متشكر يا جماعة على الردود الحلوة
الف شكر يا جماعة على الردود الحلوة ......... جزاكم الله خيرا ان شاء الله
انت بصراحة شجعتونى انى اسأل كام سؤال تانى :
1- هل فرامل لانسر بومة سيئة لانى قريت كذا موضوع هنا بيقولوا انه الفرامل دى اوحش حاجة فى العربية .....هل الكلام ده صح ؟؟؟؟؟؟
2- اخبار صاجلانسر بومة ايه مقارنة بالياريس ....مين احسن فيهم و بنسبة كام فى المية مثلا ؟؟؟؟؟
3-طول قاعدة العجلات بتاعة الياريس 2.46 متر ....طب كام طول قاعة العجلات بتاعة لانسر بومة
4- معدل استهلاك البنزين فى لانسر 1300 مانوال ........كام كم فى الصفيحة ؟؟؟؟؟؟؟؟؟؟
5- انا مش من هواة السحب نهائى .... يعنى اخر حاجة عندى فى المدينة 80 او 90 و فى السفر مش بعدى 120 كم ...هل لانسر 1300 مانوال ....هتبقى كويسة و انا مشغل التكييف على السرعات دى مع ملاحظة انى من الصعيد يعنى التكييف مهم جدا جدا ؟؟؟؟؟؟؟؟؟؟؟
6- هل الاكصدام بتاعلانسر بيتغير لوحده و لا تحتاج تغير معاه حاجات زى الياريس اللى الجزء الامامى كله قطعة واحدة ؟؟؟
7- سعر لانسر بومة مانوال 1300 خليجى و المصرى كام ؟؟؟؟؟؟؟ و هل ممكن تجيب خليجى و تركب الحاجات التانية براحتك ؟؟؟؟؟؟؟؟
8- لو فيه حد يعرف معرض بيقسط لانسر مباشر بمقدم 50% يبقى كتر خيره
9- احسن شركة تأمين بتعمل تأمين تكافلى اسلامى ...؟؟؟؟؟
اسف جدا لو اسئلتى كتيرة .......بس اصلى زى مانتو عارفين الواحد مش بيجيب عربية كل يوم و ربنا يعلم الواحد بيتعب عشان يجيب الفلوس دى و يحوش عشان يجيب تريحه
جزاكم الله خيرا
اللهم تقبل منا رمضان و اجعلنا فيه من الفائزين .......آمين
الف شكر ليك يا دكتور احمد
اقتباس:
المشاركة الأصلية كتبت بواسطة dr ahmed abdelghany
ياباشا متقارنش قوة اللانسر كصاج وعضم باليارس إطلاقا
أنا خدت حادثة رهيبة بالعربية عوجت الشاسية عوجة بسيطة لو كانت فى الياريس كان زمانى بدور لها على نص أمامى
اللى بيقولوا الفرامل وحشة تقريبا بيتكلموا على عربية تانية ، فراملها عادية زى باقى العربيات!
الاكصدام حتة كبيرة وبعدين شبكة وبعدين هوايات وفتحات فوج وبعدين مساطر، يعنى مش حتة واحدة على بعضه
معدل الاستهلاك بينهم متقارب أو متماثل
السحب زى ما قلت لك قبل كده
كماليات الخليجى أكتر من المصرى فى ال 1300 ، يعنى السؤال يكون ممكن أجيب المصرى وأبقى أكمل لها الحاجات التانية بعد كده؟
وعلى فكرة أنا عشت التجربة دى بالتفصيل الممل أول عام 2007 وخلاص نظريا قلت ياريس ونازل والله أشتريها لكن لما شفتها وفتحت كبوتها وقدرت الدمار الرهيب اللى ممكن يحصل مع أقل حادثة وبعدين شفت الانسر غيرت رأيى ورجعت بلانسر
نصيب
الف شكر ليك يا دكتور احمد
جزاك الله عنى خير الجزاء
و تقبل منك و منا رمضان ان شاء الله
انت بصراحة طمنتنى على الاخر من ناحية لانسر 1300 مانوال عن الياريس
و برضه كان فيه كام سؤال رفيع :
1- انهو احسن الخليجى و لا المصرى .... مع ملاحظة انى هاشترى ان شاء الله قسط و كمان ساكن فى الصعيد يعنى مفيش مراكز خدمة او توكيل لانسر
2- سعر الاتنين دلوقتى كام لو تعرف يعنى ؟؟؟؟؟؟
3- احسن كاسيت ممكن الواحد يركبه فيها عشان اعرف انها بتيجى من غير كاسيت يكون فيه امكانات كويسة زى ام بى ثرى و اى بود و الحاجات اللى بيقولوا عليها دى
4- هل ممكن الواحد مثلا يجيب المصرى و يركبلها مميزات الخليجى زى الايرباج و لا لا و سعرها تقريبى فى حدود كام .؟؟؟؟؟؟؟
5- معلش اسف لو اسئلتى كتير ...... حضرتك تخصصك ايه ؟؟؟؟؟
مع تحياتى
د/جلال حلمى
الف شكر ليك يا دكتور شريف
اقتباس:
المشاركة الأصلية كتبت بواسطة dr.sherif mansy
الله يفتح عليك يا د / أحمد
انت جبت اهم نقطة فرق فى الأثنين ، و أخطرهم
الياريس معمول لها face lift جامد فى رأيى و ده بيخلى الأكصدام الأمامى واخد 3/4 الوش و انا شفت واحد صاحبى عنده ياريس ما شافش عمود صغير فى الأرض قدامه و هو بيركن و قطع الأكصدام ، كنت بتحس ان العربية مقسومة نصين من قدام ، و طبعا تغيير الأكصدام يعنى وش العربية كله
و أسمح لى أضيف نقطة بيشتكى منها كل ملاك الياريس و هى انك مهما تعمل مش هاتشوف نهاية الكبوت ابدا ... فلازم تحفظ الأبعاد كويس (زى الفولكس البيتل زمان)... بعكس اللانسر ابعادها واضحة
الف شكر ليك يا دكتور شريف
و جزاك الله خيرا
على فكرة انا ليا اخ اسمه شريف و برضه دكتور عيون
بصراحة انت و الدكتور شريف اقنعتونى جدا بالانسر 1300 مانوال
و حضرتك تلاحظ من اسئلتى فى المشاركة اللى قبل دى
و حضرتك طبعا لو تعرف معلومة تساعد بيها يبقى كتر خيرك
و برضه فى حاجة كونت عاوز اعرفها و هيا معدل استهلاك البنزين فى لانسر 1300 مانوال ........ لو تعرف حضرتك ؟؟؟
الف شكر على ذوقك و مشاركتك الجميلة