فيه حد عنده أخبار عن ماتش زامبيا و الجزائر ؟
عرض للطباعة
فيه حد عنده أخبار عن ماتش زامبيا و الجزائر ؟
فات 15 دقيقة و النتيجة تعادل 0-0
الفرقتين بيأدوا كويس و زامبيا بتهاجم .
الدقيقة 25 .. صفر صفر برضه لسة .
25 دقيقة و النتيجة 0-0
زامبيا ضاغطه على الجزائر
الدقيقة 29
هجمة خطيرة تضيع من زامبيا
مازالت زامبيا هى الأفضل
تابعونا بآخر الاخبار ياشباب
كورة جنب المقص من زامبيا !!!!!!!!!!!
زامبيا بقالها كام دقيقة مطرقعة للجزائر !
الماتش مذاع على القناة الامازيغية يا شباب .. مفتوحة
30 دقيقة
0-0
زامبيا ضاغطه على الجزائر
و الجزائر تدافع فقط
ربنا يستر علينا يا رجالة من ماتش زامبيا ! ههههههه
بالمناسبة ماتشنا معاهم يوم 10 الشهر الجي .
جون للجزاير
الحكم لغاه !!!
هدف ملغى للجزائر
فاول على مهاجم الجزائر
الحمد لله
الجمهور الجزائري قام مرة واحدة مع الجول .. و الجمهور المصري كان هيتشل .. بس الحمد لله إتلغي .
الجول طلع فاول على مهاجم الجزائر
كان من ضربة ركنيه و دخل زق مدافع زامبييا و حطها بدماغه
فات
35 دقيقة
0-0
ماتش حلو فيه كورة
مع تمنياتنا للفريقين بعدم التوفيق :)
و بدأ النصب الجزائري على الحكم
38 دقيقة و لا تزال النتيجة تعادل سلبى بدون أهداف.
فعلاَ يا تايلر رغم إننا بنتمني عدم التوفيق للفريقين إلا إن ماتشهم حلو و فيه كورة عن التقسيمة بتاعة إمبارح .
٠ جيزاير ٠ لا زومبي
حرفيا من بوء المعلق الامازيغي
لاعب جزائري رايح يتخانق مع المدرب بتاع زامبيا !!!!!
ههههههههههههههه
و الجمهور الجزائري كالعادة ولع الدنيا عشان الجون الملغي
45 دقيقة
0-0
دقيقتين وقت بدل ضائع
اللعيبة الزامبية بدأو يدخلو ف الكور بغباء
ربنا يستر الجزائريين بيعرفواا يمثلوا
انتهى الشوط الأول
0-0
الحمد لله
الحمد لله .. بس الماتش قلب ماتش كراتيه ! دول بيعجنوا في بعض !
كويس اوي
هو الماتش متزاع على قناة ايه ؟؟
ismaily-onlinetv on Justin.tv
للي ما عندهمش الART
القناة الامازيغية على النايل سات
مفتوحة
ربنا يستر و يستمر التعادل دا فى الشوط التانى
ممكن التردد؟
بس فيه اغنية وطنية شغالة جابتلي تسمم سمعي