سؤال بخصوص التكييف و ارجو الرد يا شباب

**SAMEH_FOUAD** · 07-09-2009 03:35 AM

انا كمان من وسط البلد فهاقولك الطريق اللى بروحلها منة,
اول حاجة خد نفق الازهر ,وبعد كدة اطلع كانك رايح مصر الجديدة ,وبعد كدة هايقبلك كوبرى اللى بيوديك على العبور اطلعة واول فتحة على الكوبرى شمال ادخلها ,وبعد كدة امشى فى طريق كانك رايح على ملاهى السندباد ,وخد الطريق دة للاخر ,هايقابلك كوبرى على يمين الطريق ماتطلعوش وخد الطريق اللى جنبة ,وبعد كدة اقطع الطريق اللى فية شريط القطار وهتلاقية على شمالك ,وبعد كدة امشى فى اتجاة الشارع العمومى واول يو تيرن شمال فى اول يمين فى اول يمين تانى على طول لاخر الشارع خالص فى شمال انت كدة بقيت فى الحرفيين

**Ahmed Hassan** · 08-09-2009 10:40 PM

المشاركة الأصلية كتبت بواسطة amrbakly

لحد دلوقتي انا صارف علي التكييف الصيف دة حوالي 500 جنية و في الأخر راحوا في الأرض

التكييف كل ما اشحنة يسرب فريون

جربت فريون 12 مفيش فايدة
جربت 34 مفيش فايدة

زيت للكباس مفيش فايدة

اروح للراجل بتاع التكييف يكبس الأمبير متزحزحش من مكانة

يقوم شاحن بعدها بيومين يطير الفريون بالتدريج كل ما اشغلة

مبقتش عارف المشكلة في اية و عايز حل نهائي لأنة خرب بيتي بصراحة

للعلم هو تكييف متركب و نوعة ساندن

على فكره... ممكن يكون البلف اللي بيشحن منه هوه اللي بينفس... و مش هيلاحظه طالما بيشحن من نفس البلف لانه قافله بالخرطوم اللي بيشحن بيه.

**Eng.moh.masry** · 11-09-2009 10:08 PM

المشاركة الأصلية كتبت بواسطة ahmed hassan

على فكره... ممكن يكون البلف اللي بيشحن منه هوه اللي بينفس... و مش هيلاحظه طالما بيشحن من نفس البلف لانه قافله بالخرطوم اللي بيشحن بيه.

الموضوع بتاع التنفيس دا يا احمد باشا بيقدرو يكتشفوه باختبار الكبس لان الشحن البلدى اللى هم بيستخدموه بيبقى و العربية دايرة فبيبقى من بلف الضغط المنخفض
انما لما بييجوا يعملو كبس للدايرة بيكبسوا هوا من البلف بتاع الضغط العالى و البلف التانى بس بعدها بيقفلوا المحبس بتاع رجوع الهوا و يشيل الخرطوم اللى على بلف الضغط المنخفض اللى هم بيشحنوا منوا فمع وضع المياه و الصابون بيبان اذا كان فيه تنفيس من البلف
و بالنسبة لو فيه تسريب من اى بلف هيبان من غير كبس لان اولا بيبقى عامل زيت و ثانيا لو اتحط صابون هيعمل فقاقيع على طول