الموضوع: صيانة ال100ألف نيو أكسنت

ربنا يملهالك بركة وتعمل صيانة1000000

المشاركة الأصلية كتبت بواسطة mohabelnegm

من كام يوم أتميت بعربيتى النيو أكسنت 100ألف كم,عربية بسم الله ما شاء الله فوق الممتازةو أى حد بيفكر يشتريها يتوكل على الله بدون تردد. عندى سؤال لأصحاب الخبرة فى السيارات . هل عند ال100 ألف فى صيانات غير أعتيادية لابد من عملها(مع العلم أنى مهتم جدا بصيانة (الفلاتر هوا و زيت و بنزين و تكييف-التيل-السيور بكل أنواعها-تغيير الكاوتش مع كل 50ألف كم-بوجيهات كل 40ألف كم) مع العلم أنى لا أتعامل مع التوكيل نهائيا فى الصيانات(فقط الفلاتر و السيور والتيل باشتريهم من التوكيل و بروح للميكانيكى الى بتعامل معاة من سنيين و هو بيعمل للعربية الصيانة على أفضل ما يكون. سمعت ناس بتقول أن عند ال100ألف لابد من فحص زيت الفرامل و تزويدة+تغيير المياة فى الريدياتير+تغيير زيت الفتيس ! اية رأيكم فى الكلام دة؟ و هل فى حاجات تانية لازم أخلى بالى منها بعد ال100ألأف؟ جزاكم الله خيرا

انت كدة ماشي تمام بس حتزود معاك:

1. تغيير مياه الرادياتير تماما (يتم تغييرها أول مرة بعد 100،000 كيلومتر و بعد كده كل 30،000 كيلومتر).
2. تغيير زيت الفرامل تماما (مرة كل 100،000 كيلو متر أو كل سنتين أيهما أسبق)

بالنسبة للاتي ياريت تكون غيرته عند 60،000 كيلومتر:

1. فلتر البنزين.
2. فلتر الهواء بتاع تنك البنزين (علبة سوداء كدة عند خراطيم البنزين مافيش حد تقريبا عارف هي ايه)

تقولوهم كدة بقلب جامد ايوه فلتر هواء بتاع تنك البنزين (وما كانوش عارفينه ولا كان موجود عندهم بس أنا خليتهم بعتوا جابوه و ركبته بره كمان)