انما حاليا كل العربيات الجديده مثل بعضها و ده طبعا بيساهم فى توفير اقبر قدر من الوقود

واى عربيه زيرو حاليا اكصداماتها فايبر مفيش حديد زى زمان

انا بخاف على عربيتى من الخبطات لما بكون فى القاهره اكثر نظرا لازدحامها عن بلدى وربنا يحفظنا من كل سوء

ولله الحمد عندى جراج خاص وده افضل شئ يريح بالك

انا سألت على الزجاج فى التوكيل تكلفته 2800 جنيه

وفى الحرفيين يكلفك اقل من 1000 جنيه بس يطلعك بره الضمان

انا الاهم عندى السنتر والانذار حاليا

والزجاج ممكن نصبر عليه حتى انتهاء الضمان

لان مع وجودتكييف جميل مثل تكييف الياريس مش بفتح الزجاج الا نادرا

ربنا يوفقك لما فيه الخير ...وتقبل تحياتى

متشكر لذوق حضرتك جدا

و على فكرة اكتر ناس كان ليا فيها اصدقاء فى فترة الجامعة هيا المنيا

لانى كونت بحس انهم قريبيين مننا اوى ...... هيييه بس الايام فرقتنا دلوقتى و كل واحد بقى فى بلده

و معدناش بنشوف بعض الا فيما ندر

ربنا يحافظ عليك و على عربيتك و يسعدك بيها ان شاء الله

طب انا دلوقتى بتلعب فى دماغى مع الياريس مانوال ......لانسر 1300 مانوال ...لانها منتشرة هنا اوى عندنا

و بعدين حوضها اوسع من الياريس و الاكصدام بتاعها كذا حتة مش حتة واحدة زى الياريس الجديدة لازم يتغير كله ...... و بعدين حد هنا من ملاك ياريس قال انها عبارة عن مجموعة كماليات من تويوتا فى علبة بلاستيك .....الغريبة انه الكلام ده من حد من ملاك السيارة و تقريبا لسه جايبها جديد ..... و لا نسر الصراحة مفيش شكوى خالص من موضوع الصاج ده... غير كده العيب الوحيد فى 1300 لو اتوماتيك هوا السحب و انا بطبعى بحب المانوال

انت رأيك ايه يا صديقى العزيز ..... ماذا تفعل لو كنت مكانى ؟؟؟؟

اسف على الاطالة بس انا بجد محتارررررررر اووووووووووووووى

**ابوشريف** · 10-09-2009 04:04 AM

الظاهر ان تفكيرنا واحد

لانى كنت بفكر فى اللانسر برضه على اساس انتشارها وسعر اعادة بيعها فقط

وكنت برضه بفكر فى الصنى على اساس ان موتورها كتينه حديد

لكن لما عرفت ان موتور الياريس كتينه حديد وموفر اكثر فى استهلاك البنزين

وكمان مساحة الصالون اكبر من الصنى خصوصا فى الخلف

فضلت الياريس بناء على انها تقفيل يابانى ويكفى انها تويوتا

واحنا شايفين عربيات تويوتا موديل 84 مثلا وشغاله بتكييفها زى الفل حتى الان

فضلت الياريس عن اللانسر للاسباب الاتيه :

1- لانها كتينه حديد واللانسر كتينه جلد لازم تفتكر تغيرها كل 40 الف كيلو

2- جنط 15 مقارنة بجنط 14 بينزل فى اللانسر ال 1300

3- باور كهربائى بعكس اللانسر باور هيدروليك وله مضخه تأخذ حملا من عزم الموتور

غير انها تحتاج لصيانه ومتابعة مستوى الزيت .....

3-سحب الياريس حتى مع تشغيل التكييف افضل من اللانسر

4- تكييف الياريس تبريده افضل

5- ارتفاع الياريس عن الارض اكبر

6- توكيل تويوتا محترم جدا عن تجربة وشهادة الكثيرين

دى بعض الميزات التى جعلتنى افضل الياريس عن اللا نسر

**abohalmos** · 10-09-2009 02:57 PM

المشاركة الأصلية كتبت بواسطة ابوشريف

الظاهر ان تفكيرنا واحد

لانى كنت بفكر فى اللانسر برضه على اساس انتشارها وسعر اعادة بيعها فقط

وكنت برضه بفكر فى الصنى على اساس ان موتورها كتينه حديد

لكن لما عرفت ان موتور الياريس كتينه حديد وموفر اكثر فى استهلاك البنزين

وكمان مساحة الصالون اكبر من الصنى خصوصا فى الخلف

فضلت الياريس بناء على انها تقفيل يابانى ويكفى انها تويوتا

واحنا شايفين عربيات تويوتا موديل 84 مثلا وشغاله بتكييفها زى الفل حتى الان

فضلت الياريس عن اللانسر للاسباب الاتيه :

1- لانها كتينه حديد واللانسر كتينه جلد لازم تفتكر تغيرها كل 40 الف كيلو

2- جنط 15 مقارنة بجنط 14 بينزل فى اللانسر ال 1300

3- باور كهربائى بعكس اللانسر باور هيدروليك وله مضخه تأخذ حملا من عزم الموتور

غير انها تحتاج لصيانه ومتابعة مستوى الزيت .....

3-سحب الياريس حتى مع تشغيل التكييف افضل من اللانسر

4- تكييف الياريس تبريده افضل

5- ارتفاع الياريس عن الارض اكبر

6- توكيل تويوتا محترم جدا عن تجربة وشهادة الكثيرين

دى بعض الميزات التى جعلتنى افضل الياريس عن اللا نسر

و الله يا ابو شريف انت كلامك مظبوط و مقنع جدا
و برضه ان حضرتك تختار ياريس عن لانسر .......للاسباب دى
برضه خلانى دماغى لفت شوية ... بس انا برضه فى نقطة كويسة بالنسبة للصعيد انه احد الزملاء هنا قال انه فيه مركز خدمة تويوتا معتمد اسمه ابو حتة فى الغردقة ....و انت عارف انها قريبة من قنا ........فدى حاجة برضه تخلى الياريس كفتها ارجح .... عشان انت عارف قرب التوكيل ده مهم جدا جدا

اشكر لحضرتك اهتمامك جدا و دى مش جديدة على الصعايدة

متشكر ليك مرة تانية
و لو حضرتك تعرف شركة تأمين كويسة يبقى كتر خيرك برضه

**ابوشريف** · 10-09-2009 06:37 PM

الشكر لله أخى الحبيب

بالنسبه لموضوع التأمين

فأحسن شئ تأمن عند الله

(فالله خير حافظا وهو أرحم الراحمين )

**abohalmos** · 11-09-2009 11:42 PM

المشاركة الأصلية كتبت بواسطة ابوشريف

الشكر لله أخى الحبيب

بالنسبه لموضوع التأمين

فأحسن شئ تأمن عند الله

(فالله خير حافظا وهو أرحم الراحمين )

و الله يا ابو شريف انت كل يوم بتحسسنى قد ايه انت انسان محترم بجد و عقلية ممتازة

و نعم الاخ و الصديق

انا عارف يا باشا انه ربنا هو خير حافظ طبعا

بس انت عارف انه اى عربية قسط لازم تكون مؤمن عليها

انا لو عليا مش عاوز أمن خالص ...... فانا بسأل عن شركة تكون بتعمل تأمين اسلامى تكافلى عشان الموضوع ده
انما لو كان مش شرط فى الجهة اللى هاقسط منها يبقى اكيد مش هأمن طبعا

بالمرة سؤال يا باشا : واحد صاحبى النهاردة قاللى انه الياريس الاكصدام لو هايتغير .....بيتغير مع الرفارف ....مش لوحده لانهم شابكين فى بعض ...... و لو انى مش مقتنع بس برضه قولت اسألك

و متشكر لحضرتك

**menabigboss** · 14-09-2009 11:09 PM

المشاركة الأصلية كتبت بواسطة ابوشريف

لى صديق بيسافر قنا كتير وبيشكر جدا فى نظافة المدينه

و بيقول ان سكان قنا من أحسن الناس هو لمس ده فى تعامله معاهم

متشكرين يا باشا.........اصل انا قناوي اساسا وشغال في الغردقة...
توكيل ابو حتة دة اللي في الغردقة دة توكيل بيع فقـــــــــــــط ولا توجد صيانة بة ، ولاتوجد اي مراكز صيانة لتويوتا الا في القاهرة وشرم الشيخ ويمكن اسكندرية فقط لاغير ،وهذا من عدم حكمة الوكيل ،بالرغم من ان هناك عدد مهول من السيارات التويوتا في الصعيد ...لان الناس بتحبها جدا عندنا.....هي واللانسر
وتحت امرك يا باشا