يمكن دلوقتى وحشة
ذل اهانة مرمطة سرقة نصب جهل مرض فوضى
مبيدات مسرطنة تلاقى عندنا احنا بس
لحمة فاسدة و لانشون خنازير تلاقى
لحمة حميير و كلاب و قطط برضة تلاقى
ندى المريض اللى بيموت دم ملوث بفيروسات العالم او زبالة العالم عندنا تلاقى
عبارة تغرق و عليها 1000 واحد بألف اسرة اتشردت تلاقى برضة
مسرح ثقافى يتحرق فى الصعيد اهلا بيك فى مصر
قطر يتحرق و يفحم ركابة و محدش يتحاسب يبقى انت اكيد اكييد فى مصر
تتسرق و يتنصب عليك و متعرفش تاخد حقك عندنا تلاقى
يتاخد من ايديك الشمال اربع خمس اضعافمن اللى بتخدة من اليمين برضة تلاقى
تسافر اذبل دول العالم و اجهل دول العالم مش حقولك انضف كمان و تلاقى ازبل و اقذر معاملة للمصرى بس فى كل العالم تلاقى
سفارة و قنصلية لما تلجئلها تقفل السكة فى وشك و تقولك متعتبش هنا تانى يبقى انت مصرى
تعليم جاهل و طلبة افشل الا من رحم ربى يبقى انت فى مصر
يا حج احمد قولى بس حبيت فيها اية غير اهلك و بيتك و صحابك مش حتلاقى
يا راجل الناس طلعت القمر من سنييييييييييييييين و احنا لسة من شهر قررنا نعمل حمامات دورات مياة يعنى فى المدارس
و تقول غد افضل امتى
الله اعلم
كل شىء فى ايد ربنا و هو القادر بس بصراحة الله جل جلالة مش راضى عنا عشان كدة مش عايز يغيرنا
رجالة عدوا الخمسيين و متجوزوش و بنات فى الاربعين متجوزتش ولا عاشوا
ناس كل حلمها تلاقى عشا بس لولدها و تدعى ربنا محدش ينصب عليها فى العشرة جنية اليومية و برضوا مش نافع
مصر قاسية اوى ع ولدها يا حج احمد
و برضة راضيين و هى مش عايزانا
و احتمال كبير كلنا كدة نتاخد بكرة على امن الدولة و منشوفش النور تانى
للدرجة دى وصلنا لدرجة ان الواحد خايف يتكلم شفت يا حج
كان فى حكمة انجليزى قدبم قريتها بتقول
الوطن هو ليس مكان مولدك و بدايتك الوطن هو المكان الذى تنتهى كل محاولات الهروب و الفرار الية
مش قصدى خيانة او حاجة بس معنى الحكمة مفهوم البلد الكريمة التى توفر لك الحياة الكريمة اللتى ترضاها لك و لاهل بيتك دة وطنك دة معنى
المثل