عرض للطباعة
يا جماعة..أنا بثق جدا في كلامكم و رأيكم لأني عارف إنه مساعدة بالرأي لوجه الله تعالي..أنا ربنا كرمني و إشتريت محل صغير كده 16 متر في حته كويسة في الهرم..عاوز أشغله حاجة كويسة تجيبلي قرشين حلوين و تكون مربحة كويس..ممكن أصحاب الخبرة يقولولي أفتحه إيه..أنا فكرت يبقي محل عصير نظيف و راقي.هل ده كويس؟؟؟؟ ملحوظة: المحل ده بتمني إنه يساعدني إني أكون نفسي..طبعا فاهميني.وشكرا
السؤال الاهم وكل الناس حتسالهولك الاول
انت بتفهم فى ايه او بتحب ايه؟
يعنى مش كفاية انك تعرف فكرة كويسة للمحل المهم انك تحبها
قولنا كده يمكن تطلعلك افكار كويسة من الناس اللى هنا
أظن أن السنترالات مربحة وسهله ومش محتاجة خبرة
ممكن تفتح نت كافيه (بصراحه مش عارف 16 متر صغير ولا لا ) ..
وممكن تفتح سنترال ...ولو مفيش صيدليات قريبه منك (100 متر ) ..ممكن تفتحه صيدليه وتاخد اسم صيدلي او تشارك معاه ..
انا شايف المطاعم (الفول و الفلافل )احسن حاجة بس محتاج مكان عشان المكنة والتحضير
مكتبة مكتبة مكتبة...اقلام كررايس كتب خارجية هدايا لعب بلاستيكية صغيرة..سيدهات وديفيدهات وكده..تبقى كبرت دماغك من بتوع المصنفات والصحة ووجع القلب بتاعهم...بس خليك مميز في بضاعتك علشان تربي زبون شيك ودفيع..بالمناسبة مؤسسة الأهرام للتوزيع ممكن تديك كتب ومجلات كبضاعة امانة كمان... أو تعمل محل بيع هدوم اطفال....والله الموفق
بص يا باشا فكرة العصير جميله جدا بس انا رايي انك تعمل حاجة متتكلفشي كتير علشان لاقدر الله لو حصل في الامور امور متقطمشي وسطك لاني فتحت مكتب كمبيوتر اول ماتخرجت و الحمد لله علي كل حال خسر و خسرت فيه كتير و برضة لازم تكون حاجة مناسبة للمنطقه يعني تدرس المنطقه كويس جدا و تشوف ايه طبيعتها و حاول تعمل حاجة تبقي للعمر يعنياعتقد النت كافيه او محل الاتصالات مش حاجة للعمر دي ظروف دوله متقلبه موضه ممكن تنتهي فجاءةزي صالات البليارو و الفيديو جيم
و حاول تفكر ف حاجة الناس متستغناش عنها زي الحلاقه او الاكل لو بتفهم فيهم و الحلاقه مش محتاجة غير صنايعي شاطر بس اعتقد عايز تكلفه
سوبر ماركت برض حاجة حيوية و الناس متستغناش عنها
محل البان و اللبن اللي بيفضل بيلل بيبقي زبادي يعني مشروع جميل برضة بس يكون واحد امين بيوردلك
لو حاجة من موضات الايام دي يبقي نت كافيه او بلاي ستيشن
اهم حاجة دعايه كويسة جدااااااااااا و علطول و يفط و اعلانات و عروض و صبر و متشاركشي حد
و ربنا يوفقك انشاء الله
ادرس المنطقة اللي حواليك الاول وشوف محتاجة ايه مش موجوداقتباس:
المشاركة الأصلية كتبت بواسطة inspiron
احنا تحتينا كوافير رجالي مثلا ما شاء الله عليه ربنا يباركله بيكسب كويس لان مفيش حد جنبه ينافسه
ده مثال
ممكن تفتح محل عطور
لو جنبك صنايعية يبقي تفتح مطعم
لو فيه مدارس يبقي مكتبة
السنترال كويس جدا بس انتشروا بطريقة مرعبة
الصيدلية مشروع مربح فوق ما تتخيل
وربنا يوفقك
الله ينور عليك مفيش بعد الاكل والشرب
ممكن عصير زى ما قولت وممكن مشروع مربح جدا وهو البيتزا بس هتحتاج صنياعى كويس
لو انت انسان عادي زينا ... يعني موظف او صاحب مهنة ام ماشابه ذلك ... يعني لو مش بتمارس نشاط تجاري اصلا .....
انصحك انك تأجره قانون جديد ..... تستفيد بالايجار ... وقيمة المحل بتزيد مع الزمن
وتريح دماغك من البلاوي التالية
الضرائب
وضرائب المبيعات
والتموين
والحي
والصحة
وبتوع القسم
والكهرباء
والمياه
والسجل التجاري
والغرفة التجارية ....
الخ ... الخ
وكل واحد عاوز يبتزك ويمص دمك وياخد فلوس منك
أنا متشكر جدا يا جماعة..أنا فكرت في حكاية الصيدلية لكن للأسف في واحدة في الشارع. و السوبر ماركت في إتنين.والحلاقة في واحد.هما حاجتين مش موجودين..مطعم أو محل عصير..محتاج أفكر كويس.و برده ساعدوني بالرأي في أي وقت.والله المستعان.
بعد قراءة كل الردود متهيالي ممكن اقولك زي ما ناس كتير قالت:
1- اهم حاجة تدرس المنطقة وتشوف فيه محلات ايه موجودة عشان متفتحش زيهم ويبقي زحمة على الفاضي ومش هتكسب
2- سيبك من محلات الموضة زي الاتصالات والموبايل لانك بتقول عايز حاجة تسندك مش حاجة سنة ولا اتنين وتلاقيها شكرا وبعدين كل شارع في مصر دلوقت فيه بين كل محلين موبايلات واتصالات 10 محلات موبايلات واتصالات يعني كتروا اوي
الصيدلية مش هينفع لان المساحة 16 متر والصيدلية قانونا متقلش مش فاكر عن 50 متر ولا 100 متر
البيتزا بردو متهيالي لا لانها مش شغالة اوي لان الناس بتفضل المحلات المعروفة اياها وهتحتاج فرن ونصبة والمكان ميساعدش
متهيالي حلاق يبقي كويس بس يتوقف على عدد المحلات في الشارع والمنطقة وسمعتها وانك تجيب 2 صنايعية بجد مش اي كلام وتبقي موجود طول اليوم
طب ليه 2 ؟؟؟؟ عشان متبقاش رقبتك في ايد واحد منهم والاتنين يتنافسوا
وليه تبقي موجود طول اليوم ؟؟؟ عشان متتسرقش يا ناصح
وربنا يرزقك
محل عصير شغله موسمي وانت بتقول عايز حاجة تبني مستقبلك منها مش تقعد جنبها من الموسم للموسم
ومحل حلاقة واحد مش كتير المهم تعرف تجيب صنايعية كويسة وامينة انا في منطقتي في مربع لا يزيد عن 100 متر في 100 متر فيه 4 محلات وكلهم شغالين ما شاء الله كويس جدا ومنهم واحد صاحبي ربنا يرزقه يا رب ومش محله كمان ده بيشتغل فيه ومن امانته صاحب المحل علشان عنده محل تانى سايب له ده هو اللى واقف فيه وبيشغله كانه محله بالظبط ورزق الاتنين على الله والحمد لله ربنا رازقهم جدا ويا رب يرزقهم ويرزقنا ويرزقك ويرزق الجميع بالحلال يا رب
مع احترامى لكل النصائح إياك أنك تسلم رقبتك لصنيعى عموماً أصبح شئ عادى فى ثقافتنا أن لما العجلة هتمشى الصنيعى هيتغير و هيقولك 50 % أو هسيبك و المحل "هيؤع" و طبعاً أنتا هتدور على صنيعى تانى و ممكن يحصلك نفس المشكله لأنهم بيحسوا انهم بيتعبوا و انتا المستفيد فقط .
انتا فى يومين أجابة دعاء أدعى أن ربنا يبعتلك الفكرة و استشير أصحاب خبرة فى السوق و استخيييييييييييير كتيييييييير . و الله الموفق
حضرتك انا فى نفس الموضوع حاليا ... والافكار دى هتفيد اى حد جدا وشكرا يا جماعه للافكار
بس انا شوفت رد من الردود انك تأجر المحل .. وانا رأى ان الموضوع ده مش تمام لان احنا عندنا محل كنا مأجرينه لواحد وبعدها اما العقد بتاعه خلص مرضيش يطلع من المحل وقالك انا موضب المحل وعاوز 17 الف جنيه !!!!.. رحنا رافعين عليه قضيه وهو كمان جاب محامى والقضيه فضلت شغاله حوالى سنتين او اكتر ! وكل ده و المحكمه كانت سايبه قاعد فى المحل عادى جدا .. واحنا عائله ملهاش فى شغل البلطجيه .. ولا اصلا حد فى العائله له فى المجال التجارى بتاع المحلات وكده ... بس اهو اللى حصل بقى والمحل اتشرى واحنا كنا بره مصر وبقى ملك لينا .. وبعدها دلوقتى القضيه خلصت حمد لله وكسبناها ومش عارفين نشغله ايه ولا مين هيعد فيه حتى ! هو مساحته 25 متر وناحيه شارع احمد سعيد .. قرب عماره الاعلامين ..
فا ياريت لو حد عنده افكار برضه او من المنطقه دى يقول .. لانى معنديش اى خلفيه عنها .. والمحل ممكن اشغله ايه ومين يقعد فيه لان المحل المفروض انى هكون مسؤول عليه لان محدش متفرغله !
وشكرا
وانا اسف انى عملت مشاركتى معاك ف نفس الموضوع بس انا قلت عشان الافكار تبقى فى موضوع واحد .. والاستفاده اكبر
:S_thum1[1]::S_thum1[1]:اقتباس:
المشاركة الأصلية كتبت بواسطة aif
دراسة المكان اهم شئ
- متطلبات الإنسان اليومية وخصوصاً الأكل مشروع مضمون بنسبة عالية جداً. (سوبر ماركت مثلاً).
- نصيحة خاصة : لو المكان عندك فيه حركة وشباب يعنى طريق سيارات وكده وبتفكر فى مجال مش منتشر قوى ولكن هيبدأ ينتشر يبقى ممكن تفكر فى محل قطع غيار ( انا حالياً فاتح محل لقطع غيار الموتسيكلات الصينى ) والمجال ده ممكن أساعدك فيه وتحت أمرك فى أى مشورة تطلبها .
- ممكن تفكر فى محل كماليات سيارات ، شغل الفسفور (شغل حلو قوى بس للأسف معنديش خلفية كبيرة عنه ).
- لو فيه حركة كتير من الناس فى الشارع عندك ممكن تفكر فى مشروع الإكسسوارات الحريمى كالعطور والطرح والذهب الصينى وغيره ... ( أسعار الحاجات دى بتبقى رخصية ومكسبها مع الحركة كويس قوى ).
- محلات الألبان شغلها فله شمعة منورة ( جبن ولبن وزبادى وقشطة ومخلل وكده ). بس محتاج تجهيزات مكلفة شوية.
* فى الأول والآخر لازم تعمل الحاجات دى :
1) تدرس المكان كويس قوى.
2) تحدد رأس المال مع ترك جزء احتياطى للتوسع او لأى ظروف طارئة غالباً بيبقى ربع المبلغ المخصص.
3) لازم تحدد من الأول عاوز توصل لإيه يعنى بتفكر تكبر ولا بتقول بس المشروع يشتغل ومش عاوز اكتر من كده (النقطة دى مهمة قوى على فكرة).
4) استعدادك لتحمل مشاق العمل والقدرة على التعامل مع نوعيات مختلفة من البشر.
5) اى مشروع فكرت فيه واقتنعت بيه لازم تحاول تشوف حد يكون يبشتغل فيه تتعلم منه بعض اسرار المهنة ومفيش مانع انك تدرب عنده فترة ولو تشتغل عنده ببلاش لغاية اما تشوف هتقدر تكمل فيه ولا لأ.
ده اللى فى دماغى حالياً وربنا يوفقك لما فيه الخير
اول حاجة لازم تشرف على المحل و مينفعش تعمل مشروع وتسيبه لغيرك
الافكار اللى فى دماغى
1- محل خطوط وكروت و عداد موبيل واكسسوار ( المجال ده لو بتفهم فيه يبقى عنب )
2- محل سوبر ماركت ( و لو معاك فى نفس المنطقة ماركت تانى تحول تنفسه وتجيب بضائعة احسن منه )
3- محل ادوات كهرباء ( لمبات و ترانسات ودوايات ........... محدش بيستغناء عن الحاجات دى وشغلها مش موسمى )
4- مكتبة وادوات مدرسية و تلاجة حاجة ساقعة وايس كريم ولو مفيش حد بيبع جرائد فى المنطقة ممكن توزع انت ( اغلب شغلها هيبقى موسمى )
واخيرا ربنا يوفقك
محل بلاى استيشن 3 والمتش بجنيه وانتا وشطرتك بقى
انا شايف سوبر ماركت مشروع حلو قوى
وممكن يبقى اكتر من مشروع فى وقت واحد
يعنى يبقى بجانب السوبر ماركت و العصاير و البيبسى والمقرمشات والكلام دا
مفيش مانع تبقى بتبيع كروت موبايل ويبقى فيه موبايل فى المحل الناس تتكلم منه
وكمان ممكن تعمل رفين او تلاته فيهم كراسات و اقلام واستيكرز
يعنى ممكن واحد يبقى داخل المحل يشترى اى حاجه يلاقيك بتبيع كراسات فيفتكر انه عاوز قلم او كراسه او اجنده
اهم حاجه تتاجر بلحلال و تشترى بضاءع كويسه وربنا هيوفقك و يرزقك
لو فى عشر صيدليات فى نفس الشاعر بردخ حنصحك بصيدلية
انا ساكن فى حى السفارات واقدر اسميه دلوقتى حى الصيدليات
كل عمارة جديدة تتطلع المحل اللى تحتيها لازم يبقى صيدلية
وكلهم شغالين ومحدش منهم قفل، يعنى لقيت سوبرماركتت وبتوع اكل قفلوا لكن الصيدلية شغاااااااااااااااااااال