حادثه بشعه جدا ...والنتيجه طفل مات

**moudy88** · 08-09-2009 01:47 AM

حصلت حادثه رهيبه وبشعه النهارده ..واخويا كان شاهد عيان فيها ...

المكان : في القاهره الجديده مكان الشغل عند اخويا ...وهو راجع من الشغل لقى الناس بتجري ورا واحد وطفل عنده تقريبا عنده 11 سنه مرمي على الارض في دمه وبعيد عنكوا (احشائه طالعه ودماغه مكسره )..

اللي حصل ان اتوبيس (مرسيدس 54 راكب ) داس على الولد و السواق ساب العربيه وطلع يجري والناس وراه ..وطبعا محدش رضي يقرب من الولد علشان مايلبسش التهمه وعمالين يشتموا ويسبوا في بعض بدون سبب ..
المهم اخويا شاف المنظر ركن العربيه ونزل هو واصحابه ( اخويا طبيب بيطري وله خبره في امور الطب )
ورغم بشاعة المنظر .. حط اصابعه على رقبة الولد ولقى فيه نبض وطبعا محدش يقدر يلمسه ويشيله لانه مش حته واحده
واتصل بالاسعاف ووصل بعد ربع ساعه والمسعف كان خايف من المنظر ونزل المونيوتر من العربيه وطبعا الولد كان فارق الحياه ..وانتقل الي رحمة الله في شهر رمضان لينتقل باذن الله الي فسيح جناته

واللي يزعل الواحد اكتر ان الطفل ده كان صبي صنايعي ...

ياريت ياجماعه ناخد بالنا ونتقي الله في انفسنا وفي غيرنا ..ولو اي حد حاسس انه مش قادر يسوق في نهار رمضان مايسوقش حفاظا على حياته وحياة الاخرين

**icehearted girl** · 08-09-2009 01:50 AM

لا اله الا الله

**gebreel** · 08-09-2009 01:54 AM

لا حول ولا قوة الا بالله، انا لله و انا اليه راجعون
و الله يا مودي مش بس في نهار رمضان لأ ده في اي وقت لو في حد مش قادر يسوق ميسوقش علشانو و علشان الناس

**ecybrarian** · 08-09-2009 01:55 AM

لا إله إلا الله....ربنا يرحمه ويجعل مثواه الجنة

**شريف** · 08-09-2009 02:13 AM

ربنا يرحمة
اكيد الحادث دة عند صينية الغاز
العمال بيبقو بالميات منتظرين وسيلة المواصلات عشان يروحوا و الحتة دى عايزة حرص من اللى بيسوق رغم وجود مطبات

**gebreel** · 08-09-2009 02:18 AM

لا حول ولا قوة الا بالله، انا لله و انا اليه راجعون
و الله يا مودي مش بس في نهار رمضان لأ ده في اي وقت لو في حد مش قادر يسوق ميسوقش علشانو و علشان الناس