متشكر لحضرتك يا استاذ احمد
اقتباس:
المشاركة الأصلية كتبت بواسطة Ahmed0Nouh
ربنا يكرمك يا فندم وربنا يقدرنى واكون حيادى فى كل حاجه علشان ربنا هيحاسبنى على اللى انا بقوله
اختيارك موفق فى جانب الاعتماديه العربيتين ما شاء الله منتشرين وحاجتهم متواجده بسهوله والماركتين جودتهم عاليه سواء تويوتا او متسوبيشى , لو رجع بيا الوقت برده هجيب لانسر 1300
اولا انا كان مهم عندى جدا الراحه فى الركوب والمساحات الداخليه والتخزين وده اللانسر تتفوق فيه عن الياريس , الاداء مكنش مهم قوى بالنسبه لى انا اساسا مش بجرى ابدا فى الشارع وعلى طرق السفر مبزودش عن 130
اسعار الاكسسوارات الخارجيه وقطع الغيار كذلك كانت مهمه فى حين انى بتعامل مع ميكانيكى شاطر قوى من سنين فالتوكيل مش فارق معاى , وكان اساسى ان العربيه تكون اقتصاديه علشان انا طالب وبصرف عليها من جيبى
وغير كل ده نفسيا انا مكنتش مرتاح للياريس خالص خصوصا موضوع العدادات اللى فى النص ده بيضايقنى جدا مع انى سوقت الياريس والماتريكس كتير وسفريات طويله بس مستريحتش ليه ابدا
الياريس مع صديق لى جربتها كتير فى سفر وجوا البلد وعلى اساس كدا كان اختيارى وانا من خلال التجارب دى وضحت لحضرتك الفرق بين العربيتين
ربنا يوفقك للخير , ومتنساش الاستخاره مهمه جدا جدا
وبالمناسبه انا مهندس فعلا :S_thum1[1]: :C_laugh[1]:
متشكر لحضرتك يا باشمهندس
و الحمد لله انى عرفت اتوقع وظيفة حضرتك
و بجد صراحة حضرتك عاجبانى جدا
ربنا يكرمك بسيارتك ان شاء الله و يسعدك بيها
معلش بس حضرتك قولت انه لانسر اكبر و اوسع فى مساحة التخزين و الركوب و الجزئية دى
.......... حضرتك ده بناءا على انطباع شخصى و لا مقاييس معروفة ....... ياريت لو توضحلى لانى ركبت الاتنين
و بحس انه الياريس هيا اللى اكبر من جوة و اوسع و كمان مساحة الشنطة 475 لتر ....... فياريت لو حضرتك توضحلى النقطة دى لانه ناس كتير قالتها و انا مش فاهم ازاى ؟؟؟؟؟؟ :dzey:
لانى بحس الحاجة اللى لانسر اوسع فيها هيا حوض الماتور بس .......
و شكرا مقدما
متشكر لنصيحة حضرتك يا محمد باشا
اقتباس:
المشاركة الأصلية كتبت بواسطة محمد ابراهيم 1
الموضوع إن الياريس فئة أصغر من اللانسر اللانسر هى نفس فئة الكورولا
أنا عن نفسى لو بختار بينهم حجيب اللانسر لو مانيوال
لكن نصيحة أوعى تجيب لانسر 1300 أوتوماتيك لو عايز أوتوماتيك هات الياريس
الف شكر على نصيحة حضرتك يا محمد باشا
على فكرة انا متابع مشاركات حضرتك فى كذا منتدى هنا للسيارات و ارائك برضه ممتازة و فيها فكر
لو تسمح حضرتك تقوللى عربية حضرتك ايه ؟؟؟؟؟؟؟؟
و كمان حضرتك دخلت هنا بمشاركة و قولت كام ميزة فى الياريس خلت دماغى لفت الصراحة
و دلوقتى حضرتك قولت لو ليك تختار لانسر مش ياريس ....... ممكن توضحلى اسباب الاختيار ده و مميزات لانسر 1300 مانوال اللى تتفوق بيها على الياريس ......:S_thum1[1]:
و متشكر لمساهمة حضرتك فى الموضوع
الف شكر ليك يا استاذ محمد
اقتباس:
المشاركة الأصلية كتبت بواسطة محمد ابراهيم 1
يا باشا تحت أمرك
المفاجأة إن عربيتى ياريس
اللانسر تعتبر أرخص لأنها بتتباع كاملة مانيوال ب 93
لكن الياريس الكاملة المانيوال منها بتتباع ب 94 على الرغم من أنها فئة أصغر سنه من اللانسر
لو الزمن رجع حجيب لانسر مع كل التقدير للياريس وللكفاءة العالية بتاعتها وتفوقها عن اللانسر فى كافة نواحى الأداء ما عدا الثبات
لأن اللانسر أوسع وأعرض والعرض ده مهم على فكرة وده مش معناه إن الياريس وحشة لكن كنظرة شاملة اللانسر صفقة أفضل
متشكر ليك جدا يا محمد باشا على صراحتك و نصيحتك
طب معلش برضه هأسالك السؤال بطريقة تانية ::: ايه اللى مش عاجبك فى الياريس و لاقى انه فى لانسر
و خلاك قولت كده ؟؟؟؟؟ على الرغم انه برضه سيارة حضرتك مليانة مميزات زى مانت عارف
و برضه كلمة حضرتك انه لانسر اعرض مع انه مقاس عرض الاتنين متر و 69 سم و نص بالظبط و الاتنين قد بعض فى النقطة دى ..... ده غير انه ياريس بتيجى بجنط مقاس 15 و لانسر مقاس 14 ... يعنى المفروض كده الثبات اكتر فى صالح الياريس و لا انا فاهم غلط ....؟؟؟؟؟؟؟؟؟ :36_1_37[1]:
شكرا لمشاركتك يا استاذ احمد
اقتباس:
المشاركة الأصلية كتبت بواسطة ahmed0nouh
الله يكرمك يا فندم , وجزاك الله خيرا على دعواتك
الوسع والراحه كان بناء على تجربه فعليه لكن بصراحه معرفش المقاييس مين اللى اكبر , انا وصحابى بنخرج نفس الاشخاص ونفس العدد فى العربيتين ودايما انطباع الكل ان عربيتى اريح من عربيه صاحبى الياريس والناس بتبقى ورا مرتاحه عن القعده فى الياريس , لكن موضوع الشنطه ده قولت عليه بالشكل لكن مجربتش اقارن فعليا
زى ما قالك استاذ محمد ابراهيم , اللانسر فعلا تركبها مانيوال لكن لو اوتو يبقى ياريس
بالنسبه للأسعار اللانسر والياريس مبالغ فى اسعارهم لا جدال بس الكماليات فى اللانسر افضل بسعر اقل لان اللانسر دلوقتى نزلت ل 90 على حسب ما اعرف , الياريس فيها ميزه الايرباج وعلشان كدا قولت لحضرتك ان الامان فيها افضل بس برده سعر الايرباج بس الياريس الكامله اغلى من اللانسر , ومفتكرش ان فى حد دلوقتى مستعد يدفع فوق ال 90 الف جنيه فى عربيه ويقفل القزاز بأيده الموضوع ده مبقاش كماليات من سنه 2000 تقريبا
شكرا لكلامك و ذوقك يا احمد باشا
برضه انا كونت عاوز اقول انه العربيتين قد بعض فى العرض 1.695 متر و لانسر تتفوق فى قاعدة العجلات و الطول الكلى و ياريس تتفوق فى الارتفاع
و على فكرة ياريس مانوال فول اوبشن فيها 4 ازاز كهربا زى لانسر و سعرها 93 الف و الهاف هيا اللى ازازها عادى و دى سعرها 86 الف جنيه
برضه كان ليا عند حضرتك كام حاجة عاوز اعرفها :
1- قريت هنا انه فتحات التكييف فى لانسر بومة اللى فى النص بتخرج تيار هوا ضعيف و مش بيوصل للراكب الخلفى و الفتحات الجانبية هيا اللى قوية ......يعنى فيه سوء توزيع للهوا البارد فى لانسر بوما بالذات الركاب اللى ورا ....... يا ترى ده صح و لا لا ؟؟؟؟؟
2- لو حضرتك تعرف سعر الخليجى مانوال كام دلوقتى ؟؟؟؟؟
3- عربية حضرتك مصرى و لا خليجى ؟؟؟؟؟؟؟
4- سعر سير الكاتينة فى لانسر 1300 مانوال كام ......لانى عرفت انه جلد و بيتغير كل فترة ...... و الياريس سير الكاتينة بتاعها جنزير
5- برضه لو امكن صور لانسر 1300 مانوال ......الصالون بتاعها .....او رابط ليها او كده ......و يا سلام لو مصرى و خليجى يبقى موووووووووووز
اسف لو طولت عليك ......... بس انت قدها ان شاء الله
شكرا مقدما
الف شكر لحضرتك يا عمر باشا
اقتباس:
المشاركة الأصلية كتبت بواسطة omaroof
الحقيقه حوار جميل جدا وأراء مفيده جدا بس ليا تعليق بسيط بعد قيادة الاثنين ورؤية حادثة صغيره للياريس وكيف كانت مكلفة
والحمد لله بعد قيادة انواع كتيره مثل تيوتا كامرى 99-2004 وكرولا وbmw 535 -325 ومرسيدس ولاندكروزر وموستنج وكثير
ازاى يتم مقارنه الياريس بالانسر؟
1- الاداء اكيد لانسر اقوى ومعمره
2- اللانسر سعر اعاده البيع افضل
3- لو محمل 4 افراد وشنط اكيد سحب اللانسر 1300 حايبقى ضعيف بس اكيد لو نفس الحموله مع الياريس موش حاتمشى اصلا
4- قطع غيار متوفرة وكثيرة
5- عربيه محترمه لعائله اليارس شبابى اكثر
6- عند الحوادث الخفيفه خسائر اليارس اكبر
متشكر لمشاركة حضرتك .....
و شكرا برضه لرأى حضرتك بعد تجربة و خبرة بقيادة كل هذه السيارات الرائعة
ياريت لو حضرتك ايه اللى حصل فى حادثة الياريس ؟؟؟؟؟؟؟؟ لو حضرتك فاكر يعنى ......تفاصيل الحادث
وايه اللى حصل للياريس و كده يعنى ؟؟؟؟؟؟؟؟
شكرا لحضرتك مقدما