المشاركة الأصلية كتبت بواسطة viper911s
يا حاج احمد اسمحلى اتكلم معاك ومع باقى الاعضاء بصراحة وياريت تتحملونى
انا شاب عمرى 24 سنة مشفتش حاجة حلوة فى البلد دى
المثل الدارج دلوقتى ما بين اغلب الشباب لما تسئلو عن الوطنية يولق (هى البلد دى ادتنى اية علشان اضحى بحياتى علشانها غير الذل والمرمطة والاهانة ) وانا واحد من الناس دى يا سيدى والدى واحد من الى ضيعوا عمرهم 9 سنين فى الجيش من قبل الاستنزاف لحد العبور فى 73 وكان من ضمن الناس الى اتحاصروا فى الثغرة
اخد اية غير الفرحة زميلوا الى هربوا وقتها وسافروا او حتى الى كانوا فى مصر بقوا فلوس ومستوى تانى البلد بتحترمهم بكل قطاعتها اكتر من الى حاربوا عشانها كنت زمان بحبها وفعلا كان نفسى اكون فى جيشها واتقدمت كتير للكليات العسكرية وللاسف اترفضت والغريب انى وقت الكشف مش بيتكشف عليا وغيرى داخل قدام عينى عين الطلبة معاة رتبة اى ما كانت ومن غير مايبص علية الدكتور بيكتب لائق. الشغل زل وقهر وفترا وياريتة بفلوس ملاليم وياريتة كمان عاجبهم .تصدقنى لو قلتلك انى كنت بتكلم مع ناس وكنت بقول لو مصر هتحارب مع اسرائيل انى هطوع مع اسرائيل من كتر كرهى فى كل حاجة هنا فى فيوم شفت برنامج (مرينا رايح جاى ) برنامج تافة فعلا بس بينلك حاجة الشباب فى مرينا لما بيتسئلوا عن الوطنية الى قال انا مليش دعوة بالسياسة والى قال انا لو اتجوزت مش هحارب لو مجوزتش هحارب (طالع رحلة ) والى قال انا باجى مصر شهرين بقعد هنا وبس مش هكون فاضى والى ميعرفش علم مصر لونة اية عايزنى انا احارب واموت علشان الناس تفضل زى مهى ومش هيدخلوا جيش وهتموت علشان هما يفضلوا يلعبوا فى مرينا احنا حررنا سينا وممنوعة علينا منقدرش نقعد فيها غير بالعافية يلا خلاص الكلام كتير والى جوايا كتير مش عايز اكمل المهم واى فى الاخر وقول (يلا اهى من جملة الخساير ) السلام ختام