أنا كنت فاكر الموضوع له علاقة بلعبة الحياة اللي فتحت باب جديد في علوم الرياضيات، لأني نفسي بصراحة حد يبسطهالي .. أنا بافكر أكمل الدراسات العليا مخصوص عشان افهم العلم ده. أنا حتى كنت هاسمي ابني "نعمان" وده التعريب اللي جه في دماغي لاسم "Neuman" اللي "لعبة الحياة" دي تعتبر تبسيط لأفكاره (نيومان كان عاوز يبني ماكينة افتراضية تستطيع استنساخ نفسها ونجح في وضع نموذج رياضي معقد لهذ الماكينة الافتراضية وجاء من بعده عالم يسمى كونواي وابتكر لعبة الحياة كتبسيط لنموذج نيومان الرياضي) !!

مافيش برامج لتبسيط العلوم؟ مافيش برامج للبحث العلمي؟ واحد زي الوليد وللا صالح اللي عندهم عشرات قنوات الهشك بشك مايستغناش عن 2 مليون بس في السنة يفتح بيهم قناة علمية؟ أو يعمل جايزة محترمة لتبسيط العلوم؟


اقولكم؟ لعبة الحياة أسهل وأظرف .. هو الرقم اللي نتصل بيه كام؟