الموضوع: كورولا 2009 فقط 105 حصان !!!!!! بس !!!!بالصور

المشاركة الأصلية كتبت بواسطة abo samra

قوة المحرك لوحده 142 حصان
قوة الموتور فى العربيه 124 حصان واكيد لازم يبقى فيه فرق لان ده dual vvti
انما القديم نازل من سنة 2001 واسمه vvt i
بعيد عن ارقام القوة العربيه تسارعها وعزمها من افضل ما يكون لسعة 1.6 لتر وعن تجربه وجربت الخليجى ولقيت انه بيتمتع باداء جيد جدا الى سرعه 120 كم بعد 120 كم بيبقى تجميعها عادى مقارنة ب dual vvti
وده يدل على ان السياراه تتمتع بالعزم العالى عند السرعات العاليه وليس كعادة معظم اليابانى بالتسارع على السرعات الواطيه فقط

تحياتى

حضرتك أيه مصدر معلومتك أن المحرك لوحده ........ 142 حصان ؟؟؟؟
بس مصدر أصيل ....... مش تويوتا أيجيب !!

أنا على فكرة سألت شركات كتيرة في الموضوع ده ....
و كله بيعلن قوة المحرك لوحده فقط قبل تركيبه
لأن صعب أن يحسب الهدر و يقولك على رقم دقيق لعدة أسباب ....
هدر الات الجر ..... ( فتيس و كبالن و خلافه )
مقاومة الطريق اللي مش بتكون محسوبة عند وضع السيارة على الداينو ....
و أنت حاطط العربية على الداينو
أنت بتقيس من عند العجل .............. و دي الجماعة بتوع السباقات هم اللي بيعملوها .


أما أرقام الكتالوجات .................
فهي أرقام المحرك

=======================
بُص معايا كدا ياباشا على الصور دي
دي صورة لمواصفات الموتور أو المحرك و ليس السيارة و مفيش وجهة ذكر لكلمة صافي قوي .... و أجمالي قوة
ده موقع تويوتا الولايات المتحدة الصهيونية .
و موتور 1800 .......... و كمان 130 حصان بس ...... يبقى ازاي الموتور 1600 أكبر منه ؟؟؟؟
أنا بصراحة ما شفتش حكاية 140 حصان دي غير في مصر فقط لا غير .


دي صورة تانية لمواصفات المحرك ...... من موقع تويوتا جنوب أفريقيا .



و دي صورة تالتة من موقع ويكيبيديا بتتكلم عن المحرك برضه .....


و دي صورة أخيرة لمواتير مرسيدس
و برضه الحساب على المواتير ......... محدش قال أجمالي خرج و صافي خرج .




حضرتك برضه ممكن تدخل على موقع تويوتا و أسألهم بنفسك .

المشاركة الأصلية كتبت بواسطة ashraf229

حتى لو كده برضه يبئى 105 ده قليل جدا لأنه مكتوب :

محرك 4 سلندر 1600 vvt-i 105حصان

يعني المفروض لو ده قوته قبل احتساب الهدر يبئى هيكون حاجة و تسعين بعد تركيب الات الجر و ناقل الحركة و الاطارات و الهيكل و الركاب و غيره

حاجة غريبة و الله!!!!!!!!

فعلا يا باشا أضرب الرقم عشرة في المائة
هايفضل الرقم الصفافي اللي هو برضه مش دقيق 100 % و على سبيل المثال
105 * 10 -100 = 10.5 حصان هدر
و الباقي هايكون في حدود 95 حصان فقط لا غير .

و فيه عامل تاني مهم و هو وزن العربية و بيفرق جامد في الموضوع ده و أحساسك بعربيتك و سحبها و قوتها الموضوع مش موضوع موتور بس ......... و لو عربيتك أيه ...... حاول تشد مع موتور هوندا بتاع موتسيكل مثلا 400 سي سي و قولي على النتيجة ........

طبعا الموتوسيكل مش هاتشوفه مع أن الموتور أصغر بكتير من موتور العربية و أقل في عدد الأحصنة ...... و لكن الوزن و مقاومة الهوا و الات الجر الكتير و الأربعة عجلات في العربية بيفرقوا جامد في السحب .

حاجة كمان يا شاركي باشا
موقع ويكيبيديا غير مضمون 100 % لأن أي حد ممكن يدخل و يحط أي معلومات .
أعتقد أن موقع الشركة الصناعة هو اصدق مكام لمصدر المعلومات عن العربية .

تأكيد تاني لكلامي ( اللي مصدره الشركات الصانعة )
لو شوفنا أي عربية فيها نوعين فتيس
فتيس مانوال ............................. و ده الهدر فيه أقل من الفتيس الأوتوماتيك .

و مع ذلك لسة الرقم بتاع القوة الحصانية المعلن للمحرك واحد لم يتغير .

مع أن أي عربيتين من نفس الماركة و نفس المحرك و واحدة أوتوماتيك و التانية مانوال و دخلوا سباق مع بعض .

طبعا الغلبة هاتكون للمانوال مع أعتبار تساوي مهارات السائقين .

لأن هدر المانوال للأحصنة أقل و تسارعه أعلى .
لو فعلا القياس بطريقة اجمالي و صافي
كانت العربية المانوال أصبح لها رقم ................... و الأوتوماتيك لها رقم آخر
لأختلاف طبيعة الات الجر ( عامل منهم و هو الفتيس ) ....... صح و لا أيه ؟؟؟
ثانيا السرعة القصوى للعربية الأوتوماتيك دائما أقل من السرعة القصوى للمانوال لنفس العربية .
ثالثا التسارع من صفر لمائة لنفس العربية مع أختلاف الفتس ..... في الأوتواماتيك دائما أبطئ ثانية أو ثانية و نصف الثانية .
و كل دي مؤشرات أن الخرج النهائي لنفس العربية مع اختلاف عامل من عوامل الجر الخاص بالسيارة تؤكد بما لا يدع مجال للشك بأن الأرقام المعلنة في الكتالوجات هي أرقام المحرك فقط .
و الحاجة التانية هي تأكيدات الشركات الصانعة ووضع كلمة engine بدون كلمة صافي أو أجمالي بجانب مواصفات سيارتها .
و الحاجة التالتة هي ردود الشركات الأم بهذا الخصوص بأن الأرقام المعلنة هي أرقام المحرك وحده فقط لا غير .


و كل الأرقام اللي بيعلنها الوكيل المحلي الخاص بتويوتا هي أرقام من محض خيالهم و إن دلت فتدل على الغش المقصود للعميل و كمان غش أهبل و غير مدروس .

كلام الأرقام ده و موضوع كيفية الحساب ينطبق على كل الشركات من أول المرسيدس و البي أم لأي شركة أصغر من كدا .
كله بيعلن رقم المحرك فقط ......... و مفيش حاجة أسمها صافي و أجمالي في الكتالوجات .

و اللي عايز يعرف رقمه الصافي
ينقص من 5 إلى 15 % ............ من الرقم المعلن في الكتالوج

مثال
تويوتا كورولا ..... 120 أو 124 حصان .......... * 10 % كمتوسط = 12 حصان هم الهدر يبقى الباقي هو .... 108 حصان فقط .

و الكلام ده على أي عربية موجودة في السوق .
مثال تاني للجين 2
110 حصان * 10 % = 11 حصان هدر و الصافي = 99 حصان فقط لا غير .

مع تحياتي .

لو الكلام دة الصحيح و ان حتى ارقام القوة الصافية غلط ,,

يبقى المقايس اختلفت ,,

و ياريت يا جماعة متمسكوش فى موضوع 142 حصان دى ,, انا بقولها بس كدة لانها كانت قدامى ,, انما لو حد سألنى على العربية بقوله 122 حصان ,,

بصراحة انا اسف يا استاذ توت بس الموضوع مش داخل دماغى مش عارف ليه ,, و انا عارف ان كلامك دة من الشركات نفسها ,, بس طلب انى مصدقش الارقام دة صعب اوى