اول مرة اركب بى ام 320 مو 2008 و عايز نصيحة ضرورى

**Mr_MoMo** · 23-09-2009 08:00 AM

المشاركة الأصلية كتبت بواسطة ghabbour

بعد صباح او مساء الخير
اشتريت bmw 320 مو 2008 عاملة 6000 كيلو
و انا اول مرة اركب عربية بصراحة مع احترامى للسيارات الكيا و الالتويوتا و جين تو
طبعا مش بقارن دول فرد كاوتش الbm
المهم علشان مطاولش عاليكو
انا عايز اعرف اه مميزات العربية دى و اي حاجة فيها ياااريت تساعدونى
بجد انا ابيض يا ورد فى السيارة دى
و فى مشكلة انا فى حياتى على العموم مهمل جدااا
فى سيارتى طبعا هتقولولى لالالاحرام دى متتبهدلش بس بعد فترة انا مهمل شوية لالالا جدااااااااااااا جدااااااااااا
فاعمل اية
مع العلم انا كنت حاجز سيراتو الجديدة هاى لاين
اسيبنى من البى اميا و خالينى فى الكيا
مش عارف
مع العلم البى ام بتاعت شريك ابويا فهى معايا لمدة يومين على سبيل التجربة
و سعرها هيبقى تقريبا حوالى 235000 جندى ( جنية )
ارجوكم دلونى
شكراااااااااااااااااااااا ااااااا

بص يا باشا اهدا كدا و ركز معايا , بي ام 320 , حتركب عربيه جامدة موتور و صالون و عافشه , حتى الكاست مش بتحتاجلو سي دي هات , بتنزل السيدهايا مرة واحدة بس عليه و شكرا , عندك مساحه 80 جيجا تقريبا اغاني مش فاكر بالظبط , استبيلتي زي الفل لحد 240 ( بس على ال 240 متحولش تزنق نفسك لان الفرامل عمرها ما حتسعفك على السرعه دي ) , اي دريف شايف كل حاجه في العربيه , و ممكن يطلعلك تقرير شامل عن العربيه في اي وقت انت عايزو ’ لدرجه انك ممكن تعرف فاضلك كام كيلو كدا على التيل علشان يتغير, اعدة العربيه مريحه جدا , الصالون جامد اخر حاجه ,.......... دي العربيه .. و انت ركبت و عارف

نيجي بقا للصيانه , طبعا الصيانه غاليه شويه , شويتين , لا تالت شويات
فاهم , يعني لازم تحافظ على العربيه جدا , و خلي بالك متكولش مطبات كتير و نقر على سرعات لانها ممكن تجيب منك بطحات ....
طبعا عربيه زي دي مينفعش تمشي بيها وسخه , لازم تبقا نضيفه 24 ساعه . جوا و برة , ممكن تجبلك كومبريسور ميه تحطو معاك في الشنطه , كل ما تطرب تطلعو و تديها غسله سريعه كدا ,....
اعتقد ان العربيه مش حتزعلك في حاجه غير في الفلوس , يعني اعتبرها كدا من الاخر مراتك التانيه , و مش اي واحدة دي المدلعه شويه يعني :) , بالنسبه لاي عربيه تانيا تركبها كوري , اطحن فيها برحتك مش حتقولك انت بتعمل ايه , و لما تزهق منها روح ارميها في اي مركز صيانه حيظبطوهالك , و قطع غيار مرطرطه في كل حته و بسعر كويس ..... شكرا ....

**ghabbour** · 23-09-2009 02:05 PM

ربنا يخليك يا باشا
و شكراا بجد على التقرير الجميل ده
و انا ركبها بالى 15 يوم اول مرة اعرف ان فييها هارد
بس بصراحة لسة مشغلتش فيها سيديهات
شغال راديو لسة
و فيها الكمبيوتر الخلفى بايظ بشتريها بسبب المياة خلى بالكو يا ملاك البى ام
باظ بسبب ان طالة مياه فى الشنطة
هو مبظش منى انا بس الحمد الله على كده

**Hany.ElBaathy** · 23-09-2009 02:12 PM

المشاركة الأصلية كتبت بواسطة ghabbour

عرفت كلمة limet ده مثلا طالع على طريق السخنة اظبط على 120 او اسكندرية مثلا اظبط على 100 و بيشتغل الزنان على الظبط الرقم الى هو 100 120 بداية من 6 كيلو
جامدة
بس مفيش سنسور بارك
مينفعش يركب بس يركب بنظافة
و كمان روحت امبارح فارغت هواء الكاوتش و ملات هواء كاوتش نيتروجين
عند بريدجيستون فى عمارات العبور و تكلفة 20 جنية
لالااربع عجلات

يا استاذ غبور

ايه موضوع النيتروجين ده؟ و ايه فائدته و كمان هو ينفع للفلات تاير بتاع ال بى ام ؟

و شكرا

**Hany.ElBaathy** · 23-09-2009 02:15 PM

المشاركة الأصلية كتبت بواسطة ghabbour

عرفت كلمة limet ده مثلا طالع على طريق السخنة اظبط على 120 او اسكندرية مثلا اظبط على 100 و بيشتغل الزنان على الظبط الرقم الى هو 100 120 بداية من 6 كيلو
جامدة
بس مفيش سنسور بارك
مينفعش يركب بس يركب بنظافة
و كمان روحت امبارح فارغت هواء الكاوتش و ملات هواء كاوتش نيتروجين
عند بريدجيستون فى عمارات العبور و تكلفة 20 جنية
لالااربع عجلات

المشاركة الأصلية كتبت بواسطة ghabbour

ربنا يخليك يا باشا
و شكراا بجد على التقرير الجميل ده
و انا ركبها بالى 15 يوم اول مرة اعرف ان فييها هارد
بس بصراحة لسة مشغلتش فيها سيديهات
شغال راديو لسة
و فيها الكمبيوتر الخلفى بايظ بشتريها بسبب المياة خلى بالكو يا ملاك البى ام
باظ بسبب ان طالة مياه فى الشنطة
هو مبظش منى انا بس الحمد الله على كده

مبروك يا باشا و فداك الكمبيوتر بس خلى بالك .

احنا كنا اتكلمنا على موضوع ال باركينج سنسورز بس ماعرفتش اوصل منصور بس بحاول اجيب سعر كويس فى التوكيل و هاقولك

و لو عايز اى معلومة اسال انا معايا 320 الجديدة 2009 من 3 شهور و يعنى فهمتها شوية

**yasserit** · 25-09-2009 06:07 PM

اي خدمه يا جماعه بالنسبه للفئه التالته انا تحت امركوا

**ghabbour** · 25-09-2009 06:16 PM

ربنا يخليكو يا شباب
هو بصراحة الى ناقص السنسور باركينج ده ياااريت نوصل لسعر كويس و نركبه احنا تقريبا اربع سيارات عايزينة
و منصور ده واخد منى الف جنية علشان يجبلى الكمبيوتر و بالو اكثر من عشر ايام كل يوم بكرة بكرة
مع العلم ان خالى اتصل بواحد صديقة بالحرفيين و قالو موجود و ارخص من كلام منصور
بس اعمل اية بااا كنت اتفقت مع منصور يجيبو
على العموم ميعادى معاه يوم الاثنين
و كمان ميعادى فى التوكيل علشان هعمل تشيك كامل على السيارة و هسال فى التوكيل بالمرة

**emadhamdy** · 26-09-2009 01:19 PM

المشاركة الأصلية كتبت بواسطة ghabbour

اصل العربية حصلتلها حادثة خفيفة و تقريبا حد لعب بوظ الكمبيوتر
و انا العربية امامى من ايام ما كانت زيرز فا عارف ما مادى الخبطة بالظبط
بس هو اية ال limit

عمله حادثه ههههههه فكرتني بواحد صاحبي اشتري عربيه مرسيدس من واحد قريبه وكانت عامله حادثه وقريبه قاله حادثه بسيطه وبردوا قال زيك كده ولا تويوتا ولا كيا دول فرد كوتش للمرسيدس
وبعد كده ندم انه مشتراش عربيه زيرو احسن سبحان الله افتكرت كده اول ما شوفت كلامك

عموما مبروك

**yasserit** · 28-09-2009 08:56 PM

على العموم الف مبروك و ربنا يبعد عنك شرها

**mando_07** · 29-09-2009 04:31 AM

المشاركة الأصلية كتبت بواسطة emadhamdy

عمله حادثه ههههههه فكرتني بواحد صاحبي اشتري عربيه مرسيدس من واحد قريبه وكانت عامله حادثه وقريبه قاله حادثه بسيطه وبردوا قال زيك كده ولا تويوتا ولا كيا دول فرد كوتش للمرسيدس
وبعد كده ندم انه مشتراش عربيه زيرو احسن سبحان الله افتكرت كده اول ما شوفت كلامك

عموما مبروك

no comment

**memononos** · 29-09-2009 05:35 AM

انا راى برضو ان مبلغ زى ده حرام يدفع فى عربيه مستعمله حتى لو كانت استعمال يوم واحد ..
وربنا يوفقك

الموضوع: اول مرة اركب بى ام 320 مو 2008 و عايز نصيحة ضرورى

LinkBack

أدوات الموضوع

عرض

-

المواضيع المتشابهه

عايز اركب رينجات ضرورى يا اهل الخبرة

انا متضايق ...عايز اركب فيميه بس قلقان من المرور و وجع الدماغ .. نصيحة لأخوكم

عايز اركب تكييف شاهين ضرورى

عايز نصيحة ضرورى

عايز نصيحة ضرورى

الكلمات الدلالية لهذا الموضوع

المفضلات

المفضلات

ضوابط المشاركة