تعبت من عفشه الهيونداى أكسيل

**mohamed mahmoud** · 06-09-2009 06:32 PM

السلام عليكم و رحمة الله و بركاته

و الله يا جماعه انا تعبت جدا من عفشة الهيونداى اكسيل
انا غيرت العفشه باكامل فى شهر يناير 2009 و الان انا فى شهر سبتمبر 2009 يعنى 8 شهور فقط
و حاسس ان العربيه مفيهاش عفشه خالص و انى راكب عربيه فيات قرده و انا فعلا زهقت و مش عارف اعمل ايه
لو حد عنده حل يا ريت لحسن باين عليها حترسى انى ابيع العربيه علشان اخلص من الهم ده

**SAMEH_FOUAD** · 06-09-2009 08:08 PM

انت ممكن تكون بتجيب الحاجة مش اصلية او نوعها وحش فابتبوظ بسرعة حاول تجيب حاجات من ناس موثوق فيها

**sab3aawy** · 07-09-2009 01:30 PM

يا ترى ايه المشاكل اللى بتواجهك مع العفشة، هل هى مشاكل اصوات ام عدم ثبات السيارة ، ولو اصوات نوعيتها ايه، فيه كتير من الأصوات المزعجة فى المطبات مش بتكون صادرة من العفشة وانما من باقى اجزاء السيارة
هل انت لما غيرت العفشة جبت جديد وقطع اصلية وللا استيراد؟ حاول قدر الامكان تبعد عن وهم الاستيراد ده لأنه زى قلته

**thedeveloper87** · 07-09-2009 01:43 PM

المشاركة الأصلية كتبت بواسطة sab3aawy

فيه كتير من الأصوات المزعجة فى المطبات مش بتكون صادرة من العفشة وانما من باقى اجزاء السيارة

يا أستاذ سبعاوي أنا كان عندي أصوات ترزيع فظيعة ولما غيرت جلب المقصات من قدام والكاوتشات اللي على الببان (علشان كان كاوتشات الببان متآكلة) أصوات الترزيع قلت ، بس لسة فيه أصوات ترزيع.