وربنا يعوض عليك
عرض للطباعة
وربنا يعوض عليك
الحمد لله على سلامتك اولا
انت كدة اللي كسبان
اولا اتخلصت من العربية وبسعر كويس بالنسبة لحالتها ... وكمان قولت للمشتري على اللي فيها وريحت ضميرك وما غشيتهوش
ربنا يعوضك خير ان شاء الله
بصراحه كده العربيه متباعه بيعه زي الفل
يعني حضرتك اخدت في ايديك 66 الف جنيه
كنت دافع منهم قبل كده 16 للسمكري ده
يبقي اكنك بايع العربيه علي 50 الف وقت ما كانت متبهدله في الحادثه
وده سعر كويس جدا جدا لسببين
اختها اصلا السليمه بـ 70 او 75 الف دلوقت
تاني سبب ان السوق اصلا اصلا نايم يعني في فرق 20 او 25 الف ودول الي خسرتهم في الحادثه
يعني الحمد لله خالص وكده زي الفل
قبل ده وده شوف لو لقدر الله لقدر الله الف الف بعد الشر عنك كان حصل لحضرتك حاجه في الحادثه وتركيب شرايح وخلافه
كان المبلغ ده مش هيجي حاجه في الي هيتصرف علي العمليات والكلام ده
يعني اولا واخيرا الحمد لله وربنا ان شاء الله يعوضك عنها
ولانك راجل نيتك كويسه وكنت بتقول علي الي فيها للناس الي بتجيلك ربنا كرمك في بيعه كويسه
ده انا يا راجل كنت واقف برضه مع واحد صاحبي كان عمل حادثه بعربيته 504 والله صرف علي العربيه 12 الف جنيه وكمان مكنتش زي الحادثه بتاعتك
هوا اصلا طلع علي الجزيره الي في النص بالعربيه بس كان علي طريق سريع ولبس في شجره بس كانت سرعة العربيه قلت من خبطة الرصيف
واسمها 504 موديل 77 مش لانسر موديل 2007
A.Yakout
هو طبعا اولا و اخيرا لله الحمد على كل شيء .. بس هل انا كان ممكن اظبطها و ابيعها بيعة احسن من كدة ؟ اصل انا حسبتها مع نفسي قلت ان مهما صرفت عليها سعرها مش هيزيد الزيادة اللي انا متخيلها .. فكأني برمي فلوسي في الارض .. بس انا متضايق لأني مش لاقي اختها بالسعر ده او زيادة 4 الاف جنيه .. كل اللي معاهم لانسر بيحسسوني انهم بيبيعوا جنيه دهب و بيطلبوا اسعار على مزاجهم .. زي موقع كار 100 100 الاقي اختها و ب 81 و ناس عاوزه حاجة و تسعين فبصراحة اتعقدت مبقتش عارف اعمل ايه .. الحمد لله
الخوف دلوقتى من التاجر لحسن يغش فيها حد
العربيه دي من الاخر اتكتبلها شهادة وفاه علي ايد السمكري الي زي الفل ده
علشان ترجع تاني العربيه دي لازم النص الي اتركبلها يتفور تاني ويتركب صح من تاني عند صنايعي اسطي والي ناقص فيها ان كان في المكنه ولا في الفتيس يتظبط عند ميكانيكي ابن حلال وبيفهم
و ده هيدخله علي الاقل خالص في 10 او 13 الف جنيه تاني ده علشان تبقي عربيه عدله ومظبوطه
يعني العربيه دلوقت واقعه بـ 66+13=79 الف جنيه
تفتكر مين هيشتري عربيه راشه جوه ومغيره نص بالسعر ده؟؟
احمد ربنا يا راجل وخلاص حط في دماغك ان خسارتك في ال 20 او 25 الف الي ضاعو في الحادثه ومتفكرش كتير
A.Yakout
وده طبعا واكيد لان تاجر ياخدها بالسعر دة معناها كدة
والله الواحد بيتضايق جدا لما يلاقى حد بيضحك على حد تانى
اي عربية رشة جوة و حصلها كل المشاكل و القلق دة كلة, لازم ينزل بتمنها الأرض, دي حاجة طبيعية..
ربنا يعوض عليك و متفكرش كتير و انسي.. و كل واحد فينا ياما خبط و عجن و السواقة عموما ملهاش كبير.
الغلطه انك اتعاملت مع سمكرى زى ده ده الواحد بيزعل لما عربيه يترش فيها حاجه ياعنى لو حاجه صغيره ممكن تدق على البارد والموضوع يتلم
تروح انت لواحد يغير نص فى عربيه .................. هنا الغلطه بصراحه
ايا كان اللى فى العربيه كانت تتظبط وكان يكتفى بتغيير اكصادم وكابوت ورفرفين ده لو مش نافعين نهائى
انما الحمد لله على كل شىء انا من يومين كنت باتفرج على عربيه 1300 مانيوال 2008 عدادها عامل 17000كم لسه جديده
وكنت باشتريها بـ30000ج وصاحبها كان ماسك فى 36000ج طبعا انا ماكنتش فاتكلم معاه فى السعر هو قالى تسوى كام انا قولتله تسوى كده قالى لا انا طالب 36000 قولتله ربنا يحسن ليك سوقها ويعوضك عنها خير لان استحاله اتناقش معاه فى سعر علشان حرام بس هى فعلا ماتسواش اكتر من 30000ج
العربيه سليمه بس محتاجه سقف ب6 قوايم +صالون كامل +قطمه
العربيه نزل عليها بالكونه مسلحه الكابوت والشنطه والاربع ابواب مافيهومش الهوى
عاوز اقولك ماتزعلش نفسك والحمد لله وبكره تجيب احسن منها