سبقات فى المقطم

**alaraby0** · 05-09-2009 02:54 PM

السلام عليكم يا شباب مصر ويا شباب مصر بالخارج وبعد ازن المشرفين نعمل سبقات هنا فى مصر فى المقطم مثلا سبقات ريس ونجمع بليل ونتعرف على بعض والدنيا تبقا حلو معنا ونسميها شباب نايل متورز ارجو الرد وانا جاد اسمى محمد العربى 19 سنه واحب اتعرف عليكم ياشباب نايل متورز زاى ما فى فطار فى رمضان كدة الى اتعمل فى الرحاب يبا فى شاب نايل متورز وكل واحد يورينا مهراتو

**alaraby0** · 05-09-2009 02:56 PM

دة موضوع جامد عاوز ردود حلوة علشان نشوف هنعمل ايه

**KHALED2010** · 17-09-2009 11:21 PM

وكل يوم ترجعوا شايلين واحد على المستشفى والموتوسكل يكهن مهوا كلوا هيعرضها قدام البنات ال على المقطم وانتا عارف وانا عارف برضوا نصيحه بلاش موضوع فاشل جدا

**ecybrarian** · 17-09-2009 11:40 PM

طب ما تخاطبوا بتوع اوتو كروس يعملوا سباق للدراجات النارية وعرض للمهارات ضمن مسابقات اتوكروس ..على الأقل الساحات بتبقى متأمنة ومعمول حساب كل حاجة..وإن شاء الله مش هايحصل حاجة وحشة...بس بلاش المقطم تحديدا

**Evo** · 17-09-2009 11:58 PM

ممكن تدخل عربيات معاكو ؟

عربيات مع عربيات
عربيات مع ريس (بس مش أي عربيات طبعاً )

**KHALED2010** · 18-09-2009 12:12 PM

ياجدعان انسوا المقطم والنبى هتتبهدلوا هناك

**A.Saad** · 18-09-2009 12:37 PM

وفى الاخر
نلاقى خبر فى الجرنان
مطلوب القبض على شباب بينظم سباقات فى المقطم

**Diablo** · 19-09-2009 02:01 PM

والله انا من راى نتقابل وبلاش سباقات يعنى التجمع حلو وعشان نايل موتورز يعترف بقسم الموتوسيكلات ونبقى نايل موتورز ريدرز

**KHALED2010** · 21-09-2009 10:02 AM

انا لسا معايا صينى مجبتش الريس فمش هقدر اقابلكم الا لما اجيبه علشان المستوى يكون واحد بس طبعا مش هيكون واحد انا على قدى هجيب 250 عادى او فاير انما فى ناس معاها 900 سى سى والف سى سى فا مش هقدر اجى علشان مكسفش نفسي