الحل هو الاصرار والمثابرة وعدم الياس
وتحاول مع ابوها مرة واتنين وعشرة
وتسوق عليه قرايبه واصحابه اللى بيثقوا فيه
ولما حيلاقى انك متمسك بيها حيلين مع الوقت
وهى برده تحاول تضغط عليه بس من غير اى تهور
وفى النهاية ربنا يوفقك للى فيه خير ليك
عرض للطباعة
الحل هو الاصرار والمثابرة وعدم الياس
وتحاول مع ابوها مرة واتنين وعشرة
وتسوق عليه قرايبه واصحابه اللى بيثقوا فيه
ولما حيلاقى انك متمسك بيها حيلين مع الوقت
وهى برده تحاول تضغط عليه بس من غير اى تهور
وفى النهاية ربنا يوفقك للى فيه خير ليك
استني لما يرد عليك و حاول تاني
ولو منفعش
ابدا كلم معارفه زي مالاخوه قالولك
و ربنا يقدملك الخير
ايه يا معلم
اجمد شويه
زن وراها و شوف لو تعرف حد من قرايبها يكون بيفهم
شوف خلانها ولا اعملمها او صاحب ابوها
شوف ابوها بيصلى فين وروحله الجامع حتلى كلم شيخ الجامع
زننننن و افضل حاول
حاول كتير وبلاش تياس بسهولة
بس بعد مايجي رده عليك بعد العيد
شوف حد من اهلك يكون كبير في السن وهيبة ويتوسط في الموضوع
وروح لقرايبها الكبار
وخلي عندك اصرار واتمسك بيها وان شاء الله بنا هايكتب لك اللي فيه الخير
شكرا ياجماعه على الردود اللى بتدينى امل دى وانا الحمد لله عندى شقه بس وجه اعتراض ابوها انى مش قريبهم وهم ناس فلاحين عاوزين حد يكونوا يعرفوه هو ده السبب وانا الحمد لله صليت صلاة استخاره بس مش عارف برضه اعمل ايه تانى
بص نصيحة من اخ كبير
سيبك من الموضوع
مادام هما دماغهم قبلية كده
هيقرفوك
و عمرك ما هتحس انك واحد من العيلة
و في اي مشكلة مع البنت بعد الجواز هيحطوا عليك و يفركشوا لك الجوازة و ياخدوا بنتهم بأي تلكيكة و حاسب انت عالمشاريب يا معلم (مؤخر و نفقة و بلاوي سودة و لو ليك عيال منها مش هتاخدهم و لا هتطولهم)
و الصراحة مادام ابوها دماغه مقفلة كده يبقى ما ينفعش يبقى جد أولادك
و في اي مشكلة وقت الخطوبة هيفشكلوا برضه
يا دار ما دخلك شر
و صدقني انا في يوم كنت صغير زيك و فاكر ان اول حب ده ما بيتعوضش و بتاع
عادي جدا ........ الدنيا ما بتقفش على واحد و لا واحدة
و اللي خلقها خلق غيرها و اللي خلقك خلق غيرك
معلش انا كلامي قاسي و صادم شوية
بس هو ده الحقيقة
لازم الناس اللي تخش بيتهم لو انت عايزهم و عايز بنتهم قيراط يبقوا هما عايزينك 24
غير كده انسى
ابويا اما راح يتقدم لأمي و كان جدي يعرفه من سنين طويلة بحكم زمالته الدراسية لخالي الله يرحمه لسنين طويلة
جدي الله يرحمه قال له لو انت ما كنتش جيت كنت انا جيت جبت لك بنتي لعندك
و اما كان بيحصل مشكلة او ابويا يزعل من امي ابوها اللي كان بيراضيه و ييجي في صفه
انما تتجوز واحدة اهلها مش عايزينك هتدوق المرار
و ما تقولليش احنا بنحب بعض و عمرنا ما هنتخانق و عمرنا ما هتحصل مشاكل ..... تبقى بتحلم ..... مفيش اتنين ما بيتخانقوش و ما بيزعلوش
ساعتها هتبقى فرصة ذهبية لحماك انه يطلع فيك القديم و الجديد (بما ان من وجهة نظره انت واخد بنته غصب عنه)
صدقني الحب حلو و الجواز عن حب حلو بس الحب مش كل حاجة في الجواز فيه حاجات كتير أوي اوي ......
كلام الأخ كمال سليم
لو اتجوزتها وحصل مشاكل ولو بسيطة هتتعب منهم اوى وخصوصاً لو هى قريبة من اهلها
ربنا يوفقك ولو ربنا عايزك تتجوزها هتتجوزها لو مافيش نصيب يبقى خلاص ربنا يجيبلك الى احسن منها