معقولة 80 الف كيلو ومفيش حاجه اتغيرت ؟؟؟

**Ahmed A Rahman** · 08-09-2009 09:12 PM

المشاركة الأصلية كتبت بواسطة sabbagh

مين اصلا قال ان الحاجات دى محتاجة تغيير
هل انتو حاسيين بمشكلة فى العربية ؟؟
انا بتكلم عن العفشة مساعدين و بارات
دول لسة بدرى عليهم ان شاء الله الا لو فى مشكلة
انما الحاجات المستهلكة طبيعى تغييرها و 80 ألف على الحاجات الفبريقة برضه طبيعى
الاسعار اللى اعرفها كالتالى (أصلى من التوكيل)
السيور كلها شاملة طقم الكاتينة حوالى 1000
المساعدين الاربعة 4000 يزيدوا او ينقصوا 200 بالكتير
تيل الفرامل امامى 340
الاكصدام الخلفى معدى ال1000 و التايوانى بره حوالى 150
المساحات هات اى نوع نضيف من بتاع اكسسوار ( بلاش الصينى) الفردة ما تعديش 30 لو حاجة كويسة
طبعا دى حا جات اصلى و فى متوافر فى السوق نوعيات تانية ارخص كتير لكن بجودة اقل
و بالتوفيق ان شاء الله

الف شكر بجد يا جماعة على ردودكم

هو زي حضرتك ما قلت احنا مش حاسين بمشكلة في العربية هي كل الحكاية انه كان قاعد بيدردش معايا وبقوله انا رحت عملت صيانة الاربعين الف في الرواس.
قالي تصدق يابني انا العربية بقالها معايا 10 سنين ومغيرتش فيها حاجه غير اربع كاوتشات
انا رحت راقع بالصوت يا لهوي العربية حتولع بينا

يعني مفيش سير كاتينة ولا حتى تيل فرامل
الموضوع موضوع امان بحت
يعني انا خفت عليه على الطريق العربية تضرب مثلا وتجيب وش سيلندر او التيل بعملها معاه وميرضاش يقف وتبقى مصيبة

العفشة وإن كان فيها بعض الشخللة على المطبات الجامدة انما فعلا مفيش حاجه بنحس بيها ثاني
طقم السيور سالت عليهم لقيتهم ب 1200 جنيه في المصرية
مش كتير شوية؟؟؟

**أبو_حمزة** · 09-09-2009 12:19 PM

يا ريس مفيش قلق و العفشة ان شاء الله اخرها تكون عايزة تربيط
انت روح اضبط زوايا عشان اكيد بعد 80 ألف هتكون عايزة ضبط و خلى بتاع الزوايا يربط لك العفشة
أما السيور فرأيى غيرها عشان 10 سنين كتير
الاصلى غالى بصراحة بس مضمون و فى انواع تانية فى السوق ارخص وتمشى
فى نوع يابانى ممتاز ممكن اشوف لك اسمه جربناه فى عربية اخويا و قعد 80 ألف و شكله كان لسه جديد
تيل الفرامل اللى بيجى من المصنع مفيش زيه و لو حماك سواقته معظمها طوالى مش ها يستهلك بسهولة
انت ممكن تكشف عليه بسهولة و لو لسة فيه تخانه اوعى تغيره حرام عشان ده حسب الاستخدام

**أحمد كمال** · 09-09-2009 01:09 PM

المشاركة الأصلية كتبت بواسطة hamadamdph

ازيكو يا رجاله
واحشيني من ايام المقابلة

واضح ان رجالة رينو هما اللي بيردوا عليا

لا يا رجاله انا واثق انه معملش في التوكيل غير الزيت والفلتر بس
لانه مكانش ليه ضمان فكانوا بيعملوا اللي هو بيقول عليه بس

و الله و انت كمان

بس ماتنساش انا مزدوج الجنسية يعني رينوهاوي-ميتسوبيشاوي