افتراضي ساعدونى فى اختيار انسب مقاس عجل ل127

**Ros** · 08-09-2009 03:45 AM

ايه انسب مقاس عجل لل 127 لان انا اللى معايا رفيع قوووووى فاعير اجنط واجيب عجل عريض شويه عشان يدى استبايلتى للعربيه ف ايه الانسب عشان ما يبوظش حاجه فى العفشه و كده ؟؟؟ وايه احسن نوع و ياترى فى حد ياخد من العج القديم ويدخله فى جديد و ياترى يعمله كام كده ؟؟؟

**Ros** · 08-09-2009 07:01 PM

مساعده يا اهل الخبره

**eslamrace** · 09-09-2009 01:47 AM

اقولك يا معلم انا شوفت عربيات 127 عليها لحد جنط15 بوصه بس طبعا على عفشه سبور وكده ولكن انت عايز جنط عريض وبس ممكن جنط 13 عريض والافضل تجيبه حاجه غير الصينى ولكن للاسف المقاس بالظبط بتاع الكوتش مقدرش افيدك ممكن تشوف راى باقى الاعضاء

**sweetheart_** · 09-09-2009 08:52 AM

بص انا ركبت كاوتشات عريضه على نفس الجنط الاصلى لانه حديد واقوى من الصينى وجبتلها طاسات وبقى شكلها حلو وبالنسبه للمقاس بعد ما سالت كتير هنا وناس كتير ركبت 155/70/13
دا مناسب وجبت الكاوتشات جى تى وكان عامل 200 للفرده من 4 شهور هو كويس بس على فكره هيتقل الدركسيون شويه
هى الكاوتشات الاصليه مش وحشه حتى الثبات مفرقش كتير هى بس العريضه احسن فى الملفات عشان بعد الشر ما تتقلبش لان الرفيعه بتقلب العربيه بسهوله وكمان الشكل .

**Ros** · 10-09-2009 03:03 PM

شكرا يا باشا بس اصله قالولى لازم يبقى فى حسبه كده فى الكاوتش عشان انا عايز اعرضه

**sweetheart_** · 12-09-2009 02:48 AM

انا عارف ان فى حسبه وانا سألت على دا كله قبل ما اعرضه هو بس فرق معايا على 30 ميل 2.5 ميل وانا عرفت كدا ومكيف نفسى على كده يعنى لما اكون عايز امشى على 90 بمشى على 80 الاول كنت معرفش حكاية فرق السرعه وكنت ببقى ماشى على 101 وانا فاكر انى على 90 بس الحد لله ربنا ستر وعرفت قبل ما الردار يعرفنى

**matrixahmed** · 05-10-2009 03:32 PM

ايه حكايه فرق السرعه دي ؟؟؟؟؟؟؟؟؟؟؟؟؟؟؟؟؟؟

افضل مقاس 155/70/13
ويركب علي نفس الجنط او جنط سبور مفيش مشاكل
انا مركبه من 4 سنين والعفشه تمام الحمد لله

**sweetheart_** · 06-10-2009 12:27 AM

فرق السرعه دا بيجى من اختلاف المقاس بتاع الكاوتش خاصة لو هتغير من 55 ل 70 مثلاً هيبقى العداد قارى سرعه اقل من الحقيقى اللى انت ماشى عليها فعلا وفى مواقع بتكتب المقاس القديم والجديد وبيديك الفرق فى السرعه
ممكن حد يقولى على عنوان متخصص كربراتير بس

**abosharbat** · 13-10-2009 11:59 PM

ازاى يركب 155
انا كان الاستبن عندى 145 والعربية كلها 135
بعد ما ركبي الاستبن كان بيحك جامد فى الكارتير من ورا
رحت مشترى فردة جديدة 135 والعربية اتظبتط
واحسن ماركة هى الهانكوك الكورى
جبت الفردة من اسبوع 170 ج

**carfreak** · 01-11-2009 05:01 AM

انا مركب فى الأمام عجل رفيع 135
بس ورا مركب عجل عريض بالنسبة للى بالأمام 155 و علشان اركب العرض دا على 127 موديل 83 قصيت شويه من الصاج
ملحوظة: العفشة عفشة المصنع و كذلك الجنوط
العجل الرفيع الللى فى الأمام كويس فى الركن بس مش تمام فى المنحنيات