اللهم وفق زامبيا
عرض للطباعة
اللهم وفق زامبيا
الدقيقة 80
1-0 للجزائر :(
هجمه مرتده خطيره جدا للجزائر
يارب تتعادل زامبيا
ناقص 8 دقائق
زامبيا كلها قدام
يا رب التعادل من عندك
شد حيلك يا باندا !
85 دقيقة
1-0 للجزائر
و فرصه خطيرة تضيع من زامبيا :(
جووووون ضاع لزامبيا !
حرام الكوره اللى ضيعتها زامبيا دى !!! :(:(
يا رب
ناقص 3 دقائق
يارب
أخر دقيقة من الوقت الأصلى :(
4 دقائق وقت بدل الضائع
يارب
ناقص دقيقتين
مبروك كاس العالم للجزاير
بصراحة هما احق
احنا اللى جبناه لنفسينا
انتهت المبارة
1-0 للجزائر
كده 95% الجزائر فى كاس العالم
ترتيب المجموعة بقى
1- الجزائر 10 نقاط
2- مصر 7 نقاط
3- زامبيا 4 نقاط
4- رواندا نقطة واحدة
يعنى لازم نكسب زامبيا فى زامبيا الماتش الجاى علشان نبقى 10 نقاط
و طبعا الجزائر حتكسب رواندا فى الجزائر و بفارق اهداف لا يقل عن 3 و حتبقى 13 نقطة
يعنى فارق الأهداف بينا و بينهم لن يقل عن 5 أهداف
و يبقى ماتش مصر و الجزائر فى القاهرة فى أخر جولة لازم نكسبه و شكلها كده حيبقى لازم بقارق لا يقل عن 3 أهداف !
بصراحة المهمة مستحيلة
ماتشنا مع الجزائر هنا مش هناك..........و لا أنا غلطان ؟؟؟
ماتش الجزائر هنا
بس اعتقد كدا اننا ممكن نقول الف مبروك للجزائر
طب دلوقتى احنا محتاجين ايه يحصل عشان نوصل لكاس العالم ؟؟
الجزائر لها 6 و عليها 2 يعني +4
مصر لها 5 و عليها 4 يعني +1
مصر ماتشها القادم مع زامبيا في زامبيا يعني صعب جداَ و هيخلص بالكتير بفرق جول واحد لو كسبنا يعني هنبقي +2
الجزائر ماتشها القادم مع رواندا في الجزائر يعني حصالة و علي أقل تقدير هيوصلوا من +4 لعلي الأقل +6
يعني لو مصر كسبت زامبيا في زامبيا هيبقي مطلوب منها تغلب الجزائر في مصر 4-0 !
و ده طبعاَ مستحيل .. لذلك الجزائر كدة شبه رسمياَ وصلت كأس العالم .
هارد لك للجيل ده كله من اللاعبين .
محتاجين المعجزه اللى مبتحصلش بقالها كتير اوى
ممكن ندعى على الجزائر و رواندا تكسبهم !!
رب ضارة نافعة
كدة زامبيا ضمنت التأهل لكاس الأمم الأفريقية تقريباً إلا في حالة تعادل رواندا مع الجزائر أو فوزها وده مستبعد جداً
كمان فقدت كل الحظوظ في التأهل لكأس العالم
ماتش زامبيا بقى أسهل بالنسبة لينا
وباقي فقط الفوز الحتمي على زامبيا بسكور يعادل فارق الأهداف الثلاثة بيننا وبين الجزائر خصوصاً لو فازت الجزائر على رواندا بهدف وحيد
المهمة صارت شبه مستحيلة فعلاً
وحظوظ الجزائر 85 % على الأقل في الوصول للمونديال
وكدة مصر ضمنت التأهل لكاس الأمم
احنا اللي عملنا كدة في نفسنا
ربنا يستر
محتاجين نفوز على الجزائر و زامبيا مبدئياً......
و ماتش الجزائر ينتهى بفرق أتنين أو أكتر لصالحنا
أو نفوز على الجزائر بأى نتيجة و نفوز على زامبيا بفرق 4 أجوان تقريباً.
Hard Luck و أشوفكم فى تصفيات كأس العالم 2014
:8954[1]:
ما هو الخوف من كده
يرزعوا رواندا 5 - 0 مثلا
و كده يبقوا +9
و إحنا + 2
يعنى المفروض فى الحالة دى لازم نكسبهم 4-0 !!
مش عارف ليه حاسس اننا أصلا مش حنكسب زامبيا و حنتتعادل معاه و الجزائر حتكسب رواندا هناك و تحتفل بالصعود فى كاس العالم قبل ماتشنا :(
و خاصة ان ماتشنا مع زامبيا يوم السبت 10 اكتوبر
و الجزائر و رواندا يوم الأحد 11 اكتوبر
مش مكتوبة يا رجالة .... يارب اشوف مصر في كاس العالم قبل ما امووووت !
المنطق والارقام بيقول ان فريقهم افضل مننا .... وهما احق بالصعود مننا
احنا اتعادلنا مع زامبيا في مصر و كسبنا رواندا الهزيلة بالعافية .... وهما كسبو زامبيا رايح جاي .... وكمان كسبونا 3 في الجزاير .....
مبروك ليهم .... وان شاء الله المرة الجاية نكون افضل من كدة ونصعد
هو احنا عاوزين نصعد من غير مجهود ونتائج ؟؟؟؟؟
ده الحق بدون تعصب لفرينا ...... وللأسف احنا دايما مافيش توفيق في كأس العالم .... بنبقى في اسوأ حالاتنا في التصفيات برغم اننا بنلعب في باقي البطولات كويس نسبيا
انا هقولكم على السيناريو المتوقع
مصر هتفوز على زامبيا بالقوه وممكن نعمل سكور
والجزاير هتفوز على رواندا فى الجزاير 1 بس بالعافيه
هيقوم يزيد املنا اوى
وخلاص باقى اخر ماتش فى مصر
وخلاص هنفوز و هنكسب 3 او 2 حتى يصعدونا
لكن الفاجعه هتكون فى الماتش ده
والجزاير هتتعادل وتصعد بعد ما يبوظوا الماتش
ودلوقتى تشوفوا
ماتش مصر هو الى هيضيع كل حاجه
دلوقت الجزائر ليها 6 وعليها 1
ومصر ليها 6 وعليها 4
لو الجزائر فازت على رواندا 4-0 مثلا
يبقى الجزائر ليها 10 وعليها 1
ومصر تفوز على زامبيا 2-0
وتفوز على الجزائر 3-0
يبقى مصر ليها 11 وعليها 4
يبقى ليها 7 اجوان
والجزائر ليها 10 وعليها 4
يبقى ليها 6 اجوان
يبقى مصر تصعد
واخيرا ___ المتفائلين بيشجعوا مصر واحنا معاهم
:120105~352::120105~352:
طبعا ده كله احلام
يا جماعة طظ في الكورة والله اللي ضايقني اني دخلت (بكل براءة) منتدى خاص بكرة القدم عشان بس اعرف النتيجة ومعنديش عضوية في المنتدى ده على فكرة المهم لقيتلك كمية ردح وشتيمة وتريقة وقلة ادب وشتيمة في مصر المصريين مش بس من الجزائر لكن من السوريين كمان وبتوع الاردن ولا الفلسطينيين اللي بيقولوا انهم هايشجعوا الجزائر لأنهم فريق الشرفاء وناس كتير اوي
احنا ليه الناس بتكرهنا كده
انا والله على ما اقول شهيد قلت ربنا يوفق الجزائر واكيد هانشجعها بحرارة في كأس العالم بس لقيت الموضوع عند الأخوة في الجزائر واصل للشتيمة بالأعراض وعمل كاريكاتيرات وصوور مسيئة مضحكة فقلت حسبي الله ونعم الوكيل
احساس سيئ اوي لما تحس ان كل الناس بتكرهك في الدنيا رغم ان محدش فيهم يقدر ينكر فضل مصر (بتاعة زمااااان) على معظم الدول العربية