المشاركة الأصلية كتبت بواسطة Terrible_DaRsH
اكيد طبعا .
فائدة الدبرياج هى فصل عمل المحرك عن ناقل الحركة .
انت لما العربية بتبطل منك بيحدث خلل بسيط , لان انت بتدى الغيار الاول العربية بتستعد لوضع الحركة .
لما بتشيل رجلك من على الدبرياج بسرعة و بتدوس بنزين خفيف جدا , العربية بتبطل لانك محركتهاش و ده بيحمل على الاسطوانة .
الكلام ده ضرره خفيف فى الاول لكن لو تكرر كتير اوى ممكن تدخل فى حصة ميكانيكا مع العربية .
حاول تتعود على العربية , تظبط الدبرياج مع البنزين و لما العربية تترعش منك اعرف انك لازم تدوس بنزين شوية او تلحق بالدبرياج بسرعة قبل ما تفصل .
و لو صوتها على شوية و انت طالع اعرف انك دايس دبرياج جامد .
هى عملية تعود بس و ان شاء الله تبقي تمام .