ليا سؤال لرجالة الاوبل

دلوقتى انا عملت تعديل لفرامل اللانوس و قلبتها دسكات و دة عن طريق جنبين فكترا 94 اللى فيها المكنة ال 2000... نظريا

دلوقتى الطنابير طبعا كانت استيراد فا متاكلة شوية و حاليا بلى ورا جاب جاز فا بفكر اغير طقم الطنابير و البلى مع بعض و هنا المشكلة

لما كنت فى محل بتاع اوبل بجيب تيل ريمسا سالت الراجل على الطنابير الخلفية للفكترا 94 اللى بدسكات ورانى طقم فيه الدسكات من غير الصرة زى اللى فى الصورة دى



لكن انا الدسكات اللى عندى فيها الصرة حتة واحدة



بالتالى انا عايز دسكات زى دى



المشكلة لما قلت للراجل القصة دى مقتنعش و قاللى ان دى دسكات ال 94 اللى فى الصورة الاولى و مجابش سيرة الدسكات اللى بصرة خالص... فا هل هو بيشتغلنى ولا انا الدسكات اللى عندى دى بتاعت 97 مثلا... انا اللى ملخبطنى ان الدسكات 4 خرم مش 5 و بالتالى متنفعش تكون بتاعت موديل حديث اوى فا هل الفكترا B مثلا كان فيها الطنابير الخلفية بالصرة و الفكترا A هى اللى فيها الدسكات منفصلة عن الصرة ولا الدنيا ايه؟؟

انا حاسس انى اتدبست فى جنبين ملهمش قطع غيار و حغنى ظلموة

ياريت اللى عندة ملومة يفيدنى بيها عشان اعرف راسى من رجلى

MMamdouh